الموضوع: لو بعمل كده كنت هبطل

المشاركة الأصلية كتبت بواسطة y a r i s

المشكلة. هتبطل ازاي
انا رحت جبت السيجارة الاليكترونية دي. بطعم الإم ازرق ومفيش فايدة

جبت ليبان نيكوتين. من صيدلية العزبي الشريط الواحد ب ٣٥ جنيه والعلبة بمتين وحاجة وقعدت اكول لبان. بطعم الفلفل الاسود لغايت مابوقي شط شط وبرضو مفيش فايدة

والمشكلة. ان العلبة فيها عشرين سجارة تلاقي ١٩ سجارة زي الزفت وسجارة وحده فيهم وفي وسطيهم هيا الي تعدل المزاج وهيا الي فيها الشفى .... انا مش حاسس اني بدخن انا بقيت حاسس اني بقزقز لب .... فين زمان. كنت اشرب السيجارة من هنا. اتمخمخ ويتعدل مزاجي النهرده بشرب علبه وعلبتين وتلاته ومفيش ولا وحده فيهم بتعدل المزاج ولا حتى فنجان القهوة بيعدل المزاج

ده حتى وانا سايق علية السجاير جمبي طول السكة. من غير ماخود بالي بسحب سوجارة ورى سوجارة وفجئة الاقي العلبه هووووب فضيت معدش في ضمير في تصنيع السجاير يا اخي زي زمان معدش في ضميررررررررر. .... ونفسي بجد ابطلها بس مش قادر ...

جرب السيجارة الالترونية اللى بتتباع فى سيتى ستارز
فى الدور الخامس النوع دة انليزى اصلى و النيكوتين اللى فيها يعتبر امنانقى انواع النيكوتين اللى فى العالم و تمنها 450 و بتتباع فى الذمالك فى صيدلية ابو الفدا
الحقيقة يا جماعه انا شغال فى الشركة و يارب ما كونش خالفت تعليمات الادارة بس لما لقيت الموضوع قولت لازم افيد الناس