فضفضة:اريد حلا..مواتير رفع المياه ..وانا اسكن فى الارضى..كمية ازعاج غير متخيله.ماالحل

**Anonymous Dr** · 18-09-2012 06:16 AM

السلام عليكم ورحمة الله
دى اول مشاركة لى فى المنتدى
استمتعت بيه جدا ...وهو منتى مفيد للغايه
المشكله عندى كما ذكرتها فى العنوان
الجيران فى الادوار العليا
مركبين مواتير على حائط شقتى فى الارضى
كمية ازعاج فظيعه لدرجة تفكيرى فى بيع الشقة
اعمل ايه؟؟؟

**Medo.Malek** · 18-09-2012 07:49 AM

الله يعينك
ممكن تطلب من سكان الادوار العليا تغيير المواتيير لمواتير اقل ضوضاء
او تعمل بطانة عازلة للصوت للجدار اللى بيجى منه الصوت ( بس مش عارف سكتها ايه الصراحة )

**m07amed.** · 18-09-2012 08:14 AM

ربنا يكون في عونك.. دوشة المواتير لا تطاق , اكيد سدادات الاذن مش بتجيب نتيجة لان الذبذبات جاية من الحوائط والارضيات , و اكيد حضرتك مع الأسف محروم من الراحة والنوم الهادئ , انا مش عارف عدد المواتير وعدد ادوار العمارة, يا ريت لو في امكانية تركيب موتورين كبار يخدموا العمارة كلها ( اقصد يتم التبديل بينهم كل 12 ساعة ) ويتم تركيبهم بعيد عن غرف النوم ,
- اهم حاجة الحفاظ ع العلاقات الطيبة مع الجيران , لان موضوع زي دة لو لم يتم التعامل معاه بهدوء وصبر ومتابعة بإنتظام ممكن لا قدر الله يتسبب في مشاكل
- جرب تحشر فلين بين المواتير والحيطة بحيث يثبت وما يتهزش

ربنا يكفيك ما أهمك ويكفيك شر جيرانك وأذاهم ويصرف عنك دوشة الموتور
أكثر من قول الأدعية التالية
اللهم اكفني شر جيراني وأذاهم بما شئت وكيف شئت
يا حي يا قيوم ، برحمتك أستغيث ، أصلح لي شأني كله ، ولا تكلني إلى نفسي طرفة عين
اللهم اكفني هم إزعاج الموتور ، ويسر لي النوم ، وأصلح بيني وبين جيرتي
اللهم أبدلني دارا خيرا من داري ، وجيرانا خيرا من جيراني

**AlGazar2** · 18-09-2012 08:39 AM

كلم جيرانك اما يجيبوا مواتير اقل فى الصوت و الاهتزازات بتاعت التشغيل اما ينقلوا المواتير لمنور العماره بعيد عن غرف النوم بس تقريبا برضه الاهتزازات هتعمل صوت بس اكيد هيبقى اخف من الاول

**windofchange** · 18-09-2012 09:15 AM

من تجربة الموتور لما كان راكب في ارضية المدخل مكنش الاهتزازات والصوت بيبان لكن لما ركبوا في ظهر حائط الشقة بالمدخل حصلت اهتزازت ودوشة فهما المفروض يركبوه اقلها في ارضية المدخل لأن نقله لمنور او كده مكلف للجيرران وهيعمل دوشه وصدي صوت فالمنور فركب الموتور فالارضية بتاعت المدخل وممكن تجيب علبه فوم سبراي ب45 جنيه وترش عند اماكن تثبيت المتور بالارضية والله اعلم

**A.Saad** · 18-09-2012 10:11 AM

عازل صوت من السبتية

**shaddadfalcon1** · 18-09-2012 12:09 PM

انا جربت قبل كده بس بصراحه دوشة مواتير ارحم مليون مره من الادوار العاليه والسلم

انا كنت في اول علوي بس بصراحه المواتير كلها علي جنب او علي الأرض او متركبلها حمالات علي جنب من الحيطه وكان بيبقي صوتها عالي بس مش دايما يعني والناس مش كل شويه شعاله يعني بس دلوقتي في نفس العماره انا في الدور ال 8 وش بسمع اي حاجه عشان عقبال مابطلع السلم بكون لا بسمع ولا بشوف هههههههههه