عاوز اشترى عربيه جديده ووالدى موفر ليه فلوس لحد 85 مفيش يعد كده مش ينفع
وعاوز عربيه جديده رافض موضوع مستعمل بيقولى اجيب عربيه انهارده وتتقلب بكره
المهم اركب جديده
دلوقتى
الافيو الناس بتشتم فيها جامد محسسنى انها مش عربيه والصينى احسن منها مع انى بنزل الشارع
مليانه البلد تاكسيات وملاكى يعنى كل البشريه دى مش بتفهم
وكل يوم على الاقل بشوف عربيه جديده بكياسها افيو وبشوف مانوال او اوتوماتيك مش معقوله الناس دى كلها متخلفين عشان اشتروا العربيه
وركبت مع تاكسى افيو وسئلته عليها قال العربيه حلوه احسن من العربيات القديمه بكتير وهى خفيفه بس اما تتعود عليها مش هتحس انها خفيفه
وبالنسبه للسواقه انا سواقتى يعنى مجانينوا شويه بس مش لدرجه التخميس والامريكانى والكلام ده هى بس غرز وسط البلد وده طبعا كنت بعملها ف عربيتى القديمه 305 كنت بايعها مش بخاف عليها لكن طبعا مع الجديد ههدى شويه
دلوقتى الافيو دى مفيش حل ليها اخد واحد بيفهم ف العربيات ويكشف عليها قبل ما اشتريها ولا بنسبه 100% كله بايظ انا سمعت ان العفشه بقت مش مظبوطه الايام دى ف الجديده وموضوع ال rpm ده بدام بقى ليه حل مش مشكله وبعدين بدام مش بيبوظ الماتور خلاص
والسؤال طبعا اللى خلانى احط الموضوع ف العام ومش خليه ف قسم الافيو
مفيش انواع تانيه حلوه ف حدود السعر ده
وهقولكوا طبعا على عيوب المتاح اللى انا عارفه
الساجا
قطع الغيار غاليه ومش موجوده الا ف التوكيل
بتخسر لو حبيت ابيعها
اللوجان
صوت الماتور عالى
حجات كده ف الفتيس والهزه
والاماكن العقيمه بتاعت الزراير
الصنى
شكل القديم بقى قديم يعنى لو شلت الكياس محدش هيفرقها بينها وبين موديل 2007 ولا حاجه اكنى جايب قديم ومش مشهوره وبعدين تقفيل مصرى يعنى لو التقفيل مصرى عيب ف الافيو اكيد هيبقى عيب ف الصنى
مزيد من الاقتراحات !!
مع العلم الافيو عجبانى
وبالنسبالى فاضل شهر عقبال ما الفلوس تجهز وابدء اروح اشترى وعاوز اعرف اما اجى اشترى بيقعدوا قد ايه عقبال ما العربيه تجهز وتانى حاجه مفيش معرض اخشه يورينى كذا حاجه من الافيو وانا اخلى الميكانيكى ولا السمكرى يكشف على واحده واحده ويشوف الحلوه
ولا لازم احجز واستنى اما توصل وبعدين اما توصل اكشف عليها ولا النظام ايه ؟ وشكرا
المفضلات