تصليح مرايا ضم ميجان 2006 - تجربه ناجحه

السلام عليكم وحوش المنتدي

بقالي فتره طويله مش بكتب علي المنتدي او بسأل لان الحمد لله كانت الدنيا ماشيه علي احسن ما يكون ... المهم حبيت اشارك معاكم تجربه ناجحه

كان مقطوره خبطت المرايا الشمال بتاعتي ودمرنها وميكانيزم الضم اتدمر تماما ... وكنت سايبها بقالي يجي سنه علي اساس اني هجيب مرايا استيراد او الميكانيزم علي الاقل

ربنا الهمني افك المرايا و اجرب حظي ... لقيت الميكانيزم تافه جدا بس الصراحه التصميم يعتبر غبي جدا لانه صعب الاصلاح في حاله الكسر ... بلاستيك في بلاستيك

المهم قررنا انا واخويا الصغير استبدال الميكانيزم البلاستيك ده بمسمار عن الخراط مخروم من جوه بحيث يعدي جواه سلك كهربه المرايا ( 4 اسلاك لتحريك القزازه ... 2 سلك للضم ... لانهم موتورين مختلفين

مرفق كام صوره للنتيجه بعد ما خلصنا ... الخلاصه انه بلاش تشتري مرايا جديده لان القديمه غاليا ممكن تتصلح بس الصنايعيه بيكسلوا
[aldl]http://s13.postimage.org/ahqnjyimv/photo.jpg[/aldl]
[aldl]http://s16.postimage.org/pzob5ejed/photo_2.jpg[/aldl]
[aldl]http://s9.postimage.org/eh2fbzfgf/photo_3.jpg[/aldl]

حلوة الفكرة دي..بس المسمار دا بسن قلاوظ ولا متشبط وخلاص؟؟

مسمار قلاووظ بورده من تحت عشان تعرف تمسك السوسته ... في رأيي افضل بمراحل من التصميم الاصلي اللي كله بلاستيك في بلاستيك

الأستاذ شريف محمد ليه السبق وعمل الحركة دى

الأستاذ شريف استعان بالمسمار دا من أباجورة قديمة عنده أنا كمان عندى الأباجورة القديمة والمسمار بس مطنش شوية هو مخروم من جوا عشان يعدى السلوك ومن برا قلاووظ عشان يربط صامولتين يضغط بيهم السوستة

[color="rgb(0, 100, 0)"]السؤال بقى المسمار طوله قد إيه بالظبط عشان ولو رحت لصنايعى عشان يعمل زيه أقوله إيه ؟؟؟

وطبعا قطعت السلوك بتاعت الموتور

[/color]

عودُ أحمد يا حاج شريف

ما شاء الله عليك..............نازل بتقلك :)

اقتباس:

---

المشاركة الأصلية كتبت بواسطة mohammedaladel

الأستاذ شريف محمد ليه السبق وعمل الحركة دى

الأستاذ شريف استعان بالمسمار دا من أباجورة قديمة عنده أنا كمان عندى الأباجورة القديمة والمسمار بس مطنش شوية هو مخروم من جوا عشان يعدى السلوك ومن برا قلاووظ عشان يربط صامولتين يضغط بيهم السوستة

---

المسمار من اباجوره يا كبير ... ده متفصل عند الخراط ,,,, اتكلف 20 جنيه بس يستاهل

اقتباس:

---

المشاركة الأصلية كتبت بواسطة mohammedaladel

[color="rgb(0, 100, 0)"]السؤال بقى المسمار طوله قد إيه بالظبط عشان ولو رحت لصنايعى عشان يعمل زيه أقوله إيه ؟؟؟

وطبعا قطعت السلوك بتاعت الموتور

[/color]

---

السلوك قصيره جدا فكان لازم تقطع وتوصل ... هم مش كتير حوالي 8 فرد علي ما اتذكر .... المهم بس تقدر تعديهم من جوه المسمار ... ويكون الضغط علي السوسته بحساب عشان يفضل الموتور قادر انه يلف المرايا مظبوط .... طول المسمار اتقاس عند الخراط ... بس لو زاد شويه مش ازمه لانه فوقه وتحتيه فاضي ....

اقتباس:

---

المشاركة الأصلية كتبت بواسطة ahmed a.maksoud

عودُ أحمد يا حاج شريف

ما شاء الله عليك..............نازل بتقلك :)

---

وهي العين تعلا علي الحاجب ؟؟؟؟ انت الاصل طبعا .... عامل ايه في الحر بتاع اليومين دول ؟

اقتباس:

---

المشاركة الأصلية كتبت بواسطة triton

وهي العين تعلا علي الحاجب ؟؟؟؟ انت الاصل طبعا .... عامل ايه في الحر بتاع اليومين دول ؟

---

يا باشا الله يكرمك

الصيف هنا بيودع بس بذمة :)

اقتباس:

