يا جمعاة انا سمعت ان لو 3 فى العربية . العربية هاتحوك علشان واطية على الارض
هل دة كلام يا جماعة حقيقى ؟؟ اصل لو حقيقى تبقى كارثة
مستنى الردود
شكراا
عرض للطباعة
يا جمعاة انا سمعت ان لو 3 فى العربية . العربية هاتحوك علشان واطية على الارض
هل دة كلام يا جماعة حقيقى ؟؟ اصل لو حقيقى تبقى كارثة
مستنى الردود
شكراا
3 راكبين فى الكنبة اللى ورااقتباس:
يا جمعاة انا سمعت ان لو 3 فى العربية
ام 3 ككل ( سائق وواحد فى الكرسي اللى جنب السائق وواحد ورا)
فى كلا الحالتين العربيه ان شاء الله مش هتحت لانها مش بتنزل اوى مع وجود كامل الحمولة من الركاب وعن تجربه
وده كله مجرد شائعات ، ناس بتقول وناس بتسمع
الكلمة ده بتحسسنى (يمكن اكون غلطان) انك حاطط الموضوع لمجرد ان الناس ترد عليكاقتباس:
مستنى الردود
تقبل تحياتى
وانا برضه بحس نفس الاحساساقتباس:
الكلمة ده بتحسسنى (يمكن اكون غلطان) انك حاطط الموضوع لمجرد ان الناس ترد عليك
تقبل تحياتى
يا جماعة فى اية انا ماليش فى المنتديات اصلا علشان حد يرد ولا مايرودش . انا بتشرى عربية جديدة ومحتار مابين المازدا 3 ومابين الفورد فوكاس . واسف جداا يا جماعة انى عصبتكم كدة
ومستنى الردود يعنى مستنى اراء الناس علشان انا جاى اخد رائيهم فى حاجة انا مش عارفها بكل بساطة
مبروك مقدما اخى العزيز ، لكنك لم توضح وجهك نظرك من البدايهاقتباس:
انا بتشرى عربية جديدة ومحتار مابين المازدا 3 ومابين الفورد فوكاس
الحقيقة الاتنين مبنين على نفس الشاسيه
ولكن الفرق فى التكنولوجيا الموجودة فى كل سيارة
وشركة فورد تملك شركة مازدا
لكن فرق شاسع بين السيارتين
انصحك تبعد عن الفورد نهائي ، لان بها عيب تصنيع فى كومبيوتر السيارة وطلع عيب شائع فى السيارة فورد فوكاس وفى زميل حكى هنا فى المنتدى عن العيب ده واضطر انه يبيع السيارة ويخسر فيها
لكن المازدا 3 تقريبا بلا عيوب صناعه عامة
لكن الاتنين يشتركوا فى ان سعر قطع الغيار غالى
سعر اعادة البيع وحش
لكن هما كسيارتين جمال جدا وبالاخص المازدا 3
لو تحب تشوف تقييم كامل للمازدا 3 تقدر تزور اللينك ده
http://www.nilemotors.net/Nile/showthread.php?t=23950
تقبل تحياتى
شكرا لردك . بص انا حابب المازدا جداااااا لكن انت عارف كلام الناس عندنا كتير وزاى ما انت قلت اشاعات كتير . فا خالونى فى حيرة علشان دة مبلغ هادفاعو فا بقالى كام يوم بسئل هنا وادور هنا .
