صوت تزييق m11 مع المطبات والطرق غير المستوية

اخوانى الكرام

من حوالى شهر روحت اسكندرية على الطريق الزراعى وطبعا اللى عارف الطريق بقى هباب وكله مطبات ومتعب جدا خصوصا داخل محافظة البحيرة (اللى ليها النصيب الاكبر على طول الطريق من بنها للاسكندرية) ومن ساعتها وانا ملاحظ الاتى:

صوت تزييق من العفشة (مش قادر احدد ورا ولا ادام) بحسه مع المطبات والطرق غير المستوية واى رجة للعربية على السرعات البطيئة اوى (صوت تزييق زى تزييق السرير السوست كده) لكن الغريب ان الصوت بيبان بعد قطع مشوار بالعربية يعنى بالبلدى بحسه مع المطبات زى ماقولت فوق لكن لما العربية تسخن شوية مع المشى.
اشتكيت منه فى صيانة ال 30 الف يوم السبت اللى فات فى مركز خدمة ابو رواش وقالولى كله تمام وتم التربيط وزى الفل بس لما استلمت وطلعت بالعربية ووصلت بنها سمعت الصوت تانى.

هل من اراء؟ ياترى ده يكون صوت ايه؟ وممكن يكون الحل ازاى وتنصحونى بايه؟
هو الصوت مش مؤذى لانه مش دايم زى ماقولت بيظهر فى السرعات البطيئة اوى مع هزة العربية مع المطبات والطرق المش مظبوطة وهكذا لكن طبعا الواحد بيحب يكون مطمن عشان متطلعش حاجة خطر لا قدر الله.

فى انتظار ردودكم وتحياتى مقدما

انا الصوت دا ظاهر عندى من اول الف ف العربية والتوكيل قال بعد 3 الاف ان العفشة كدا ودا طبيعى ومتقلقش وكانوا برضة ربطوا العفشة والفنى قال كلة تمام بس دا طبيعى ف الام 11 فمعتش بشغل بالى بالتزييق دا وزى ما حضرتك بتقول بيظهر ف الحفر على السرعات البطيئة واما اكون محمل ورا كمان غير كدا تمام

تنضيف و تشحم الوصلات الرباعية الخلفية ...

لما شحمت ورا قعدت بتاع 13 الف كيلو من غير اصوات ...

اقتباس:

---

المشاركة الأصلية كتبت بواسطة ashrafmahmoud93

انا الصوت دا ظاهر عندى من اول الف ف العربية والتوكيل قال بعد 3 الاف ان العفشة كدا ودا طبيعى ومتقلقش وكانوا برضة ربطوا العفشة والفنى قال كلة تمام بس دا طبيعى ف الام 11 فمعتش بشغل بالى بالتزييق دا وزى ما حضرتك بتقول بيظهر ف الحفر على السرعات البطيئة واما اكون محمل ورا كمان غير كدا تمام

---

انا الحمد لله مش بشغل بالى بس فيه اصوات معينة انا عارفها مش بحطها فى دماغى بس الصوت ده جديد عليا فعاملى وش فى دماغى بس انا سافرت بيها كتير على الوضع ده وكله تمام الحمد لله

تحياتى لك

اقتباس:

---

المشاركة الأصلية كتبت بواسطة hemaa_82

تنضيف و تشحم الوصلات الرباعية الخلفية ...

لما شحمت ورا قعدت بتاع 13 الف كيلو من غير اصوات ...

---

هى العربية تعليق رباعى خلفى صح يا هيما؟
طيب اقول للصنايعى يعمل ايه بالظبط عشان ابقى فاهم؟ وهل ياترى اقدر اعملها عند عفشجى برة التوكيل؟ لأن انا اشتكيت منها فى الصيانة السبت اللى فات وطبعا معملوش حاجة.

فينك يا هيما مش بترد عليا؟

معلش اسف علي التأخير ... بقالي يومين مبصتش علي النت خالص مع اني شغال في قلب ماسورة النت في مصر ....
المهم

جوه برة مش حوار ...متفرقش العفشجي جوة ولا برة ... اهم حاجة الجنب اللي شغال فيه يكون مرفوع مش واقف علي الارض ... و يا سلام لو مرفوعه علي كوريك تماما تبقي لوز ....

