مشكووووووووور...
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
بسم الله الرحمن الرحيم
السلام عليكم ورحمة الله وبركاته
تقرير بالصور وتجربة قيادة كيا سبورتاج 2000 سى سى اوتوماتيك AWD
العربية فى قطر إيجار موديل 2012 انتاج شهر 6/2011 ماشيه 46 الف كيلو خلال سنه
* ملحوظه : العربيه واضح ان مهمل فى صيانتها لان الطنابير بتاعتها فى الضياع وكانت احد الاسباب انى مقدرش اقيم الفرامل كويس
نبدأ بمواصفاتها الفنية والكماليات :
محرك من طراز Theta II سعة 2.0 لتر D-CVVT قوته 166 حصان 197 نيوتن
ناقل حركه اوتوماتيك من 6 سرعات أماميه مع خاصية ستيبترونيك
نظام تعليق امامى McPherson وخلفى Multi Link دفع رباعى AWD
الكماليات : مقارنة بالفئات اللى فى مصر تعتبر بين ال EX وال HighLine او تعتبر هاى لاين بدون سمارت كى وكاميرا وفرش جلد و LED و ESP , أبرز مافيها ( فرامل ABS و AirBags و Immobilizer - سقف بانوراما - مثبت سرعة - تحكم فى السى دى - تحكم كهربا فى كرسى السائق - مرايات ضم - بلوتوث - باركنج سنسور - جنوط 17 - تكييف عادى )
- الشكل الداخلى والخارجى والتقفيل والخامات : من اهم مميزاتها شكلها وتصميمها الجذاب اللى ابدع فيه بيتر شراير كالعادة , الخامات والتقفيل على مستوى جيد جدا
- الموتور والاداء : فى البداية اتصدمت الى حد ما فى الاداء لان العربيه تقيله جدا فى الطلعه وسحبها لحد ال 100 بطئ , انا عارف ان سحبها مش هايبقى جامد لان النسخه دى AWD 2.0 تسارعها من 0 - 100 فى 11 ثانيه تقريبا يعنى هاتبقى زى اى عربيه 1600 لكن الاداء كان اقل من المتوقع , بس عرفت ان المشكله كانت من عندى , انا اول ما سوقتها كان بليل وماكنتش مركز اوى وماخدتش بالى من تصميم دواسة البنزين , دواسة السبورتاج Organ-Type Accelerator Pedal يعنى لازم تبقى رجلك بالكامل على دواسة البنزين وانت بتدوس عكس ال Pedal اللى موجود فى السيراتو مثلا بيبقى كعب رجلك على الارض بعيد شويه عن الدواسة وبتدوس بطرف رجلك ودا اللى كنت باعمله فى الاول فكنت بادوس فى نص الدواسه مش اخرها
موضوع الدواسه دا يفرق 100 % فى اداء العربيه ولما حطيت رجلى صح العربيه بقت حاجه تانيه , وبشكل عام اداء الموتور حلو بس عشان تحس بالسحب وعايز العربيه تجمع بسرعه لازم تقرص على اول نقله او نقلتين يعنى ماتنقلش قبل 4 Rpm , بعد النقله التانيه امشى هادى براحتك التجميع هايبقى كويس
بس للاسف من عيوب العربيه ان الموتور صوته عالى ومزعج ودا اول عيب لاحظته
- الفتيس : نقلاته سلسه وغير محسوسه ومريح الموتور على السرعات العاليه بيبقى ال Rpm قليل ولو ماشى هادى على السرعات القليله بينقل بدرى جدا يعنى على سرعة 80 تقريبا بيبقى على السادس خلاص
- استهلاك البنزين : مع الحرق الكتير ممكن يوصل 15-16 لتر لكل 100 كم , فى المتوسط 13 لتر لكل 100 كم , مع السواقه الهاديه او لو ثبت السرعه على 80-90 مثلا ممكن يوصل ل 10 لتر او اقل طبعا كل الحسابات دى على كمبيوتر العربيه والتكييف شغال
- العفشه : تعتبر ناشفه , او متوسطه تميل الى النشوفيه , لكن مش ناعمه خالص وبترزع لو عديت على مطب او نقره بسرعه ودا يعتبر تانى عيب
- الثبات والتحكم : اقصى سرعه وصلتلها كانت 120 ومعظم الوقت اقصى سرعه كانت 80-100 , طبعا على السرعات دى الثبات والتحكم كان ممتاز , الباور فى الاول حسيته تقيل نظرا لانى متعود على عربيتى باور كهربا والسبورتاج زيت لكن هو مش تقيل بالعكس كويس واستجابته كويسه
- الفرامل : من الحاجات اللى مقدرتش احكم عليها كويس لان فى مشكله فى الطنابير لو ماشى على سرعه بين 50 و 80 وجيت ادوس فرامل عشان اهدى باحس برجرجه جامده جدا فى الطاره , عموما فى الظروف العاديه الفرامل كانت كويسه ومجربتش ال ABS وطبعا الفرامل ديسكات ورا وقدام
- الجنوط والكاوتش : جنوط 17 وكاوتش مقاس 225/60 نوعه كومهو موديل Solus KL21 , مواصفات الفرده مكنتش عاجبانى لان رمز السرعه H وال Traction بتاعه A مش AA بس لما دورت فى باقى موديلات كومهو وهانكوك ونيكسن ملقتش فى المقاس دا مواصفات تانيه احسن من كدا , غير ان كومهو مصنفه الموديل دا انه مخصص لل Light Truck & Suv عشان كدا بينزلوا فيها الموديل دا تحديدا , لكن برضه اللى معجبنيش ان الكاوتش Made in CHINA معرفش هل المقاس دا مبيتعملش غير فى المصنع بتاع الصين ولا استرخاص