وانا كان قصدى بالنسبة للمازدا ان اتقالى لو السائق وواحد جامبو وواحد ورا العربية بيتحك . لكن انا بصراحة نفسى اجيبها لكن بحاول اتاكد بس من كل حاجة فيها
كلام غير صحيح بالمرةاقتباس:
وانا كان قصدى بالنسبة للمازدا ان اتقالى لو السائق وواحد جامبو وواحد ورا العربية بيتحك . لكن انا بصراحة نفسى اجيبها لكن بحاول اتاكد بس من كل حاجة فيها
العربيه جميلة جدا ، بس ينقصها توكيل محترم
تقدر تجيبها من عند سونستا وبيدوا ضمان 3 سنين وبيوفروا قطع الغيار والصيانة
توكل على الله واستخير قبل كل شيء
وده موقع سونستا
http://www.sonestamotors.com/
بصراحة احنا مرة كنا راكبين 5 فى مازدا 3 و كانت بتحك كتيير بس اعتقد مش فى الأرض و لكن الكاوتش فى الرفرف والله اعلم بس هية فعلا فيها حاجة بتحك
شكرا على اهتمامك يا كاسبر وانا فعلا رايح انهاردة سونستا علشان استفسر عن كل حاجة وربنا يكرم إن شاء الله وبجد شكراا على معلوماتك
ممكن التلاتة اللي ورا يكون كل واحد وزنه 120 كيلو... من غير مطبات العربية هتحك...:)
و ممكن مطب من بتوع المحروسة معموا عمولة و الصنايعي خادم الناس و عامله عالي جداً العربية تحك حتى من غير سواق..
طبعاً لو تساوت الظروف أكيد في عربيات مشهورة بإن قاعدة عجلاتها طويلة ففرصة إنها تحك هتكون أكبرشوية بس ميكونش سبب أوي إنك تسيب عربية تحفة زي المازدا3 و إلا كل الناس مش هتركب غير 4x4
و ربنا يوفقك للإختيار الصائب إن شاء الله.
عادي يعنى أنا عندي النيسان صنى لما يكون فى 3 ورا وزنهم حوالى 200 كجم العربيه بتوطا جامد من ورا و بتحك لو معرضتش على المطب العادى مش العالى اوى
هى مصر كده
السلام عليكم
يا جماعة ارجوكم انا لما باشوف ردود بتحاول تخبى عيب فى عربية لمجرد انها بتمتلكها بازعل قوى لانكم بكده اتسببتم فى تضليل ناس لجأت للمنتدى الرائع ده عشان تستفيد يبقى حراااااام حتى لو ماكنش قصدكوا
المازدا 3 واطية وده باين بمجرد النظر وهى مع واحدة اعرفها وبتحك فى اى مطب ولو كان واطى وركبتها اكتر من مرة وده مش كلام وبس والله على ما اقول شهيد لازم الواحد يراعى ربنا قبل اى شئ مهما كان
لازم نكون امناء فى ردودنا العربية جميلة جدا وتحفة فعلا لكن فعلا بتحك جامد وكمان من ورا ضيقة شوية ومفيش عربية كاملة
يا جماعة مش معقولة هتحطو ورا 3 اوزانهم مقفلة ال
200 كيلو و تقولي مش هتحك !!! ايه التضليل فى كدة انا مش فاهمة !!
دة احنا كنا بال BMW 525 i الجديدة و كنا 3 ورا و شنطة العربية كانت محملة
شوية مش كتير و خدنا كل مطبات مارينا
بعدين منحكمش على الظاهر و نقول شكلها واطية لازم يبقي في ارقام حقيقية .يعني حد
يشوف فى الموقع مثلا ال ground clearance اد ايه بظبط و ساعتها نحكم
بظبط و نقول فعلا واطية زيادة عن الطبيعي ولا عادى زى كل العربيات
الناس مش بتقول 3 ورا وزنهم 200 بتقول واحد جنب السواق وواحد ورا واللى قال 200 ده كان بتكلم عن الصنى ياريت نشوف الكلام كويس
وبعدين احنا كنا تلاتة بس فى المازدا اتنين قدام وواحدة ورا ومش مليانة والعربية حكت
