ياريت تساعدونى فى شراء سيارة سيات ابيزا 94 أو 98 ....
أيهما احسن ؟
واسعارهم اية ؟
وهل هى فعلا سيارة مناسبة للسفر ؟
وما هو افضل وقت للشراء؟
[mn7ot2]http://www.carswalk.com/seat/seat%20ibiza%201998/199820Seat20Ibi2001.jpg[/mn7ot2]
عرض للطباعة
ياريت تساعدونى فى شراء سيارة سيات ابيزا 94 أو 98 ....
أيهما احسن ؟
واسعارهم اية ؟
وهل هى فعلا سيارة مناسبة للسفر ؟
وما هو افضل وقت للشراء؟
[mn7ot2]http://www.carswalk.com/seat/seat%20ibiza%201998/199820Seat20Ibi2001.jpg[/mn7ot2]
94 ماتورها 1300 سى سى لو 98 ماتورها 1000 سى سى الماتور بيهلك بسرعه -لو ماتور 1400 يبقه تمام
والمهم حاله العربيه قبل موديل السنه وصعب انك تلاقى 94 حالتها نضيفه
انت كدة عايز مقارنة وتقييم للسيارتين
مش مسألة سؤال او استطلاع رأي
انا هجاوبك بأختصار شديد جدا والأختيار في النهاية ليك
من حيث السعر
الأبيزا 94 اولها 25 واخرها 30 الف جنيه
ال98 اولها 27 للفاضية تماما وأخرها 36 للكاملة وحالة نظيفة
من حيث المحركات
ال94 الأستوك بتاعها 1300 كربراتير بقوة 55 حصان
ال98 الأستوك بتاعها 1000 انجيكشن كامل بقوة 50 حصان
الأتنين بينفع يتسقطلهم مواتير لحد 2400 مع مراعاة تغيير اللازم
من حيث الفروقات الظاهرية بينهم
ال94 ايريال في الرفرف الشمال الأمامي
ال98 ايريال فوق السقف
ال94 4 مساند رأس مفرغة
ال98 4 مساند رأس مصمتة
ال94 العدادات مافيهاش ار بي ام غير في فئة واحدة فيها والكيلومتر انالوج والساعة انالوج مكان الأر بي ام وديجيتال للي فيها ار بي ام
ال98 عدادات ار بي ام وساعة وكيلومتر ديجيتال
ال94 مفتاح عادي
ال98 مفتاح خريطة وايموبلايزر وبعض موديلاتها ريموت في المفتاح وانذار
ال94 مانزلش منها تكييف
ال98 في منها تكييف فبريكة
والأتنين بيركبلهم تكييف
ال94 الولاعة داخل درج الطفاية
ال98 الولاعة منفصلة عن الطفاية
ال94 الأكصدام افضل وامتن
ال98 أكصدام فيبر سهل الكسر
الحجم واحد والتعليق واحد وكل شئ من حيث العفشة والفرامل والشاسيه والبودي تقريبا واحد وبعض اجزاء المحرك متشابهة
السرعة القصوي للأتنين واحدة 145 كم/ساعة (حسب الكتالوج وفي ناس كسرت ال160 بسيارة 1000 سي سي)
استهلاك البنزين لصالح ال98 لكونها 1000 انجيكشن
قطع الغيار ومدي توافرها واسعارها تقريبا متشابهة جدا للأتنين
الصيانة والميكانيكية - الأتنين لازم يروحوا لميكانيكي فولكس
التعقيد وصعوبة الصيانة لصالح ال98 في مقابل البساطة وسهولة الصيانة لل94 والأختلاف لكون ال94 مافيهاش كنترول وبالتالي مفيش حساسات لأنها كربراتير
بالنسبة للسفر - الأتنين يسافروا عادي جدا لأي مكان في مصر دون حد اقصي للسرعات او المسافات وعن تجربة لأحد الأعضاء بسيارته ال1000 سي سي عمل 1300 كم في يوم واحد لصعيد مصر ذهاب واياب في نفس اليوم
مفيش وقت مناسب للشراء - وقت لما السوق بيريح بيريح علي الكل ولما بيشد بيشد علي الكل
تحياتي لحضرتك ولو في اي استفسار انا تحت امرك في اي تساؤل
والله المستعان
،
،
كان معايا ابيزا 94 بمكنه 1600 باب واحد رياضيه من اشد العربيات الى ركبتها فى حياتى وكنت بقفل بيها 200 وكل اما ازود السرعه الثبات يزيد وكانت خرافه فى الغرز -الكبوت يعدى تبقه العربيه كلها عدت
وقبلها ركبت ابيزا 93 السيارة المعجزة فى وقتها حقن الكترونى كامل 1200 سى سى وكانت بتوصل 190 والعادى 180-طبعا السرعات دى وقتها كانت حاجه عاليه جدا غير الان كله بيجرى
مش هينفع اضيف على ابو السيد وكما وضح الحاله هى الفيصل
في كمان فرق بسيط اوي بينهم في فرش الأبواب
بص يا باشا انا هقولك على حاجه يمكن الشباب نسيوا يذكروها لك ...