....الباشا العفشجي يريح "يهوي او يفك" الصواميل بتاعت كل حاجة ورا في الوصلات .... لفة او لفة و نص مش اكتر علشان احنا مش بنفك احنا بنشحم بس
.... يغسل بقي بجاز لو مكانتش مغسولة
... يحط شحم :بلاش اسبراي علشان الشحم بيعيش اكتر"
....يربط تاني

جرب و ادعيلي

معلش اسف بقالي يومين مدخلتش اون لاين

خلي العفشجي يريح الصواميل ... بس مش لدرجة انها تفك تماما ... يا دوب لفتين بالكتير
يغسل بجاز لو العربية مش مغسولة
يشحم ... افضل الشحم مش الاسبراي علشان تستمر اطول
يربط تاني ...


مش فارقة بقي جوة التوكيل ولا برة بس طبعا برة بيعملك اللي انت عايزة انما جوة بيفكك مني

الف شكر ليك يا هيما باذن الله فى اقرب فرصة هروح لعفشجى اعرفه هنا فى بنها واجرب واقولك النتيجة
تحياتى لك يا هيما وشكرا لاهتمامك

هيما باشا ..
ياريت لو تبعتلى رقمك على الخاص عايز اكلمك أعرف منك تفاصيل اكتر عن موضوع الوصلات الرباعية الخلفية أصلى لما روحت للعفشجى وجرب العربية قالى العفشة ورا عايزة تتحل ونبص عليها ولما قولتله نشحم الوصلة الرباعية الخلفية زعل منى كأنه شتمته :))))
انا كنت متوقع انه مش هيفهم الكلام ده وطبعا انت عارف الصنايعية بحبوا يفتوا وميحبوش حد يقولهم انا عايز اعمل كذا انما انت لازم تقوله على المشكلة وهو يحل ويربط ويغير ويلبسك فى الاخر.

هستنى منك رسالة لو مفيهاش مشكلة اكلمك اعرف منك اكتر.

اقتباس:

---

المشاركة الأصلية كتبت بواسطة khaled_saga

هيما باشا ..
ياريت لو تبعتلى رقمك على الخاص عايز اكلمك أعرف منك تفاصيل اكتر عن موضوع الوصلات الرباعية الخلفية أصلى لما روحت للعفشجى وجرب العربية قالى العفشة ورا عايزة تتحل ونبص عليها ولما قولتله نشحم الوصلة الرباعية الخلفية زعل منى كأنه شتمته :))))
انا كنت متوقع انه مش هيفهم الكلام ده وطبعا انت عارف الصنايعية بحبوا يفتوا وميحبوش حد يقولهم انا عايز اعمل كذا انما انت لازم تقوله على المشكلة وهو يحل ويربط ويغير ويلبسك فى الاخر.

هستنى منك رسالة لو مفيهاش مشكلة اكلمك اعرف منك اكتر.

---

نسيت اقولك يا هيما ان لما غسلت العربية امبارح الصوت ظهر اكتر بقى مع المشى العادى مش لازم المطبات وكده

انا حاسس ان العربيه دى مش بتحب الغسيل انا كنت فى التوكيل وكان معايه w40 ورشيت على العفشه والجلب وبعد ما خلصت الصيانه كان صوت تزيق ظهر بس بعد يوم الصوت راح وكله تمام جرب w40

هوه ال wd40 بيعمل ايه ؟؟؟؟بيشحم بس علي خفيف ...

انا جربته قبل كده ... قعدت حوالي اسبوع بالكتير .... انما لما تحط شحم بجد قعدت صيانتين تقريبا بدون صوت

01000083650


رقمي

كل سنة وانتم طيبين وبخير وصحة وسلامة

هيما انا كلمتك يوم الوقفة مردتش عليا

انت هتعملي زي ابويا :) كل ما اكلمه يقولي كلمتك و مردتش ...
اكتبلي نمرتك وانا اكلمك يا سيدي ولا يهمك :)

كل سنة و انتوا طيبين

اقتباس:

---

المشاركة الأصلية كتبت بواسطة hemaa_82

انت هتعملي زي ابويا :) كل ما اكلمه يقولي كلمتك و مردتش ...
اكتبلي نمرتك وانا اكلمك يا سيدي ولا يهمك :)

كل سنة و انتوا طيبين

---

ههههههه ماشى يا سيدى كل سنة وانت طيب .. وده رقمى

01271011000

اخيرا عرفت المشكلة فين ياجماعة وطلعت حاجة تافهه جدا ..
انا لفيت ودورت كتير عن الصنايعية الفترة اللى فاتت واللى يقولك نحل العفشة ونبص واللى يقولك نرش العفشة بجاز على زيت واللى يقولك ده مش من العفشة اصلا واللى يقولك ده صوت عادى من تقل العربية وطبعا ما اجمل الصنايعية المصريين فى الفتى والهرى :)

المهم روحت لميكانيكى صديقى قريب من البيت كنت بتعامل معاه ايام الجولييت وقولتله على المشكلة وسمعته صوتها قام قالى طب بص بقى انا وراها لحد ماعرف سببها ايه ..

الصوت كان واضح اوى انه جاى من ناحية الجنب اليمين ورا شوية .. نزل هو تحت العربية وانا فضلت فوق اهز العربية لتحت وهو يسمع الصوت جاى منين لحد ما طلع ان جراب الواير بتاع فرامل اليد ممسوك بحلية (حلقة) فى قضيب صلب ماشى فى العربية من تحت وكان مشدود شوية فمع هزة العربية بيتحرك يقوم يحك فى القضيب ده ويعمل الصوت البايخ .. قام صاحبنا حله من الحلية دى وريحه وربطه بأفيز وراح الصوت خالص وراح معاه الجنان اللى كنت هتجننه بسبب الصوت السخيف ده ..

الصوت مكنش قالقنى لكنه كان مستفزنى انا كنت متاكد انه حاجة تافهه لكن كان خانقنى جدا والحمد لله حلتها وشكرا ياجماعة على كل من ساهم فى الافادة برأى ..

تحياتى

كان في حد قبل كده قال نفس الكلام ده برضه ...علي العموم مبروك عليك :) المهم ميطلعلكش تاني كمان كام كيلو ...

اقتباس:

---

المشاركة الأصلية كتبت بواسطة hemaa_82

كان في حد قبل كده قال نفس الكلام ده برضه ...علي العموم مبروك عليك :) المهم ميطلعلكش تاني كمان كام كيلو ...

---

الله يباركلك يا محمد .. حتى لو طلع الصوت تانى ادينا عرفنا العيب فين

صوت ف كل العربيات عندي الام 11 و ف افيو و اوبترا و صني صالون عادي دي معادن مع الضغط جايز تطلع صوت .. طالما المساعد سليم خلاص فاكس .. ما ال abs مع الفرامل بيطلع صوت اشمعنا ماسكين ف التزييق و سايبين دا ..... ما تخضوش نفسكو يا جماعه دا مش عيب انا عندي كيا برايد قديمه بتطلع صوت حمام و يمام من ورا والله :D و كل سنه و انتم طيبين

اقتباس:

---

المشاركة الأصلية كتبت بواسطة may_moon911

صوت ف كل العربيات عندي الام 11 و ف افيو و اوبترا و صني صالون عادي دي معادن مع الضغط جايز تطلع صوت .. طالما المساعد سليم خلاص فاكس .. ما ال abs مع الفرامل بيطلع صوت اشمعنا ماسكين ف التزييق و سايبين دا ..... ما تخضوش نفسكو يا جماعه دا مش عيب انا عندي كيا برايد قديمه بتطلع صوت حمام و يمام من ورا والله :d و كل سنه و انتم طيبين

---

كل سنة وانت طيب يا ايمن باشا
مش كل الاصوات يتسكت عليها .. الصوت كان مستفز ومدام له سبب وعرفنا المشكلة فين يبقى نحله وده الل حصل بعد طول بحث وطلعت حاجة تافهه
الاصوات اللى انت تقصدها الدبدبة والتزييق العادى بتاع العفشة اه ده بسكت عليه لان ببساطة ده كله حديد فى حديد
تحياتى لك

