اشتريت صنى 2008 اتوماتيك

**eng_amrnabil** · 18-09-2012 03:53 PM

الأخوة أعضاء المنتدى الكرام وخصوصا قسم النيسان

الحمد لله ربنا أكرمنى أمس بشراء سيارة نيسان صنى أتوماتيك موديل 2008 عداد 66.000 كم بعد أن كنت امتلك فيرنا مانيوال 2007

طبعا فى اختلاف وفرق بين السيارتين ، وهذه أول مرة في قيادة الاتوماتيك ،

أتشرف أن أكون عضو جديد معكم فى قسم النيسان بس معلش من أولها طمعان فى كرم ربنا وفى مساعدتكم فى الآتي :

1. بالنسبة لتغيير الزيت أي نوع أفضل (شل - موبيل - ..... )
فى أحد المواضيع السابقة تم ذكر ليكوى مولى توب تيك - فالفولين ماكس لايف - كاسترول ماجنتيك او ايدج) وجميعها معامل اللزوجة يكون لكن لا أعلم هل ستكون متوفرة أم لا لأني أسكن فى حلوان5W40

2. بالنسبة للدركسيون عند إدارته كاملة إلى آخره تسمع صوت صفير فما هاذ الصوت وكيفية حله.

3. باحس ساعات فى الطرق الغير متوية ان العربية ناشفة مقارنة بالفيرنا هل ده طبيعي ام فى حاجة

باذن الله سوف أستلمها من صاحبها غدا وابدا فى قيادة الاتوماتيك (أول مرة) وبعدها سوف استعين بكم فى باقى مشاكل المستعمل

شكرا على تعاونكم والله الموفق والمستعان

**Ahmed.TV** · 18-09-2012 04:37 PM

اولا الف مبروك انضمامك لينا فى قسم نيسان .. والف مليون مبروك العربية وربنا يكفيك شر الطريق
ثانيا .. لاش موبيللللللللللل .ز خاليك فى شل افضل منه .. او فى زيت فالفولين او ليكوى مولى او كاسترول
وكلهم متوفرين ..
وفالفولين بتتصل بيه وبيجى لغاية عندك وبيجبلك الزيت .. وممكن يغيرهولك
وكاسترول دلوقتى انا قريت فى اعلان ليهم انهم بيعملوا كدا دلوقتى .. بيوصلوا لغاية البيت .. بس تقريبا مش بيغيروا الزيت

والثلاث انواع زيوت دول افضل طبعا من موبيل وشل
ولما تختار الزيت اختار زيت 5w40 والزيوت التخليقية طبعا .. ابعد عن الزيوت المعدنية

النقطة التانية .. ممكن يكون سير الباور عايز يتغير .. او يتشد

ونصيحة مهمة .. اتاكد من صاحب العربية ان عمل صيانة ال40 الف ولالا .. لان مهمة جداااااا .. بالنسبة لاى عربية اتوماتيك .. لان بيتم فيها تغير زيت الفتيس .. وبيتم فيها تغير مياه التبريد

فياريت لو هو مش عملها تعملها انت فى اقرب فرصة .. او لو عملها .. يبقا تشوف العربية محتاجة ايه .. لان العربية عملة 66 الف .. فهل هو عمل صيانة ال60 الف وغير بوجيهات ولالا ! ..

بخصوص العفشة الناشفة .. اكيد حتحس بوجه مقارنة .. لكن بردوا زيادة فى الاطمئنان .. اولا شيك على ضغط الهواء .. وثانيا املا الكاوتش نيتروجين

وبالتوفيق والف مبروك

**aboamr** · 18-09-2012 07:55 PM

الف مبروك وياريت تقولنا السعر والحاله العامه .....خللى بالك حتلاقى اختلافات بينها وبين الفيرنا وماتسمعش لكلام كتير بيتقال ويتردد بلا مصداقيه لو حتعمل الصح خد جركن زيت ليكوى مولى واطلع على اوتو ايجيبت وخد تقرير كامل بالعربيه وظبط الاشياء الهامه والضروريه فيها .....ربنا ياركلك فيها ويكفيك شرها

**S O P H O S** · 18-09-2012 10:02 PM

مبروك الصني يا باشا
ربنا يباركلك فيها ...

**Land_Cruiser** · 18-09-2012 10:18 PM

الف مبروك و ربنا يديلك خيرها و يكفيك شرها

**kliken** · 18-09-2012 10:22 PM

الف مبروك و ربنا يباركلك فيها

**Youssef.Awad** · 18-09-2012 11:20 PM

1000 مبروووووووووووووووك ع العربية وربنا يباركلك فيها ..

بالنسبة للباور ستيرنج .. دى احد مشاركاتى فى موضوع مهم جداااا عن حساسات الصنى لازم تقراه خاصة مشاركة رقم 42 فى ص3
http://www.nilemotors.net/Nile/303610-a.html

المشاركة الأصلية كتبت بواسطة Youssef.Awad

طيب بالنسبة لأضرار اللى بيجيب الدركسيون على أخره يمين او شمال كتير والعربية واقفة
سامع انه بيضر بعلبة الدركسيون ؟

المشاركة الأصلية كتبت بواسطة FBIAhmed

تمام و مكتوب في مانيوال السياره المسلم للملاك ان ينصح بعدم لف الدركسيون لاقصى اليمين او لاقصى الشمال و الاستمرار ع الوضع ده لمده اكتر من 15 ثانيه عشان ده بيزود ضغط الزيت على اولسيلات علبة الدركسيون

بالنسبة لنشوفية العفشة .. هى مختلفة عن الفيرنا طبعاااا بس اتأكد من ظبط ضغط الاطارات على 32 امامى و29 خلفى