خد بالك احنا في 2012 و العربية اللي بتتكلم عليها دي لو 94 يبقا كدا بقالها 18 سنة شغل
ولو 98 يبقا بقالها 14 سنة شغل ، اظن ان حتى لو هي 1998 اللي مشيته في 14 سنة ميكونش اثر فيها ؟؟؟؟
اكيد العربية دي بعد 5 سنين فتحت بقها ولو حتى مره واحده في حاجه جامدة
انا بقول الكلام ده للنصيحة والله و العلم عند الله بالنوايا
حاول تشوف عربية بعد 2002 علشان تبقا بتتكلم في عربية بقالها يادوب 9 سنين (طبعاً على اساس ظروفك المادية) و بقولك كدا احسن ما تدفع يابن الناس القرشين و تفضل بعد كدا تصرف عليها اللي وراك و اللي قدامك و ترجع تندم.
انا شاري 2004 و اخدتها كدا عمياني و علشان ارجعها على حالتها صرفت شويتين و اسمها 2004 يعني مكملتش 8 سنين
ارجو انك تتفهم الكلام و طبعاً عندك اراء الناس المحترمين و اللي سبق انهم ادولك كافة المعلومات عن اللي طلبته + النصيحة اللي ذكرتهالك
و اخيرا قبل شراء اي شىء لازم تستخير الله عز و جل ، فمن توكل على الله فهو حسبه
و شكرا و اسف للأطاله
ما شاء الله علي رجالة القسم ...
هقول ايه تاني ؟ :120146b
والله يا جماعة الموضوع دة مش مقياس
انا اعرف واحد لحد النهاردة معاه ابيزا 94 من الزيرو اول يد والعربية الله اكبر عليها بحالتها من يوم ما اشتراها وتحركاته بيها محسوبة - صحيح ماعرفوش شخصيا بس من اول يوم اشتراها بشوفها معاه وبيركنها جمب البيت عندي
دي واحدة
قيس عليها عربيات كتير بنفس المنطق
اللي عايز يحافظ علي عربيته بيحافظ عليها سواء اوروبي او اسيوي
وفي بردو سيراتو موديل 2011 اتلعب فيها البخت وتعديلات وراشة اجزاء وووو
دايما لما بنيجي ننصح حد بنشدد علي الحالة لدرجة اننا يمكن مابقناش نقولها باللفظ لأنها بقت حاجة مفروغ منها
ممكن عربية موديل 94 وتلاقي الكيلومتر بتاعها اقل من الكيلو متر بتاع عربية تانية 99
حتي لو صاحبها نصاب ولاعب في الكيلومتر بردو الفيصل هو الحالة ايه يعني لاعب في الكيلومتر بس مديني العربية بحالة الكيلومتر الموجود قدام عيني
ثم ان النهاردة بالذات في الأبيزا انا اقدر ارجعلك العربية لحالة الزيرو بس اديني فلوس
الأستيراد ماخلاش - انا مش عايز اكثر من شاسيه ودواخل سليمة وانا عندي الكفاءة ارجعلك العربية علي الزيرو (وفريكة برة كمان)
انا ساعة لما عملت الحادثة كنت هجيب رفارف وكبوت نفس لون العربية (يعني لو انا كنت عايز اغش كنت هبيع العربية فبريكة برة وجوة وموتور جديد وفتيس جديد وتكييف وباور وايه - حالة شاذة كمان)
في كلمة اتقالت هنا في القسم مرة من فترة - بس للأمانة مش متذكر صاحبها
قالك - الألماني مايتركبش ورا واحد شحات (يعني ايه شحات؟؟)
يعني ماتركبش ورا واحد مش بيصرف علي العربية (طب وانا هعرف ازاي ؟؟ - هراقبه سنة قبل ما اشتري ؟؟) بيبان
لما حضرتك تشوف هيئته وطريقة كلامه وعربيته - هتعرف بيصرف عليها ولا بيهملها
لما تسأله مين الميكانيكي بتاعك
لما تسأله بتجيب حاجتها منين
لما لما لما
مش هنكر ان احتمالات نظافة الموديلات الأحدث - اكبر من الأحتمالات في الموديلات الأقدم
لكن بردو مش مقياس
ونصيحتي الغالية - اوعي تركب ورا واحدة ست
لعدة اسباب ...