---

المشاركة الأصلية كتبت بواسطة mohammedaladel

الأستاذ شريف محمد ليه السبق وعمل الحركة دى

الأستاذ شريف استعان بالمسمار دا من أباجورة قديمة عنده أنا كمان عندى الأباجورة القديمة والمسمار بس مطنش شوية هو مخروم من جوا عشان يعدى السلوك ومن برا قلاووظ عشان يربط صامولتين يضغط بيهم السوستة

---

بالظبط هيا ديه الطريقة الى انا صلحت بيها المراية

اقتباس:

---

المشاركة الأصلية كتبت بواسطة triton

مسمار قلاووظ بورده من تحت عشان تعرف تمسك السوسته ... في رأيي افضل بمراحل من التصميم الاصلي اللي كله بلاستيك في بلاستيك

---

تسلم ايدك يا هندسة
وخلى بالك ابقى لف الأسلاك الى ماشية جوه المسمار بشريط لحام او استعمل الخرطوم الأصفر الى كانت ماشية فيه الأسلاك عشان من كتر الفتح والقفل الأسلاك هتتجرح وممكن تحصل قفلة لاقدر الله :bump1:...
وكمان ديه المراية الشمال . المراية اليمين بتزيد سلكين بتوع سنسور الحرارة

وياريت يا أستاذ شريف لو تعرف أى حاجة أى خدعة يعنى أو مشكلة باظت فى العربية وصلحتها بنفسك تعملنا بيها موضوع وأهو كله بثوابه هههههههه

اقتباس:

---

المشاركة الأصلية كتبت بواسطة shiref_mohamed

بالظبط هيا ديه الطريقة الى انا صلحت بيها المراية

---

الله ينور عليك ... ولا استغلال بتوع الاستيراد و اشتغالات الصنايعيه

اقتباس:

---

المشاركة الأصلية كتبت بواسطة triton

مسمار قلاووظ بورده من تحت عشان تعرف تمسك السوسته ... في رأيي افضل بمراحل من التصميم الاصلي اللي كله بلاستيك في بلاستيك

---

على العموم هو ميكانيكا الموتور معظمها بلاستيك بالفعل بس إحنا عندنا ترس اتكسر جوا دلوقتى

سليم طيب الترس دا حضرتك لحمته وركبتله تانى ؟؟؟؟

بالنسبة للسوستة بتاع الموتور بيبقى ليها قاعدة بلاستيك فيها زى بنز بيمسك التروس مع بعض إزاى حضرتك بدلته بالمسمار دا ؟؟

أتمنى من حضرتك توضحلى

اقتباس:

---

المشاركة الأصلية كتبت بواسطة mohammedaladel

على العموم هو ميكانيكا الموتور معظمها بلاستيك بالفعل بس إحنا عندنا ترس اتكسر جوا دلوقتى

سليم طيب الترس دا حضرتك لحمته وركبتله تانى ؟؟؟؟

بالنسبة للسوستة بتاع الموتور بيبقى ليها قاعدة بلاستيك فيها زى بنز بيمسك التروس مع بعض إزاى حضرتك بدلته بالمسمار دا ؟؟

أتمنى من حضرتك توضحلى

---

هرجع لحضرتك بالصور ان شاء الله ... اعذرني اني اتاخرت بس عشان كنت في اجازه من الشغل و مش بفتح المنتدي خالص

اقتباس:

---

المشاركة الأصلية كتبت بواسطة shiref_mohamed

تسلم ايدك يا هندسة
وخلى بالك ابقى لف الأسلاك الى ماشية جوه المسمار بشريط لحام او استعمل الخرطوم الأصفر الى كانت ماشية فيه الأسلاك عشان من كتر الفتح والقفل الأسلاك هتتجرح وممكن تحصل قفلة لاقدر الله :bump1:...
وكمان ديه المراية الشمال . المراية اليمين بتزيد سلكين بتوع سنسور الحرارة

---

إيه سنسور الحرارة دة انا اول مرة اسمع عنه
بيشتغل ازاى انا معايا واحدة بانوراما

سنسور الحرارة يا سيدى دا بيبقى موجود فى المرايا اليمين بص فيها من تحت كدا هتلاقى زى خرزة مدورة بلاستيك طالعة لبرا هو دا سنسور الحرارة بيبقى ليه سلكتين

اقتباس:

---

المشاركة الأصلية كتبت بواسطة mohammedaladel

سنسور الحرارة يا سيدى دا بيبقى موجود فى المرايا اليمين بص فيها من تحت كدا هتلاقى زى خرزة مدورة بلاستيك طالعة لبرا هو دا سنسور الحرارة بيبقى ليه سلكتين

---

حضرتك تقصد سنسور الحرارة الخارجيه ؟
انا فهمت سنسور حرارى تخيلت زى الاوكتافيا المريات فيها سخانات وانا عارف ان الميجان مفهاش الاوبشن دة

بينزل برا لكن مش بينزل عندنا فى مصر سخانات المراية