عرض للطباعة
لو حبيت ادى فلوسى لحد يشغلهالى معاه فى مشروع
الربح والخساره بيتحسب ازاى
وهل الربح بيبى سنوى ولا شهرى ولا حسب المشروع
علشان انا توهت من الكلام اللى على النت:shyy:
من الاخر انا عايز معلومات شامله لو انا هادى حد مثلا 1000 جنيه وهايشغلهم معاه فى مشروعه وليكن مثلا سوبر ماركت
يبقى الحكايه تتحسب ازاى؟؟؟؟؟؟؟؟؟؟؟؟؟؟؟؟؟؟؟؟؟ ؟؟
شوف راس مالك كام و راس ماله كام !! هي نسبة و تناسب
بص من الاخر يا تدخل شريك مع واحد او اتنين يا اما بلاش ! بلاش عدد كبير و كدة عشان دة مش سهم
بص يا باشا , نصيحه اخويه عن تجارب مريره , لو انت غاوي تجاره , يبقي لازم تتواجد في المشروع بتاعك و تتابعه بنفسك و تكون متفرغ له , لكن نظام ادي فلوسي لواحد و يكتب ايصال امانه , و يشغلهملي و يديني ربح شهري , و يبقي الكلام علي البر حلو ووقت الجد نلاقي حاجه تانيه , صدقني صدقني بتبقي نهايته خراب علي الجميع , انت ممكن تخسر فلوسك واللي ممكن تكون تحويشه عمرك كله , وتخسر صاحبك كمان ...... انا مش بخوفك , بس انا قلت انصحك ... تقبل مروري .
+11111111111111اقتباس:
المشاركة الأصلية كتبت بواسطة زهير فكري
فعلا هى دى الحقيقة من خلال تجربتى الحاليه و كل اللى جرب طلع بنفس النتيجة - محديش هيخاف على فلوسك غيرك.
فى الوقت الحالى لا تغامر بمبلغك للاسباب الاتيه
اولا : لا يوجد استقرار فى البلد
ثانيا : اغلب حياتنا كمصرين ندور فى فلك الاتى لبس عيد - مصيف - مدارس - دروس - مناسبات وذلك لا فائض من دخولنا لشىء اخر
ثالثا : مفيش مشروع تضع فيه راس مالك فى يد اخر علشان يخرج منه ربح له ثم لك فى الوقت الحالى
رابعا : اى مشروع لم تتابعه بنفسك فاشل
ده راى والله اعلم
عن تجربه مريره واحد مشروعه ناجح وبيكسب من رابع المستحيلات يسمح بدخول شريك معاه حتى لو كان اخوك اما اذا كان دخول المشروع بغرض التوسع فرع تانى مثلا فلازم يكون شريكك داخل معاك فيه وتكون حضرتك متفرغ ليه تماما ويفضل قبل الدخول فى المشروع تشتغل مع شريكك كمساعد ليه بدون وضع نقودك لتكتشف بنفسك كل صغيره وكبيره وبعدها تقدر تقرر
هو يبقا ابنك فى ايدك و تروح تدور عليه
اولا: متشكر جدااا لك اللى ردوا
ثانيا:مش انا اللى هاشغل فلوسى كل الحكايه انى انا ليا خالتى ابنها ان شاء الله هايخش الجيش وطبعا هى مش عارفه هاتصرف منين
فهى معاها مبلغ فهى بتفكر انها تدى فلوسها لابن اختها اللى هو ابن خالتى بردو
ده شغال فى الموبايلات من زمان وماشاء الله عليه كبير فى الشغلانه مش قليل يعنى فا انا جه فى بالى الموضوع
فمن ناحيه الامانه متقلقوش منها
واكيد طبعا هو مش هايضحك عليها
علشان كده الموضوع مش صعب يعنى
بس فانا كنت عايز اعرف الحكايه تتحسب
هى هاتديله مبلغ دلوقتى الربح والخساره هايبقوا نسبه وتناسب بردو ولا الكلام ده لو كان المشروع فى بدايته بس؟؟؟؟؟؟؟
يعنى مثلا هى هاتديله 10000 جنيه وهانقول ان الموبايلات اللى عنده فى المحل تعمل حوالى 100000
يبقى نسبه الارباح تبقى 10%
ولا انا فهمت غلط
الصورة الشرعية الوحيدة لإستثمار مال عن طريق شخص آخر تسمى "المضاربة" ويتم عمل عقد سنوي يحدد فيه نسبة الربح لكل من رأس المال ومشغل المال وفي نهاية السنة يحضر مشغل المال أصل المبلغ مع أرباحه كاملة ويتم تقسيم الأرباح على النسب المتفق عليها من بداية العام ومن ثم يقرر صاحب المال إذا أراد الإستمرار مع المضارب لسنة أخرى يتم عمل عقد مضاربة جديد بينهما ...
ولا تنس ما قاله رسول الله صلى الله عليه وسلم " رحم الله امرء سمحا إذا باع سمحا إذا اشترى سمحا إذا إقتضى" أو كما قال عليه الصلاة والسلام
تمام بس لازم الربح يبقى سنوى ؟؟؟؟؟؟؟؟؟؟؟