لانها اصلا مش مرتفعة عن الارض
فيه عربيات كتيرة دلوقتى بعملوا الخلوص بتاعها من الارض كبير وده بيخليها شكلها عالى عن الارض وده برضه واضح بمجرد النظر
والتضليل انى انفى عيب فى عربية عشان انا امتلكها ومااردش بامانة على اللى بيسأل
وبعدين حتى لو تلاتة ورا المفروض العربية ماتنزلش وماتحكش لو هى مش بتوطى وكمان الخلوص بتاعها عن الارض معقول مش هاقول حتى كبير
عندى فى الـsx4 بتحمل اوزان ماشاء الله والعربية بتعدى من اعلى مطب فى اسكندرية من غير حتى ماتقرب منه
وعندنا المرسيدس E200 نفس الشئ
لكن مثلا اللانسر ممكن تحك وكمان الصنى عندنا بتحك لانهم برده زى ماباقول واطيين بمجرد النظر ليهم دى مش محتاجة حسبة برمة
مفيش حاجة اسمها بمجرد النظر
في حاجة اسمها ارتفاع خلوص العربية عن الارض كام
لان في عربيات ليها عتب جانبي يمنع دخول الهواء على السرعات في الملفات لتعزيز ثبات العربية
وكون ان العربية عالية ده مش ميزة لانها هايئدي لفقدان جزء كبير من الثبات
وفي طريقتين لتعلية العربية
اني اعملها عالية مع سوست ناعم زي الكرولا وكدة بتهبط مع الاوزان وبتحافظ على النعومة
او اني اعملها سوست ناشفة مع مساعدين غاز زي الالنترا الجديدة ودي بيعزز الثبات على حساب النعومة والراحة داخل المقصورة
يبقي ما ينفعش اقول ماذدا واطية بمجرد النظر
لازم نعرف طبيعة عفشة العربية الاول وهل هيا موجهه لاداء رياضي ولا اداء عائلي مريح
انا قلت العربية واطية مش عشان انا شايفاها بس واطية انا قلت انى ركبتها اكتر من مرة وايه اهمية الارقام بجانب التجربة الفعلية وموضوع العتب ده مالوش دعوة بان العربية واطية
ومش كل عربية عالية يبقى ثباتها مش كويس ده كلام عايم لان الثبات بيتحكم فيه حاجات كتيرة واهمها من راى وزن العربية نفسه والا بقى ماكانش حد جاب جيب خالص
لاء تصدقي الارقام متالهاش لازم خالص
الا الارقام دي بنعمل بيها ايه في حياتنا
ولا اني بفاضل عربية عن عربية بالارقام
ولا عربيات بتاخد جوايز بالارقام
ارقام ايه بلا كلام فارغ
خلينا في المنظر احلى واشيك
الثبات اهم حاجة بيتحكم فيه من رايك وزن العربية !!!؟؟؟
مش ارتفاعها ولا نوع عفشتها ولا تصميم الجسم والايرو ديناميك
ومالها الجيب في الموضوع
ده على اثاث ان الجيب عربية ثابتة وكدة
بقوللك ايه
مش ال SX 4 عاجباكي
بلاش بقى نتكلم عن فنيات وتفاصيل وثبات واتزان ونبوظ للناس مواضيعها
لانه واضح ان الكلام مش هايودي ولا يجيب
سبحان الله غريبة يعنى طلع ثبات العربية مش بس متعلق بارتفاعها لا فيه حاجات تانية كتير وكويس قوى انك رديت على نفسك بنفسك
وانا قلت راى اللى شوفته عن تجربة عشان الناس تلاقى اللى يقلها الحقيقة ودى امانة ومتهايالى ده منتدى حر
وبعدين فعلا الـSX4 عجبانى جدا الى اقصى الحدود ومتهايالى دى حاجة ماتزعلش حد ولا ايه:funny34d::funny34d::funny34d:
استاذى الفاضل انا انصحك تشوف بعينك وياريت تقدر تجرب بنفسك وبلاش يا سيدى تصدقنى او تصدق غيرى
