يا باشا غير مسجلة بالنظام اتاكد ان ورق العربية هناااااااك اصلا
عرض للطباعة
الله الله عربيتى 128 موديل 76 جايلى 610 جنيه 100 التحدث فى التليفون اثناء القياده(على فكره عربيتى لو سبت ايد وحده من الدركسيون عشان ارد على التليفون اساسا هلبس فى الرصيف ياما هنط فى النيل) و500 التسبب دون مقتضى في تعطيل حركة المرور او تعويقها........وانا عمرى ما ركنت فى حته اساسا بره بيتى مشاويرى بالعربيه كلها طيارى.............
نفس المخالفتين اللى ب 526.6 و انا شايف ان كده عددنا زاد جامد :p
مخالفة التعمد عكس الاتجاه دى بقت اساسى على كل العربيات ومفيش تظلم
لازم حل لتجاوزات المخالفات الظالمة دى
معناها لسه مفيش عليها مخالفات خالص فمدخلتش السيستم...
انا فضلت كده شويه و قلقان لحد ما ربنا كرمنى و دخلت السيستم ب 1005 !!!
مخالفة عكس اتجاه (على الرغم انى مش عارف اشوف التفاصيل) بس انا عارف هى فين لأنى فعلا كنت تايه و داخل شارع و مش عارف انه عكس راح امين شرطه موقفنى و قالى اللى تشوفه و كده ... كبرت فى دماغى و مرضيتش اديله رشوه فراح كاتب المخالفه ... ربنا يجازيه
الغلطة مش غلطة المرور
الغلطة غلطكم أنتوا
لأنكم مش ميشيتوا عكس الإتجاة أصلاً - مدام كدة كدة هتتسجل عليكم
وبعدين اللي مشي عكس الإتجاة ما صحصحش دماغه
لأن شعار اللي بيمشي بالعكس
(أمشى براحتك ومشي حالك وحال العسكري اللي واقف )
أنا طلعت لي 305
بس مش عارفة ليه ؟ ومافيش مكان لمواصفات المخالفات
بس أعتقد أنها تعطيل السير ، وأعتقد أنها حقيقية
وكانت مش غلطتي - كانت غلطة عسكري المرور اللي واقف
الإشارة فتحت - أبتدي الشارع يمشي وكنت أول الصف - كان العسكري مشغول بوصف طريق لأحدى السيارات - فالشارع المعاكس ما وقفش - فحاولت أعدي كانت الإشارة قفلت وفجأة أنتهى العسكري من شرح الطريق وفوجئ ، وفوجئت إني وسيارة خلفي في نصف الطريق :eee:وملحقتش الإشارة .
رغم أني مشيت مرة عكس الإتجاه في شارع كل الناس بتمشيه غلط وكانت بتعدي عادي - وجيت أتمسكت فيه مره - ودفعت للعسكري 20ج - قال لي ما ينفعش دا الرائد متابعني - قولت له بصوت واطي خوفاً من الرائد اللي متابعه :whtauwant:طيب ينفع 50ج - قال لي ماشي .
يلا خلى الشعب والمرور تنبسط
فداكي فلوسي وفلوس أصحابي وأعضاء المنتدى يا مرور القاهرة الكبرى
يا حبيبتي ...... يا شرطة المرور
إمشى لوحدك عكس الاتجاه
الحل بقى ان اللى مطلعلوش غرامات يساعد أخوه المحتااج ويواسيه
إتبرع ولو بجنيه عشان أجمع ال 1000 ج
مين من الاعضاء حصل معاه الموضوع ده تاني يا جماعة ياريت الكل يدخل باذن الله ويقولنا ايه الاخبار
بشرى سارة يا جماعة فاكرين صاحبي اللي لقيت عليه 2000 عمل تظلم امبارح ونزلولوا المخالفات ل 1000 جنيه
ودفعهم الحمد لله
الحمد لله باركولى
طلعلى The operation has timed out
يعنى فيه امل انى اعيش :)
طيب يا جماعة هو انا لو كنت راكن فى مكان ممنوع و بعدين العربية اتكلبشت و رحت لعربية المرور و فكوا الكلبش و دفعت غرامة فورية 40 جنيه كده هياخدونى مخالفة برضه ولا ايه ؟
المشكلة ان العربية اصلا راكنة فى مكان يعتبر جوة الجامعة و ملهوش اى علاقة بالطريق و برضه اتكلبشت
و نفس المشكلة عندى بيقولى الرخصة ليست موجودة بالنظام
الله يطمنك يا باشا .. و الله الايصال ضاع منى الكلام دا بقاله 6 شهور كده و بطلت اركن هناك خلاص مع انى كنت بركن هناك من سنتين و عادى و بعدين فجأة فى يوم كلبشوا كل العربيات و نفهم الظابط لا ممنوع هنا .. لو على الـ 40 جنيه ممكن ادفعهم تانى فى وسط الهبل اللى بيحصل انا خايف من الـ 500 بتاعت تعطيل حركة المرور ديه و الله بتوع المرور دول صباح الاستهبال طيب بالنسبة للتكاتك اللى موقفة شارع الهرم كل يوم و فعلا بتعطل الطريق فى كل شارع و محدش بيجى جمبها تبقى الدنيا مقلوبة و الناس بتتخانق مع بتوع التكاتك و ظابط الشرطة واقف بيشرب شاى جمبهم و لا كأنه واحد عادى ماشى فى الشارع و الله كل يوم بتخانق مع توكتوك عشان معطل الطريق و عاملين اماكن تحميل على شارع الهرم عادى .. دلوقتى اللى ياخد شارع الهرم فى ساعة يبقى حظه حلو :b4_556:
ربنا يسترها بقا هنعمل ايه !
ربنا على الظالم والمفتري وحسبنا الله ونعم الوكيل !
شكل الناس الحمد لله مافيش مخالفات جتلها والموضوع معانا احنا بس
أنا لسة شاري العربية من شهرين ...دخلت لقيت عليها 100 راكن غلط 500 تعطيل عير مش عارف إيه ...100 كسر إشارة ...!!!!!!30 جنيه مصاريف قضائية !!!!!
الحمد لله لغاية دلوقتى مدخل ارقام 3 عربيات منهم عربيتى ومافيش مخالفات عليهم
محدش يعرف مرور حدائق القبة ايه نظاااااامه محترميييين ولا حرامية
السلام عليكم يا جماعة حدد عمل عريضة او معارضة والمخالفات نزلت ولا ايه
ايه اخبار المخالفات معاكوا يا رجالة في حد بيشتكي من نفس الموضوع
الى هذه اللحظة انا متابع الموقع مرة كل شهر
الحمد لله مفيش مخالفات وربنا يستر على التجديد ميطلعليش حجات مفاجئة
الواحد مش حمل مخالفات جزافية ربنا يسترها معانا يا رب
- انا كمان جالي مخالفة سير عكس الاتجاه فالقاهرة وانا مش من القاهرة ....
- فسؤال للقاهريين هـــــــــــل من المنطقي سير عكس الاتجاه فالقاهرة وهل الاسهل اني امشي مع سيـــــــــــــــــــــل العربيات وفي اتجاههم ولا اعمل ناصح وامشي عكسهم ؟؟؟؟؟؟؟؟؟
واضح ان في اوامر والعساكر بتنفذها بمنتهي الغباء من غير ماتفكر ...