تجار الخليجى بيستوردو من كل الدول العربية
عرض للطباعة
انا معاك بس الرينو فلوينس محدش اشتكى منها كده هنا فى المنتدى... كمان مع واحد صحبى و مشتكاش منها فى اى حاجة... انا طول عمرى بحب الالنترا و بدافع عنها و كنت مستغلى سعرها شوية على امكانيتها فلما تزيد 7 الاف جنية كمان بودن سبب واضح يبقى ده اسمه ايه؟؟؟ نصيحة توكل على الله فى الفلوينس و متخليش حد يستغلك.
ياباشا انا صديق لي جاب الفلونس بعد ماسمع فيها شعر وفي الآخر ندم
هي اعطالها مش زي الميجان بس برضه تكنولوجياتها معقده زيهم يعني تيجي تغير حاجة تغير معاها جيش
وقطع غيارها في التوكيل صحيح معمرة بس غالية
لكن مشكلته ماكنتش في كده لكن في الي جاي
سحبها بطييئ وخاصة الطلعة سلحفاه
وتكييفها برضه تأثيره بطيئ والمشكلة انه في الاخر ضعيييف
صدقني قالي انه اتدبس فيها وحاول يبيعها لقى سعر اعادة البيع في الأرض صعبت عليه فلوسه
واتدبس وخلاص
صحيح صالونها كان منبهر بيه لكن اتعود عليه ومااتعودش على عيوبها
يعني باختصار لو مايهمكش السحب ومش باقول السرعة والجري لكن يعني ماتفكرش تفوت من عربية
ولو مابتحبش التكييف اوي
خلاص فكر فيها
لكن لو التككيف مهم والسحب برضه يبقى الالنترا والهيونداي كله حاجة تانية
خالص تحياتي
فعلا ليبيا مش ناقصة عندهم مافيش جمارك وعربياتهم فخمة والسي سي ماتعدش
بس احنا الي ناقصين تكتيك التجار والمستوردين
يخلي العربية تشح وهو برضه شغال مش خصران
ويرفع تمن العربية ومايخافش لو السوق نام شوية
حاجة تغيظ بصراحة
صحيح هبور الي مش قمور
ده مش قمور خالص
ياباشا كويس انك محدد اولوياتك وخلي بالك الي بيرشحلك عربية بدون معرفة اولوياتك بيفكر باولوياته هو وهيبقى معذور
مبدئيا طالما التكييف مهم جدا انسى الفلونس خالص
وخليك في الياباني والكوري
وترتيب العربيات بالنسبة للتكييف من وجهة نظري المتواضعة من الافضل للاقل بس كويس برضه وشغال
تويوتا - نيسان - هيونداي - متسوبيشي - كيا
بس التويوتا سعرها عالي شوية والنيسان الصني بقى قيها هندي كتير وموتور 1500 الومونيوم وعرضها قليل اوي والتيدا عايزة الي يتقبل شكلها بس مش انا بصراحة
والكيا معايا تكيفها مش الي هو يعني شغال بس في عز الحر مش زي الهيونداي
يعني انا ارشحلك الهيونداي النترا بتحقق كتير من المزايا (وسع وسحب وشكل) بجانب تكييف ثلاجة ولو زيادة تمنها يبقى الاكسنت ار بي رغم بعض التحفظات عليها (اضيق والدوكو ضعيف وشكل اقل فخامة طبعا)
ممكن تستنى لو تقدر لما هبور يتبط شوية ويعمل خصومات بعد ما على ثمن بالعربية خصومات شكلية يعني يرجعها لقرب تمنها السابق شوية
وفقك الله في الاختيار المناسب لك
تقبل تحياتي