1- بترميها عند الصنايعية يلعبوا فيها البخت
2- مش هقولك الدبرياج والكلام الفارغ دة - ولا حتي الصاج والخبطات
3- ممكن بمنتهي السهولة تديها لأي حد يسوقها وبردو يلعب فيهاا البخت
4- مش بتهتم بصيانات ولا بقطع غيار (والديل شوف عدد الأعضاء من الجنس الأخر في المنتدي ولو متواجدين هتلاقيهم في الأجتماعي اكثر من القسم بتاعهم)
5- مش بتهتم بأزاي تحافظ علي العربية (اقصي أهتمام بالغسيل والنظافة للبودي والصالون والدباديب)
هحكيلك علي موقف شوفته امبارح بعيني الأتنين
انا امبارح كنت راكن في شارع في وسط البلد بدون ذكر اسماء
روحت اشتري غدا وكنت هرجع اكله في العربية
شايف راكن بعدي بكام عربية - عربية هاتشباك بردو بدون ذكر اسماء -
عربية تانية قافلة عليها صف تاني ومعشق غيار وشادد فرامل اليد (غالبا العربية اوتوماتيك)
يمين شمال - الواد السايس مش او البواب مش عارف يزقها
والعربية الهاتشباك راكبها بنوتين (لا يتعدوا ال25 سنة) واللي سايقة طبعا مش عارفة تطلع بالعربية
كلكسات وو ووو
روحت ورجعت وهي لسة واقفة
قاعد بتغدي في العربية وشايف في المراية الواد السايس راح منزلها وراكب هو
وهوب - راح فضل يطلع قدام وورا وراح عادل وشه وراجع بظهره طالع علي الرصيف وعادل وش العربية وخرج بيها من خرم الأبرة (ناهيك عن احترافيته ودماغه العالية)
بس لو راجل عمره ماهيدي عربيته لحد تاني يسوقها ويطلعله بيها علي الرصيف ويعرض عربيته للخطر
المهم بعد العربية ما طلعت ومشيت - لقيت العربية بنص اكصدام فقط وطبعا النص المش موجود كان مستخبي وانا مش شايفه لأنه كان النص اللي ناحية جوة
عرفت وقتها ان كان لازم البنت دي ماتعرفش تخرج بيها لأنها واضح انها بتعامل العربية معاملة سيئة وفي الأخر ترميها لتاجر يبيعها ويقولك استعمال سيدة
عجبي
العربيات دي احسن عربيات في حدود السعر ده..والا هيلاقي نفسه عشان يركب حاجة موديل 2002 هيدور في الصيني. وطبعا مفيش مقارنة بين الالماني والصيني. وعلي فكرة قطع غيارها موجودة ورخيصة وعربية هايلة جدا. ومعلش الصيني فيه اوبشنز وشكله ظريف بس مشاكله كتير ومقرف وكلمة سيفتي معديتش عليهم حتي!! الابيزا فيها اوبشنز كتير جدا ممكن يركبها واسعارها هادية ولما بتبقي كاملة بتبقي عربية تحفة
بصراحة رجالة المنتدى جابو معاك من الاخر, كر خيرهم
انا مع رأى ان سواء ال 94 أو ال 98 بقالهم 14 - 18 سنة شغالين, أكيد أكيد فتحوا بقهم وفتحوا كل حاجة :majd(2):
بس البشمهندس سيد بردو معاه حق, لو صاحب العربية معاملته نضيفة وبيصرف على العربيه عشان تعيش, هاتكون احسن من واحد أجدد بص تعبانة, بس هاتلاقيه فين ده :waaaht:
انا معايا 94. فبريكه بره وجوه. بس تقريبا صاحبها القديم كان بيحطلها اى زباله يلاقيها فى اى حته, انا شفت فيها العجب علشان تتعدل, ولو كنت من الاول اخترمت نفسى وجبت حاجه غاليه شويه, ماكنتش برده هاشترى دماغى قوى, أى مستعمل هايعوز شغل - ده شىء مفروغ منه - بس كنت هارتاح شويه
امبارح شفت واحد معاه واحده 2000, ماشاء الله جميله, بس برده قالى انها تعبته أول ما جابها وصرف عليها حوالى 3000 - 4000 وبعد كده جابلها 4 كاوتشات جداد, وتشفها من بره تقول موديل 2008
انا رأيى تبتدى تفكير من أول 2002, غالى طبعا, بس بتقلل احتمالية المشاكل والاعطال, شوف حاجه فبريكه, وماتتخدعش لما يقلك انا مسقط ماتور 6000 سى سى, أعتقد ان الفبريكه بتاع الخواجه فبريكه
وان شاء الله تتوفق فى حاجة كويسه
والله العظيم انا احترت ومبقتش عارفة اشترى ايه مع انى محتاجة عربية ضرورى
كنت استقريت على الابيزا 94 ويكون متركب لها تكييف وتكون فى حدود 25 او 27 كدة. بس بعد الكلام دة انا مبقتش عارفة اشترى ولا استنى كام سنه لحد ماعرف احوش تانى
بص يا باشا
من احترقت بدايته، أشرقت نهايته
يعني ، لو اختارت صح من الأول - هترتاح في الأستخدام
اشتري عربية فاضية - سليمة وكهربتها سليمة ومش ملعوب فيها - هتريحك اكتر من عربية ملعوب فيها البخت
احد الأعضاء هنا - له تجربة جميلة اوي مع عربيته
اشتري عربية بموتور مفوت بسعر رخيص - سقط فيها مكنة بنظافة وشغل معلمة ودلوقتي بيظبطها علي ايده واحد واحدة - اتوقع هتبقي احسن عربية في القسم ان شاء الله
ربنا يباركله فيها
اقصد انك تشتري العربية الصح وتعمل صيانتها صح هتشتغل معاك زي الفل ان شاء الله
من غير حيرة
الأول اهلا بحضرتك في قسم سيات نايل موتورز
حضرتك حددي اهدافك وبناء عليه اختاري عربيتك اللي تحقق اهدافك
شوفي حضرتك استخدامك ليها هيكون ايه
انا متوقع ان حضرتك اما هتروحي بيها كلية او الشغل او لطلبات البيت
اذن السيات ممكون تناسب هذه الطبيعة من الأستخدام
عايزها مكيفة - اما اجيبها علي التجربة او اجيبها واركب انا التكييف المناسب ليها
معايا مبلغ معين - ادور في حدوده
الأبيزا 94 مكيفة لن تقل عن ال27 لو حالتها كويسة وممكن تزيد
تحياتي
واهلا بحضرتك مرة تانية في القسم
شكرا لحضرتك أ/ سيد
ربنا يكرم ان شاء الله والواحد يلاقى حاجة كويسة .... وانا فعلا سعيدة انى اشتركت فى المنتدى ... وبعد اذن حضرتك لو عندى اى استفسار حناقشه فيه عشان استفاد من خبرتكم
الكلام ده هوا الصح .
انما لو أنتا طبعتك ممكن تتعب شويه خلاص اما تجيب 94 او 98 وعندك المقدره أن تظبط اى حاجه فيها مره وحده من بعض الصيانات عشان تركب وتريح دماغك
أنما كونك تلاقى منهم حاله نضيفه او زى مابقولوا بفربيكة بلادها ده صعب وممكن تلاقى بس أحتمال ضعيف جدااااا جدااااااااااا
وكتير هنا بالقسم جابوا الأبيزا وظبطوها عادى جدا وركبوا وتمام التمام
هيا ليها حسبه ميعرفهاش غيرك وعندك جميع الأراء وختار
ربنا يوفقك
دة لينك لموضوع قديم ممكن يساعد
http://www.nilemotors.net/Nile/179538-94-99-a.html
http://www.nilemotors.net/Nile/167877-98-3.html
ودة لينك لموضوع فيه مقارنة بين الموديلين يمكن يساعد
http://www.nilemotors.net/Nile/371045-94-98-a.html
تحياتي
اخى الفاضل الاحدث دائما افضل والاهم الحاله طبعا
شوف 98 موتور 1400 انجكشن
ويا سلام بقى لو فيها باور وتكييف
وربنا يوفقك
98 جميله
لاء وفى حاجه كمان ال98 فيها تكييف وباور وال 94 مفيهاش وده بقى اوبشن مهم جدا جدا جدا
لو سمحتم يا جماعه انا عايز اشترى سيات ابيزا موديل 94 لكن فى مشكله انى بلاقى كتير ناس مغير موتور عربيه الى موتور جولف فكنت عايز اعرف اى سبب مشكله فى موتور الاصلى واى الافضل موتور عربيه ولا عربيه ال تم تعديل موتور الى موتور جولف وشكرااا
شباب قسم الابيزا بعد اذنكم انا محتاح مستعدتكم ضروري لان عربيتي فيها شغل كتير هي ابيزا 98 والموضوع بالنسبه لي بقى عامل زي الشوكه ف ظهري ف ياريت الاهتمام اللى فاضي منكم بعد اذنكم يكلمني واتس عشان محتاج نصايحكم وده رقمي 01003905911