يا جماعه بلييز قولولى رأيكم فى السيفيك 84 وايه نظامها ونظام قطع الغيار بكام وكده وعايز اماكن الميكانيكيه بالعلم انى ساكن فى حلوان يعنى اخر الدنيا :36_7_4[1]: معلش بقى طولت عليكم :shyy:
يا جماعه بلييز قولولى رأيكم فى السيفيك 84 وايه نظامها ونظام قطع الغيار بكام وكده وعايز اماكن الميكانيكيه بالعلم انى ساكن فى حلوان يعنى اخر الدنيا :36_7_4[1]: معلش بقى طولت عليكم :shyy:
اقتباس:
المشاركة الأصلية كتبت بواسطة madacivic
انا قلت لحضرتك امبارح قطع غيارها قليله بالاخص الاكسسوارات
^_^
العربيه من وجهه نظرى المتواضعه ممتازة بشرط لو لقيت عربيه واقفه ( حاله ممتازه ) عشان لو حالتها لو مش تمام هتتعبكاقتباس:
المشاركة الأصلية كتبت بواسطة madacivic
بالنسبه لقطع الغيار الميكانيكا والعافشه متواجدين
أما الإكسسوارت والصاج فعلاُ قليل وإللى عنده حاجه بيطلب سعر عالى عشان قليله
يا ريت لو لقيت عربيه خليجى سليمه تبقى تمام
بالتوفيق إن شاء الله
متشكر جدا يا معلم على الرد الجميل ده
عربيه محترمه جدا كانت معايا 3 سنين..كل حاجه موجوده
يا باشا..اتوكل علي الله ..بشرط الحالة التمام .والعربية تحفة وسحبها عالي وموفرة في البنزين لسه جايب بيها دلوقتي 140 علي المحور وشغال كانت ممكن تقول تاني ..وقطع غيارها متوافرة زي الرز ومنها الصيني والتايواني والياباني والاستراد منها كتير في الحرفين وفي عزبة شلبي اكتر.وربنا يبارك وصلي علي رسول الله
محدش قال حاجة برده على اسعار قطع الغيار
عاوزين امثلة او مقارنة بسيطة بس
عندك مثلا طلمبة البنزين : 110 جنيه
مساعدين امامي صيني : الفردتين : 380 جنيه
كوبلن صيني : الواحد 120 جنيه
طقم تيل خلفي : 150
عفشة و موتور موجودين زيرو واستيراد , و الكشافات الامامي زيرو برده
مقصات : 175
اسطونة دبرياج 175
ديسك 225
بلية 110
العربية جميلة ماشاء الله , بتحتاج عناية بس , و فيها ميزة وعيب في نفس الوقت , العفشة الامامي مش على سوست , معلقة على حاجة اسمها عامود عزم , ميزته انه بيمتص الحركة ويرجعها بسرعة لما تدخل في مطب او تمويجة في الطريق , بس عيبه انه ممكن لاقدر الله يتكسر منك ل دخلت في مطب جامد ( في حالة ان المساعد عندك يكون تعبان ) فنصيحة لو ناوي , دايما خد بالك من المساعدين , العربية مش باور بس الدركسيون ناعم جدا
بالنسبة للسحب كويسة جدا , الموتور القديم بتاعي ال 1500 76 حصان كنت بجيب عليه 165
الموتور الحالي اللي اتنصب عليا فيه طلع 1200 56 حصان بيجيب 140 -145
استهلاك البنزين 92 التر بيعمل 12.6 كيلو
العربية معايا بقالها 10 سنين , هتتعود عليها و غالبا في حاجات كتير ممكن انت تعرف تصلحها فيها , من اسبوعين كده انا غيرت طلمبة بنزين و كوع مياه و 2 مساعدين امامي في ساعتين ونص بنفسي
اتمنى اكون افادتك بحاجة
الصراحه راحه العربيه دي كانت معايا كامله اتوماتيك
كنت بجري بيها جري وكنت مقضيها وثباتها حلو والفرامل احلي
بالنسبه للهوندا اكورد نفس الموديل 1984 عايز نبزة من خبراء هوندا عن بعض اسعار قطع غيارهااقتباس:
المشاركة الأصلية كتبت بواسطة tamertito88
وشكرا ليكم
فين الهنداوية