صدق عينيك انت وبس وده اللى انا اتعلمته
المنتدى ده جميل جدا ورائع وفيه ناس اكتر من رائعة وبتقول الصدق مهما كان
واكبر مثل على كده استاذ احمد صيام لما حصلت ليه مشاكل قال بكل وضوح وصراحة ونبه ناس ومنهم انا لعيوب فى عربيته
لكن للاسف فيه ناس تانية ماتحبش تقول عن عيب فى عربيتها مش عارفة ليه
وانا شايفة ان ده منافى للامانة
وانا باقول المازدا عربية حلوة ورائعة جدا لكن الحق لازم يتقال
لا واضح انك انت اللى بتفهم بالعكس برده
لانك قلت فى الاول ان الارتفاع بيأثر على الثبات وكانه هو العامل الوحيد ولما رديت عليك ساعتها قلت الارتفاع والعفشة وتصميم الجسم والايرودينامك يعنى مابقاش بس الارتفاع ولا ايه
وانا بازود على كده وزن العربية وده كلام مايختلفش عليه اتنين
وفعلا يا ريت بقى نصمت والاستاذ صاحب السؤال يشوف بنفسه احسن من اى كلام
الحقيقة انا لسه واخد بالى دلوقتى من الردود فى الموضوع دهاقتباس:
السلام عليكم
يا جماعة ارجوكم انا لما باشوف ردود بتحاول تخبى عيب فى عربية لمجرد انها بتمتلكها بازعل قوى لانكم بكده اتسببتم فى تضليل ناس لجأت للمنتدى الرائع ده عشان تستفيد يبقى حراااااام حتى لو ماكنش قصدكوا
المازدا 3 واطية وده باين بمجرد النظر وهى مع واحدة اعرفها وبتحك فى اى مطب ولو كان واطى وركبتها اكتر من مرة وده مش كلام وبس والله على ما اقول شهيد لازم الواحد يراعى ربنا قبل اى شئ مهما كان
لازم نكون امناء فى ردودنا العربية جميلة جدا وتحفة فعلا لكن فعلا بتحك جامد وكمان من ورا ضيقة شوية ومفيش عربية كاملة
انا كنت رديت على صاحب الموضوع من فترة ومتبعتيش لظروف انشغلت بيها عن الدخول للمنتدى
وبما انى المالك الوحيد للمازدا 3 اللى شارك فى الموضوع
فاعتقد ان الاتهام موجه ليا
انى بخبى عيب موجود فى العربيه لانى بمتلكها
الحقيقة الكلام ده عارى من الصحة وان كان ضمنيا بيتهمنى بالتضليل والخداع
انا لما رديت والله كان فيه موقف مشابه حصل معايا
و3 اصحابى كانوا قاعدين معايا ورا والعربيه محكتش
فرديت على الاساس ده
انا الحمد لله براعى ربنا فى ردودى
والاخت العزيزة بنت معتقدها على ان العربيه بتحك
مع انها لاتملك العربيه ولا جربتها وكل ده من وجهة نظرها الخياليه
انا مكنتش عاوز اتكلم لانى شايفها فاتحه معركة حامية الوطيس مع الاخ كريم منير
لكن انا رديت لتوضيح جانبى
حتى لا يفهم من عدم ردى انى منت بكذب على صاحب الموضوع
انا كلامى مش موجه لحد بعينه
انا باتكلم عن كل اللى مايحبوش يقولوا عيوب عربياتهم ومش حضرتك اللى نفيت موضوع الحك ده فيه ناس قالت انها مش بتحك برده يبقى ليه الاتهام موجه ليك
ومفيش من اصله اتهام انا بانبه الناس لحاجة بتحصل وده للامانة فقط
وللعلم انا عربيتى لسه جديدة ومش قادرة احكم حكم نهائى عنها ولسه ماكملتش 500 كم ولما هايظهر فيها عيب لان ببساطة الكمال لله وحده هاقوله على طول دى نقطة
نقطة تانية انا مش باتكلم من خيالى انا باتكلم عن تجربة وده قولته قبل كده
والمازدا بتحك والفيصل الاخ السائل الكريم لما يجرب بنفسه
