كنت ماشى بليل ومش شايف مطب فكلتوه بس على بسيط يعنى العربية ماتطرتش ولا حاجة بس اخدته بسرعة شوية المهم لاقيت عصايا الفيتس رضت الى قدام شوية بس شغال وبعدها العربية فضلت تبطل منى كثير وانا ماشى على الاول فاى اللى حصل ؟
عرض للطباعة
كنت ماشى بليل ومش شايف مطب فكلتوه بس على بسيط يعنى العربية ماتطرتش ولا حاجة بس اخدته بسرعة شوية المهم لاقيت عصايا الفيتس رضت الى قدام شوية بس شغال وبعدها العربية فضلت تبطل منى كثير وانا ماشى على الاول فاى اللى حصل ؟
ممكن تكون قاعدة الفتيس من تحت اتخبطت او رخرخت من مكانها
لو مرخرخه هتتربط لو اتكسرت تقريبا تمنها من 35-50 ل انا فاكر صح
تحياتي
+1111111
و شيك ع كابل البوجيهات ليكون كابل نطر من النطة
و ممكن لو مظبطش الزوايا بقالك فترة كبييرة او مظبطش روح ظبطها و ربط العفشة و الراجل يبصلك ع العفشة برده و لو عايز واحد فيه واحد في مدينة نصر الحي السابع بنتعامل معاه بيظبط للماروتي لأن ناس كتيير الجهاز مبيظبطش للماروتي
هي تربيط العفشة وتشحيم عصاية الفتيس وتغيير زيت الفتيس بتتعمل عند مين !؟
تربيط العفشة عند عفشجي او عند تظبيط الزوايا او ميكانيكي كويس و تكلفتها حوالي 10 ج و عند ظبط الزوايا ممكن تقوليله يربطها و تديله 5 ج في ايديه كذلك تشحيم عصاية الفتيس ممكن يتعمل عند بتاع ظبط الزوايا اثناء ظبط الزوايا او ميكانيكي
تغيير زيت الفتيس ياما في البنزينات و مش اي بنزينة بتغير ياما عند اي محل بيغير زيوت بس في البنزينة لازم تشتري الجيركن كله اما في المحل بيحاسبك ع عدد اللترات فقط من الجيركن و زيت فتيس موبيل لزوجة 90 عامل 24 ج للتر
و اوعي حد يحط للعربية زيت فتيس من الاسطوانة البرتقالي لأنها عبارة عن خليط من الزيوت و الشحم و بيبهدل الفتيس و في نفس الوقت متعرفيش حط كام لتر و ممكن ميكونش بيحط اساسا خليه يجيبلك جيركن يتفتح قصادك و يتحط منه قدامك ياما متغيريش من عنده
و مهما قالك متسمعيش كلامه و لا تقتنعي باي هجس يقوله زي مثلا ان زيت الفتيس الفبريكة مبيتغيرش و الكلام ده لأن زيت الفتيس بشكل عام بيتغير مش لأن خواصه بتتغير فقط لكن نظرا لأن الرايش الناتج عن الاجزاء المتحركة بيستقر في القاع حوالين الطبة نظرا لأن فيها مغناطيس لكن مع الوقت مبتقدرش تاخد الكم ده كله من الرايش و بالتالي الباقي بيبقي عايم في الزيت و يدخل بين الاجزاء المتحركة لذلك بيتم تغييره اما الاوتوماتيك فبيكون ليه فلتر كمانبيتغير مع الزيت عكس المانيوال اللي مفيهوش
و زيت الفتيس بيتغير كل 30-40 الف ده المتوسط قد يصل لـ60 الف و قد لا يصل لـ20 الف ع حسب ظروف القيادة و بالتالي بنخلينا في المتوسط
جزاك الله خيرا
أود معرفة جدول صيانة سوزوكي ماروتي
جزاك الله خيرا اخي الكريم على اجابتك الوافية المفيدة
انا عملت صيانة 40 الف لكن ما غيرتش زيت الفتيس ومش عارفة ضبطولي العفشة والكلام ده والا لأ
رحت مرة بنزينة انظف العربية غسل وتشحيم وقلتلهم يربطوا العفشة بس صراحة ما ارتحتش للبنزينة دي خالص في الغسل
العربية 40 الف وشوية دلوقتي
وكمان من ساعة ما اشتريت العربية ما عملتش ضبط الزوايا ده
هو بيتعمل كل قد ايه ؟
ومش عارفة برضه موضوع الكاوتش اعمل فيه ايه ؟ وامتى اعرف انه محتاج يتغير ؟ وايه حكاية تغير وتبديل الاماكن ده ؟ وامتى العجل يتنفخ ؟
كمان كنت عاوزة أسأل على تنظيف العربية
هل يضر مسح العربية بسائل تنظيف الزجاج مثل جلانس وأشباهه ؟
وبالنسبة لغسيل العربية تحت الكبوت
هل كثرته مضرة ؟ العربية بتلم تراب بطريقة بشعة
كمان كان فيه واحد قال انه بيغسل الموتور بالليفة والصابون
هل ده ضار ؟ وازاي بيتمسح ؟ الواحد يكب ميه يشيل الصابون والا يعمل ايه !!!؟؟
معلش أسئلتي كثير :Zb_sor1[1]: