الحمد لله ربنا أكرمني وأشتريت تويوتا كورولا 2006 ----> 1300 سي سي
انا لسه جديد علي التويوتات ومش عارف أذا كانت دي مشكله ولا لأ؟
العربيه معايا بقالها يومين وكل ماأشغل التكييف وأدوس بنزين أسمع زي صوت صفاره مش عارف بيطلع منين بس تقريبا بيطلع من فتحات التكييف!!!!!!!
الصوت ده مضايقني جدا لأني كنت واخد علي الهدوء بتاع نيسان ماكسيما.
لكن العربيه بسم الله ماشاء الله عليها جميله جدا وسحبها حلو وده شيء انا ماكنتش متوقعه خالص م عربيه موتورها صغير :Ta_clap[1]:.
جبتها بكام يا بوب و عامله كام الف كيلو؟
هى افضل ولا المكسيما؟
يا باشا دول فئتين مختلفين تمامااقتباس:
المشاركة الأصلية كتبت بواسطة lamada
الف مبروك
ألف مبروك ربنا يديك خيرها ويكفيك شرها
الف مبروك ياباشا. وربنا يديك خيرها ويكفيك شرها قادر ياكريم
وياشباب الراجل يقصد انو. كان راكب مكسيما قبلها ومحسيش انوا نزل جامد المكسيما ٣٦٠٠ سي سي وبتدي ٢٠٠ حصان وتسارع من صفر لمية في سبع ثواني. طلقة بنت اللذينة. لكن الراجل يقصد الركوبة. الف مبروك ياريس
بالنسبة للصوت ياباشا لو بيطلع من المتور يبقى محتاجة تغير سير المجموعه الي ماسك الكمبروسر بتاع التكييف
ولو بيطلع الصوت من شبابيك التكييف ذات نفسها يبقى مروحة التكيف محتاجة تتنظف. بس كده ياباشا وربنا يباركلك فيها يارب ويحميك ويكفيك شر الطريق واهلاً بيك بين اخواتك. و انشاء الله تشرفنا في لقاء القمة التيوتاوية. المقابلة الي جاية
مبروووووووووووووك..
ياباشا انا عايش في الكويت وطبعا الاسعار مختلفه عن مصراقتباس:
المشاركة الأصلية كتبت بواسطة lamada
لكن عموما انا جبتها بـ <1500 دينار كويتي > يعني تقريبا اتنين وتلاتين ألف جنيه مصري.
أشكرك علي تحليلك للمشكله وفعلا أنا إتأكدت ان الصوت من فتحات المكيف.اقتباس:
المشاركة الأصلية كتبت بواسطة y a r i s
وفعلا الماكسيما دي حاجه تانيه خالص عن أي عربيه لكن اتسرقت -الحمد لله علي كل حال-
بس السؤال هو هاروح لبتوع التكييف أقولهم ايه؟
عيوب الكورولا اللي حسيت بيها انها خفيفه ابتداء من سرعة 100 وانتا طالع وكمان بتجمع ببطء في الأول وبالذات مع تشغيل التكييف لكن ساعة مابتسحب خلاص بتاخد سرعتها.
وللمعلومه فقط ياباشا أنا عايش في الكويت فمش هاقدر أحضر مقابلة التيوتاويه.
ابعتلنا فيزا يا غالي ونجيلك. احنا لحد عندك متتعبش نفسك ههههههههههه
حبيبي قلبي .... بس مش كتير ١٥ الف دينار على تويوتا كورولا ٢٠٠٦ و ١٣٠٠ سي سي يعني اعتقد بتلعب. في ١٠ الف دينار او يمكن تسعه هو الدينار الكويتي ب ١٣ ولا غلي دلوقتي عامة الخيرة فيما اختاره الله اطلع انتا على الصناعية. وهتلاقي هناك في واد فلبيني متخصص في تصليح المكيفات. وسمعوا الصوت. وهو هيصلحهولك على طول بس المهم يكون فلبيني مش هندي لان الهندي هيقولك هادا صديق وهادا رفيق وهادا في مشكل وااااجد ويبوظلك الدنيا الفلبيني بيشتغل على طول. بمجرد ما تشاورلوا بس على المشكلة ...
الصوت لو مع دواسة البنزين ، يبقى مش من الفتحات ولا الكلام ده
دى بلية الكومبريسور وهتلاقى بس الصوت بيسمّع في المواسير ويدخل لحد السربنتينة الداخلية ويتهيالك انه من الفتحات
عندى نفس المشكلة بالظبط في الكورولا برضه بس انا منفض الصراحة لحد دلوقتى :d لانها مش جامدة اوى
بص طالما الصوت مش خشن اوى مفيهاش مشكلة ، لو مضايقك يبقى ان شاء الله حلها سهل جدا والف مبروك وعمار يا كويت :D
الف مبروك
واعتقد الكلام مظبوط ..
هههههههههههههه.اقتباس:
المشاركة الأصلية كتبت بواسطة y a r i s
1-ياباشا أنا كاتب ان تمنها ألف وخمسميت دينار مش خمستاشر ألف دينار- ياراجل دول يجيبولي مرسيدس مش كرولا-.
2-الدينار حاليا بواحد وعشرين جنيه وشويه.
3- تقريبا شبه نادر لما تلاقي فلبيني شغال في الصناعيه كله هنود وباكستانيين وسوريين و........ مصريين-وأسف انه بشتمهم بس هم يستاهلو أكتر من كده بكتيير.
4- الصوت مش مسببلي مشكله قوي بس دي ملحوظه لاقيتها في العربيه وقلت أشوف ايه الصوت ده.