اقتباس:

---

المشاركة الأصلية كتبت بواسطة khaled_Saga

كل سنة وانت طيب يا ايمن باشا
مش كل الاصوات يتسكت عليها .. الصوت كان مستفز ومدام له سبب وعرفنا المشكلة فين يبقى نحله وده الل حصل بعد طول بحث وطلعت حاجة تافهه
الاصوات اللى انت تقصدها الدبدبة والتزييق العادى بتاع العفشة اه ده بسكت عليه لان ببساطة ده كله حديد فى حديد
تحياتى لك

---

اهلا وسهلا يا استاذ خالـــد

اكيد مش كل الاصوات يتسكت عليها .. في اصوات عاديه تزيقه حاجة كدا دا شغال عادي حتي عشان لو الكاسيت مش شغال الاقي حاجة تسليني :D :Copy of new:
بس هوا في حد ظهر عنده صوت اخطر من دا او حصله مشكله ف مساعد او حاجة !؟؟؟؟ عشان نتخذ الاحطياطات الممكنه

الحمد لله مفيش اي مشاكل في العفشة .... مع العلم ان التوكيل مغيرلي بار يمين بس انا نفسي شايف انه مكنش بايظ...
و برضه مع العلم بأن انا مش بحسس علي العربية خالص بمعني اني دايما بطلع علي الرصيف في الركن و لما بمشي في حتت مكسرة بمشي عادي مش بفادي كل حاجة

اقتباس:

---

المشاركة الأصلية كتبت بواسطة khaled_saga

اخيرا عرفت المشكلة فين ياجماعة وطلعت حاجة تافهه جدا ..
انا لفيت ودورت كتير عن الصنايعية الفترة اللى فاتت واللى يقولك نحل العفشة ونبص واللى يقولك نرش العفشة بجاز على زيت واللى يقولك ده مش من العفشة اصلا واللى يقولك ده صوت عادى من تقل العربية وطبعا ما اجمل الصنايعية المصريين فى الفتى والهرى :)

المهم روحت لميكانيكى صديقى قريب من البيت كنت بتعامل معاه ايام الجولييت وقولتله على المشكلة وسمعته صوتها قام قالى طب بص بقى انا وراها لحد ماعرف سببها ايه ..

الصوت كان واضح اوى انه جاى من ناحية الجنب اليمين ورا شوية .. نزل هو تحت العربية وانا فضلت فوق اهز العربية لتحت وهو يسمع الصوت جاى منين لحد ما طلع ان جراب الواير بتاع فرامل اليد ممسوك بحلية (حلقة) فى قضيب صلب ماشى فى العربية من تحت وكان مشدود شوية فمع هزة العربية بيتحرك يقوم يحك فى القضيب ده ويعمل الصوت البايخ .. قام صاحبنا حله من الحلية دى وريحه وربطه بأفيز وراح الصوت خالص وراح معاه الجنان اللى كنت هتجننه بسبب الصوت السخيف ده ..

الصوت مكنش قالقنى لكنه كان مستفزنى انا كنت متاكد انه حاجة تافهه لكن كان خانقنى جدا والحمد لله حلتها وشكرا ياجماعة على كل من ساهم فى الافادة برأى ..

تحياتى

---

نفس الكلام حصل معايه عفشجى صديقى بردو قفلت فى دماغه لازم يعرف الصوت ده سببه ايه فضلت اهز وطلع الواير بتاع فرامل اليد مع ان روحت عند ناس تانيه اللى كان يغسل العجل واللى يقول روح التوكيل

اقتباس:

---

المشاركة الأصلية كتبت بواسطة aftr

نفس الكلام حصل معايه عفشجى صديقى بردو قفلت فى دماغه لازم يعرف الصوت ده سببه ايه فضلت اهز وطلع الواير بتاع فرامل اليد مع ان روحت عند ناس تانيه اللى كان يغسل العجل واللى يقول روح التوكيل

---

وكنت فين من بدرى يا حاج ده انا طلع عين اهلى لحد ماعرفت المشكلة فين :bee5: