مساء الخير ياشباب
من فترة كده كنت عملت موضوع في المنتدى عن سقف عربيتي اللي الكلاب مبهدلاه بالليل وبتطبقه لما يطلعوا يناموا عليه
وكان عندي مشكلة ان فرش السقف الأصلي كانت الشمس اثرت عليه واللزق بتاعه فك وبقى مدلدل وكان متثبت فقط بفانوس الصالون هو الي مانعه انه يقع.
امبارح قررت اني اظبط السقف واغير الفرش واشوف موضوع السقف اللي بيتطبق ده
روحت للسروجي بتاعي وقولت له اني عاوز اغير فرش السقف وبدأ في فك السقف والحقيقة كان كعهدي بيه صنايعي ممتاز في الفك وكان عارف هو بيفك ايه وازاي لأنه عارفني عندي وسواس في الموضوع ده ممكن اتجنن لو كلبس اتكسر ولا مسمار ضاع فكان بيفك بحرص جدا وبيحط اي حاجة بيفكها في كيس بلاستيك وبعدين خرج السقف بره. بعد الفك بصيت جوه العربية لقيت ان فيه خوصة واحده بس في منتصف السقف اللي بيتثبت فيها فانوس الصالون والخوصة دي كانت متنية لتحت وعلشان كده السقف كان ضعيف وبيتطبق من الكلاب. السبب في انها متنية انها بتركب من غير سيليكون تقوية (لأن في بلاد بره مفيش كلاب بتطلع تنام على اسقف العربيات) فيكفي انها تتطبق مرة من كلب يطلع علشان تفضل متننية على طول.
سيبت السروجي شغال في السقف وروحت للسمكري ووريته العربية وفعلا استعدل الخوصة دي بأيده لغاية لما رجعت لوضعها الطبيعي وبعدين ملى الفراغات بسيلكون تقوية.
هسيبكم مع صور السقف بعد السمكري ماخلص شغله
دي صورة العصب اللي فوق الزجاج الأمامي والي بيتركب فيه الشماسات ، وفي الصورة سلك الأيريال
http://www.nileup.com/uploads/13479747081.jpg
برضه صورة عصب السقف الأمامي
http://www.nileup.com/uploads/13479748441.jpg
دي صورة الجزء الأخير من عصب السقف الأمامي
http://www.nileup.com/uploads/13479749311.jpg
ودول صور الخوصة الوسطي اللي بيركب فيها فانوس السقف بعد استعدالها وتقويتها بالسليكون
http://www.nileup.com/uploads/13479751141.jpg
http://www.nileup.com/uploads/13479751152.jpg
http://www.nileup.com/uploads/13479751153.jpg
ودي صورة العصب الخلفي اللي فوق الزجاج الخلفي وبرضه تمت تقويته بالسليكون
http://www.nileup.com/uploads/13479754941.jpg
ودول صور السقف اثناء التجهيز ولزق الفرش الجديد
http://www.nileup.com/uploads/13479753211.jpg
http://www.nileup.com/uploads/13479753212.jpg
http://www.nileup.com/uploads/13479753223.jpg
ودول صور السقف بعد التركيب ، الدنيا كانت ضلمت شوية وفلاش التليفون كان شغال ، ان شاء الله هصور صور تانية بالكاميرا الديجيتال بالنهار وارفعهم
http://www.nileup.com/uploads/13479756521.jpg
http://www.nileup.com/uploads/13479756522.jpg
http://www.nileup.com/uploads/13479756533.jpg
http://www.nileup.com/uploads/13479757291.jpg
المصروفات
سروجي 200 جنيه
الصنايعي اللي عند السروجي اكرامية 20 جنيه لأنه هو اللي فك وركب وكان حريص جدا في شغله
20 جنيه انبوبة سليكون
20 جنيه السمكري