5- الفيزا دي الكويتيين بس هما اللي بيعملوها أحنا اخرنا هنا كارت زياره
والفيزا تمنها ياباشا ألف دينار(إضرب في واحد وعشرين ونص جنيه )
انذار ووقف اسبوع لمخالفة القاعدة 12
يرجى مراجعة قواعد المنتدى
2:31pm 20/9/2012
م.ع.4
انصحك تعدل المشاركة الاخيرة ليك
قدامك وقت للتعديل لانها ممكن تتسببلك في مشاكل
تحياتي ..
حضرتك تجاوزت قواعد المنتدىاقتباس:
المشاركة الأصلية كتبت بواسطة esam_ayad
أطلع على الشويخ شارع توكيل هوندا من الناحية التانية واحد إسمه فاروق بكستاني (حريف مكيفات) جنب مطعم كناري وجراج الشرق الأدني -يارب يكون لسة موجود-
حبيب قلبي تمام كده
لالا هو الراجل مقصدش حاجة اصل المصريين. بيتقسموا لتالت اقسام في بلاد الغربة :
١- منهم الي تلاقيه جدع جداً ورمز مشرف لكل مصري وسفير لبلدوا في الخارج .
٢- ومنهم الي ملهوش دعوه بحد وملهوش دعوة غير بلوقمة عيشوا وبس .
٣- النوع التالت ده باه هو الي مشرف مصر ورافع راية وعلم مصر ومشهر بينا في الخارج .... وتلاقيه عندوا استعداد. لو ابوه يبيعوا في بالاد الغربة وتلاقيه طول ماهو عايش يشوف مصري زيوا يقوم يفقعوا بومببة عند كفيلوا. يفقعوا زنبه. يفقعوا اسفين المهم انوا يفقع مصري زميلوا اي حاجة والسلام ولو طال يسفروا. هيسفروا ولو طال يمص دموا هيمص دموا وهو دول اغلبهم من طبقة الصنايعية والمعقدين نفسياً الي يقصدها زميلنا .... وانا عاشرت الاشكال دي كتير جداً ومش هقدر اقول غير ربنا يهديهم يارب .... ويعفوا عنهم قادر ياكريم فالراجل مقصدش الاسائة لكن بيخص فئة معينة من اندال الغربة وتحياتي ليك. ويا اهلاً بيك
علي فكره أنا ماأقصدش اهانه لأي مصري في الغربه وخاصة في دولة الكويت.اقتباس:
المشاركة الأصلية كتبت بواسطة mohammedaladel
لكن في طبقه من المصريين هناك لو لقاك_أسف في اللفظ طبعا_ ربع جنيه مقطع ومتبهدل ومرمي في الزباله هايمد ايده برضو وياخدك.
وعلي سبيل المثال : عربيتي السابقه - المسروقه - النيسان ماكسيما لاقيت مؤشر الحراره بتاعها عالي جدا وكانت محتاجه تغيير طرمبة الميه بتاعتها فرحت المنطقه الصناعيه ولاقيت ميكانيكي مصري هناك ففرحت قوي وقلت هايفهمني وهافهمه وهو أولي من أي حد تاني وقلتله علي المشكله وقالي بالنص بعد الفصال الطويل جدا: " بص علشان احنا مصريين زي بعض أنا هاخد أربعين دينار(حوالي 860 جنيه)" فطبعا ماكملتش كلامي معاه وقلتله لماأقبض هابقي أجيلك, ورحت لميكانيكي هندي ومعاه بنغالي وقالي" أنا هاخد عشرين دينار(حوالي 430 جنيه) وهذا أخر شي وماهانزل فلس واحد "
وفي كتيييييير من عينة الميكانيكي المصري ده هناك ,لكن في برضو كتيييييير جدا جدا جدا خدومين وم غير مايعرفوك من قبل كده.
الحمد لله يا جماعه رجعت تاني بعد الوقف لمدة اسبوع بدون انذار للوقف لو تكرر الخطأ مرة ثانيه -شكرا ادارة المنتدي التي تحافظ علي أعضائها-
كفارة يا أستاذ عصام قواعد المنتدى بتحافظ علينا كلنا وعشان محدش يغلط فى حد ونخلى المنتدى يسير فى أطار محترم لتبادل الخبرات والمعلومات لوجه الله :)
حمد الله علي السلامة ..
حمدالله على السلامة يا استاذ عصام ونورت بيتك ومطرحك لمن تحب تيشتم بعد كده ابقى قول ( تيييييييت ) ههههههههه. هيا دي الشتيمة بتاعت الانترنيت او اكتب كده *^٪#{}^+$$<*€<٪+=*€+€+*+.
بس كده واحنا نفهم. لوحدنا معناها هههههههههههه. حمدالله على السلامه ياباشا
الله يسلمكم يا جماعه بس انا كان قصدي ان المنتدي كان من الممكن انه يكتفي بإنذاري بعدم تكراري للمخالفه دي وخلاص مش لازم يوقفني اسبوع
ياأخي ده ربنا غفور رحيم
عموما أنا استفدت من المنتدي ده كتيروبحترمه برضو وماجاتش علي غلطه بسيطه تغتفر
أنا لما اتوقفت برضه كان نفس شعور حضرتك ولكن اكتشفت بعد كدا إن دا الصح
طيب يا جماعه دلوقتي انا اكتشفت ان صوت الصفاره بيطلع سواء مشغل التكييف أو لأ.
أعمل ايه وأقول للميكانيكي ايه؟ لأن الصوت فعلا ابتدا يضايقني بالذات لما اكون قافل الشبابيك ومزود السرعه.