الموضوع: ساعدونى بالله عليكم قبل اتخاذ القرار

عايز اشترىسيارة لايزيد تمنها عن 110000
اولوياتى:
عالية الاعتمادية
شكل حلو
واسعة
موفرة فى البنزين
توكيل ذات سمعة طيبة
اتوماتيك

اولويات بردك ولكن اقل من السابق:
سعر اعادة البيع
اسعار قطع الغيار

بعد ما فرزت السوق وغربلتة لقيت الاتى
1 :يارس اتوماتيك فول اوبشن ب 102 بس انا هعرف اجيبها ب 100 بس علشان احد قرايبى صاحب معرض انترناشيونال موتورز موزع معتمد لتويتا ايجيبت فى 6 اكتوبر....ومش عايز اقولكم اد اة مشجعنى لليارس محسسنى انى هركب جاجوار...ويمكن اخدها منة باقل كمان شوية بس يارب يرضى

2: لانسر 1600 او 1300 اتوماتيك بردك خاصتا بعد ما التوكيل رخص العربيات شوية بقت ال 1600 اوتو ب 108 وال 1300 ب98 وبينى وبينكم الانسر شكلها احلى بس الناس هنا بتقول ان ال 1300 سحبها ضعيف ومش بتجرى ...انا ما يفرقش معايا الجرى ..وحتى ال 1600 بيقولوا بتسحب بنزين وانها بتعمل فى الصفيحة 180 بالعافية بالمقارنة باليارس 320 فى الصفيحة وعن تجربة الاصدقاء وطبعا 140 كيلو زيادة فى الصفيحة مش شوية يعنى

3:ماتيريا :لذيذة وسحبها حلو وبنزينها كويس ووكيلها عبد اللطيف جامد جدا بس اصبروا علية شوية شوفوا الراجل دة عامل اة فى السعودية
بس خايف من اعادة البيع وبردك اللى بيحبطنى ان كل الناس بتقول عليها وحشة والصراحة انا احيانا بشوفها حلوة واحيانا لاااا مش عارف بس حلاوتها فى تميزها وشكل جديد ومدمجة وسلهة اوى فى السواقة وواسعة جدا من جوة

4:صنى سوبر صالون 1600 ...شكل فخم سعر حلو مقارنة بالامكانيات بس بردك استهلاك البنزين مش عارف عامل اة غير بقى عيوب التقفيل اللى بشوفها بعينى مع اصدقائى غير اللى بسمعة من المنتدى....كاسيت السى دى بيبوز عند اغلب الناس...ساعات مش بتدور الصبح وبتعلق
بتحك فى المطبات لما يكون 2 راكبين ورا ودة انا شفتها بعنية وكنا راكبين 4 بس وحكينا فى مطبين بس لو خدت المطب بالجنب مفيش مشكلة

5:هيونداى النترا:شكل حلو فخامة سعر اعادة بيع حلوة بنزين اعلى من الانسر وبيقولوا وكيل زبالة غير بردك انها كورى ....مش عارف

6:سيات ابيزا:كانت عجبانى مووووووووووت بس اتصلت بالوكيل عرفت ان خلاص مفيش عربية ابيزا موجودة خلاص علشان الشكل الجديد اللى هينزل وهينزل عالى عن الاول بكتير علشان هيبقى 1600 غير ان اساسا العربية ملهاش سوق ومظلومة وسعر اعادة البيع ضعيف جدا ...
بس لقيت فية بتاع 3 عربيات كوردوبة مانيوال ب 105 بس مشكلتها ضيقة شوية من ورا وخايف اشتريها اندم مع ان شكلها الخارجى والداخلى تحفة
.................................................. .................................................. .......................
خلاص قربت اتجنن مش عارف اختار اة
اجيب اليارس وعلى رأى الناس توفير بنزين ووكيل حلو واهادة بيع وقطع غيار حلوة واستحمل شكلها اللى مش حلو ولا وحش عادى يعنى
ولا اجيب الانسر 1600 اللى معجب بيها واستحمل البنزين اللى بردك مش عارف دة اشاعات ولا فعلا صح وهل هية فعلا عربية كويسة ولا مقلب والتويتا تويتا.....ولا صنى واستفيد بالامكانيات مقابل السعر بس عيوب التقفيل والبنزين برد مقلقنى.........ولا النترا.....ولا اجيب كوردوبا اللى الصراحة عجبانى شكلا وموضوعا بس بردك مقلق منها وكمان ب 105 ومانيوال بس كمان
.................................................. ......................زززسياريت يا جماعة تفيدونى واللى معاة العربيات دة يقولى عاملة معاة اة من حيث الاعتمادية واستهلاك البنزين والتوكيلات وجزاكم الله خير جميعا