وانا مش باتعارك مع حد لان ببساطة احنا هنا مش فى خناقة
احنا فى منتدى حر والمفروض الحوار والنقاش مايكونش فيه خناقات
انتى وجهتى كلامك لمن يمتلك العربيهاقتباس:
انا كلامى مش موجه لحد بعينه
اقتباس:
يا جماعة ارجوكم انا لما باشوف ردود بتحاول تخبى عيب فى عربية لمجرد انها بتمتلكها بازعل قوى لانكم بكده اتسببتم فى تضليل ناس
وانا الوحيد من ضمن الناس اللى ردت بمتلك العربيه ونفيت موضع الحكاقتباس:
والتضليل انى انفى عيب فى عربية عشان انا امتلكها ومااردش بامانة على اللى بيسأل
احب اوضح من كلامك ايضا انك رديتى وبنيتى وجهة نظرك مش عن تجربهاقتباس:
نقطة تانية انا مش باتكلم من خيالى انا باتكلم عن تجربة وده قولته قبل كده
والمازدا بتحك والفيصل الاخ السائل الكريم لما يجرب بنفسه
اقتباس:
لكن مثلا اللانسر ممكن تحك وكمان الصنى عندنا بتحك لانهم برده زى ماباقول واطيين بمجرد النظر ليهم دى مش محتاجة حسبة برمة
استاذ كاسبر ازاى مش عن تجربة راجع كلامى انا قلت انى ركبت المازدا كتير وكانت بتحك برده كتيراقتباس:
احب اوضح من كلامك ايضا انك رديتى وبنيتى وجهة نظرك مش عن تجربه
واذا كنت حضرتك تقصد الكلام عن العربيات التانية اللانسر والصنى والمرسيدس فده برده عن تجربة لان كل العربيات دى نمتلكها والحمد لله اقصد فى داخل العيلة يعنى
فياريت تراجع كلامى
وبالنسبة للاتهام يا سيدى الفاضل انا مش باتهم انا قلت انى بانبه الناس وده للامانة فقط
هو انت عمرك ماشوفتش حد بيعمل حاجة مش صح وحاولت تنصحه
وعموما يا استاذ كاسبر اذا كان فى كلامى شئ زعلك فحقك عليا ماتزعلش
لكن صدقنى انا باتكلم عن تجربة
يمكن تكون العربية اللى ركبتها فيها مشاكل فى المساعدين مثلا
الله اعلم بس هى كانت عربية جديدة وزيرو
فكلامى مش خيال ولا تاليف زى ماحضرتك قلت
وانا برده باقول الاخ العزيز اللى بيسال يشوف بنفسه ودى حاجة ماتزعلش حد
وشكرا لذوق حضرتك فى الرد والكلام وحقك عليا اذا كنت ضايقت مرة تانية
على فكرة الانسر الجديدة مش بتحك وانا الحمد لله امتلكها ولسه مجرب الموضوع دا قريب ومع أوزان جامدة جدا والمعروف عنها انها عالية
انا لم ازعل منكاقتباس:
وعموما يا استاذ كاسبر اذا كان فى كلامى شئ زعلك فحقك عليا ماتزعلش
لكن صدقنى انا باتكلم عن تجربة
يمكن تكون العربية اللى ركبتها فيها مشاكل فى المساعدين مثلا
الله اعلم بس هى كانت عربية جديدة وزيرو
فكلامى مش خيال ولا تاليف زى ماحضرتك قلت
وانا برده باقول الاخ العزيز اللى بيسال يشوف بنفسه ودى حاجة ماتزعلش حد
وشكرا لذوق حضرتك فى الرد والكلام وحقك عليا اذا كنت ضايقت مرة تانية
الاختلاف فى الراى لا يفسد فى الود قضيه
انتى اتكلمتى من منطلق حرصك على مصلحة الاخ السائل وهذا لايعيبك ابدا
احنا فى الاخر اخوة
وانا احترم الجميع بشده
والحق يقال بعد اعتذارك هذا وحرصك على تصفيه الامور( وان كان لا يوجد ما يستدعى الاعتذار) اجبرتينى على احترامك
ولا يوجد شيء فى نفسي تجاهك
تقبلى تحياتى