الموضوع: رسميا كيا سيراتو الجديدة k3 تبدأ البيع فى كوريا ... المواصفات والأسعار

المشاركة الأصلية كتبت بواسطة AoA

يعنى سعر اول فئه اوتو بره ب 81 الف جنيه مصرى
على ماتوصل عندنا هاتكون على 125 الف وانت طالع دة اذا ماكانتش اكتر خصوصا ان كل لما بينزل شكل او موديل جديد للكيا التوكيل بيحط اسعار غربيه


شكرا على الخبر

هى تقريبا ب 81 الف ودا السعر لاى حد هايشترى وهو فى كوريا , لكن اكيد التوكيل بياخدها بسعر ارخص غير ان اكيد مش هايجيب 6 ايرباج و ESP اساسى فممكن تبقى واقفه عليه ب 60 الف مثلا والله اعلم

المشاركة الأصلية كتبت بواسطة ALSHARIEF

بسم الله ماشاء الله لا قوة إلا بالله .............. جميلة جدا جدا بس إحنا عايزين معلومات أكتر و ياريت تكون بالإنجليزى بلاش بالكورى ده بس الصراحة الله ينور يا حسام باشا ربنا يباركلك كده و تكتبلنا عنها أول تقرير على الواقع عن العربية لما توصل الشرق الأوسط بس أنا كده شكلى بايع وش علشان سوسو الجديدة .

ياباشا قولى عايز تعرف ايه واللى اعرفه هاقولهولك ان شاء الله , واهلا بيك فى قائمة البايعين والمنتظرين للجديده :)

المشاركة الأصلية كتبت بواسطة MohammedAladel

فين المعلومات الفنية عن المحرك وأنظمة الأمان والتعليق

معلش انا مقولتش عشان الكلام دا اتكتب فى كذا موضوع قبل كدا

نفس الموتور اللى بينزل فى الالنترا حاليا 130 حصان 157 نيوتن وفتيس 6 سرعات وتعليق خلفى Torsion Beam

الامان غالبا هاتنزل مصر ب 2 ايرباج بالكتير مع ال ABS وال EBD وال Immobilizer ولسه متعملهاش Crash Test

المشاركة الأصلية كتبت بواسطة Mohamed.Ramah

مقارنا باسعار السيارة الحالية 2013

اول فئة تباع بامريكا 92.400 -- فى مصر تباع ب 103.000 بفارق سعر بعد الجمارك الفارق 10600

اعلى فئة سيراتو 4d sedan sx بامريكا 114,600 -- فى مصر تباع ب 138.000 بفارق سعر بعد الجمارك 23.400


فالسعر التقريبى للفئة الاولى من جديدة كيا سيراتو 2014 :

سعر اول فئة مانيوال 72.000 يبقى الفارق بعد اضافة المبلغ الزيادة 82.600

سعر اعلى فئة 103.800 يبقى الفارق بعد اضافة مبلغ الزيادة 127.200

لو ازيد من كدة يبقى التوكيل بيسرقنا رسمى طبعا لان

دة سياسة تسعير موديل السنة الحالية 2013 وسعر السيارة فى الخارج انخفض مش حينخفض برة وبعد الضرايب والجمارك وكمان تقليل الاوبشن حيزيد هنا

وياريت رجاء خاص المرة دة منستعجلش على الشراء الا بعد دراسة حاجتنا فعلا زى هل يوجد فرق بين الفئة
الراكبها وبين الفئة الحشتريها من نفس الموديل وعلى اساسها اشترى وللعم مواصفات السيارة تقريبا هى

والالنترا واحد مفيش اختلاف غير بسيط وكل الاوبشن دة نزل فى الالنترا فى الخارج وفى اعلى فئة فى مصر اقل من ذلك لا تتوفر هذة الكماليات كلها وطبعا فى مصر مش اساسية فى كل الفئات !

ياباشا الحسبه دى مش ثابته ولو حسبتها على كل العربيات هاتلاقى كل التوكيلات بقى بتسرقنا مش كيا بس , وبعدين الاسعار والمواصفات بتختلف من كوريا لامريكا لمصر

ربنا يستر وماتنزلش غاليه عشان مايجيليش احباط لانى بصراحه مش متفائل بعد مالاقيتها بنفس اسعار الالنترا فى كوريا , بس ارجع واقول الاسعار اللى انا قولتها تقريبيه والمواتير والاوبشنز مختلفه ربنا يسهل

المشاركة الأصلية كتبت بواسطة m_bander

ايه الحلاوة والجمال ده !!

بصراحه حاجه جامده جدا

لو بس مالتى لينك،،مش معقول يبقى فيها ده كله وتبقى نفس مشكلة نشوفية العفشه و مشاكل التورشن بيم

شكرا يا حسام باشا على حصرياتك الجامده

ياريت بقى تعرفلنا نازله شرق اوسط امتى؟

ممكن تبقى تورشن بيم ومش ناشفه زى الالنترا كدا ولو ان من الصور كدا واضح ان العفشه هى هى ادينا هانشوف

هاتنزل امتى الله اعلم بس 90 % فى الصيف الجاى كموديل 2014

المشاركة الأصلية كتبت بواسطة SE_coralsea

بسم الله ماشاء الله

قريبة جدا في الشكل الجانبي من الألنترا md
و من الخلف قريبة من الفلوينس
التابلوه الداخلي و العدادات قريبة الشبه أيضا من الالنترا md

بصراحة تحفة فنية بس ياريت تنزل بنفس الأمكانيات و مايشيلوش منها حاجة زي ماعملوا في الالنترا

ربنا يسهل ان شاء الله

المشاركة الأصلية كتبت بواسطة amr a.salam

روح يا شيخ ...ربنا يرزقك بكل الألوان وكل الفئات من الشكل الجديد وتهرينا تقارير :))

يسمع منك ربنا ياعمرو باشا وليك فيهم اتنين هديه :)

المشاركة الأصلية كتبت بواسطة m_bander

المشكله برضه هتبقى فى الثبات فى فواصل الكبارى ومطبات الهوا،،مش صح برضه؟

يعنى مش للدرجه دى ممكن ماتبقاش ثابته اوى لكن مش لدرجة انه يبقى مشكله , عموما العربيه بقت اوطى واعتقد الايروداينمك بتاعها بقى احسن وياسلام لو التوكيل ينزلها ب ESP مع كاوتش وجنط عريض ودوس براحتك :)

المشاركة الأصلية كتبت بواسطة الع العمدة مدة

عربية روعة بس لو نزلت بالمواصفات المذكورة esb abs ebd + 6 ايرباج روووووعة
وياريت تراكشن كمان بالمرة يبقي تمام ههههه

احلام للاسف