- وضعية الجلوس والوسع الداخلى والرؤيه : القعده مريحه والمساحه الداخليه ممتازه فى الامام والخلف , زوايا الرؤيه مش صعبه والمرايات موضحهاها كويس والسنسور برضه مهم وبيساعد نظرا لارتفاع العربيه , اضاءة الفوانيس بليل ممتازه والنور فارش كويس وتقدر تتحكم فى ارتفاعها
- الارتفاع عن الارض : من الحاجات اللى بتعجبنى فيها هو ارتفاعها عن الارض الغير مبالغ فيه وفى نفس الوقت مناسب للطرق وصعب اى حاجه تخبط فى العربيه من تحت ( 17.5 سم تقريبا )
- العزل : جيد جدا
- السى دى والسماعات : جيد جدا
- الكماليات : مرضيه الى حد كبير ولكن فى برضه بعض الملاحظات وحاجات ناقصه
اولا الجزء الخاص بزارير ال ESP والتحكم فى اضاءة التابلوه وغيرهم كان شبه فاضى !! هو الزرار بتاع ال Lock لل AWD وزرار التحكم فى مستوى اضاءة الفوانيس وشكرا على كدا , مفيش ESP DBC HAC ولا حتى تحكم فى اضاءة التابلوه
المفروض يبقى كدا :)
من الملاحظات برضه ان السنسور صوت فقط يعنى مفيش رسمة العربيه اللى بتبين هاتخبط من انهى ناحيه
سنسور الاضاءه موجود لكن مش شغال لان ملوش زرار فى دراع النور اللى بيبقى مكتوب عليه Auto
عموما دى مش اعلى فئه بتنزل فى فئه تانيه بتنزل 2.4 وفيها سمارت كى وغيره من الكماليات بس مابتجيش كتير
اخيرا اسيبكم مع بعض الصور واتمنى ان التقرير يكون عجبكم
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 129406
تاريخ التسجيل : 16Sep2012
المشاركات : 299
النوع : انثى
الاقامة : cairo
السيارة: ______
السيارة[2]: Hyundai Accent
دراجة بخارية: ___
الحالة :
مشكووووووووور...
رقم العضوية : 8588
تاريخ التسجيل : 08Apr2008
المشاركات : 5,810
النوع : ذكر
الاقامة : Ras Ghareb/Red Sea
السيارة: 000
السيارة[2]: Proton wira 2005
دراجة بخارية: لا يوجد
الحالة :
تقرير جامد
الله ينور عليك
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
تسلم ايدك على المجهود الرائع
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
تسلم الايادي يا زعيم
و انا كنت عملت تست دريف لل 2.4
http://www.nilemotors.net/Nile/260969-a.html
و انطباعي عنها متقارب ليك مع اختلاف العربيات الشخصيه بتاعتنا و اللي اكيد فرقت في التجربة
Sharief Mansy شريف منسي
شكرا نايل موتورز
Farewell my Cayenne, you were the best car i ever had and driven
رقم العضوية : 78428
تاريخ التسجيل : 24Aug2010
المشاركات : 4,106
النوع : ذكر
الاقامة : ksa .geda
السيارة: Pegute 407
السيارة[2]: b.m.w 130i 2008
دراجة بخارية: mesh 3andy
الحالة :
تقرير ممتاز يا حسام بيه
بس جابت طانبير عللا 46 الف كيلو
اعتقد فى حاجه غلط
كولو بالحنيه بيفك مع تجيات جمعيه حنينها قبل متحلبها
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
مظبوط ياباشا وتسلم على الموضوع
معظم معارض العربيات ان مكنش كلها اصحابها واللى شغالين فيها مصريين وانت فاهم بقى
يعنى اعتقد ان اقصى حاجه عملوها هى تغيير الزيت دا اذا كان بيتغير فى ميعاده , والتيل ممكن يكون متغيرش او اتغير بنوع مضروب بوظ الطنابير
غير ان العربيه ايجار يعنى بتتبهدل وطنابير بييجى عليها ميه وهى مولعه وغيره
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 49685
تاريخ التسجيل : 12Oct2009
المشاركات : 165
النوع : ذكر
الاقامة : tanta
السيارة: nissan tida plus 2012
السيارة[2]: fiat 132
دراجة بخارية: no
الحالة :
طول عمر تقاريرك جامدة يا استاذ حسام
شكرااااااااااااااا
رقم العضوية : 42820
تاريخ التسجيل : 22Jun2009
المشاركات : 3,171
النوع : ذكر
الاقامة : Damietta
السيارة: Skoda Octavia A7 2015
السيارة[2]: Kia Cerato 2010
دراجة بخارية: no
الحالة :
الله ينور ياحسام باشا :)
تقرير فى الجون
عن نفسى أنا معجب بشكلها فقط لاغير :)
[sor2]http://www10.0zz0.com/2011/02/23/13/799582098.gif[/sor2]ورايــــــا
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
شكرا على التقرير الى مفيش زيه فى منتدى كيا رغم انتشار العربيه
اعتقد ان العربيه دى فاشله جدا وسط عربيات قطر والخليج بشكل عام كقوة موتور وخامات وسحب ومرونه وثبات واستهلاكها فى البنزين عالى جدا
اليابانى يكسب جامد هناك
المفضلات