انا عربيتى بولو فوكس 96 موتور 1300 من غير تكييف ولسه جايبها من حوالى شهر ونص واول مره احسب استهلاكها للبنزين هيا عملت 215 كيلو ب 20 ليتر جوه البلد يعنى ممكن تكون السكه كويسه وطبعا كتير بتكون واقفه ومسافرتش بيها ده كده كويس ولا متوسط ولا وحش ؟
عرض للطباعة
انا عربيتى بولو فوكس 96 موتور 1300 من غير تكييف ولسه جايبها من حوالى شهر ونص واول مره احسب استهلاكها للبنزين هيا عملت 215 كيلو ب 20 ليتر جوه البلد يعنى ممكن تكون السكه كويسه وطبعا كتير بتكون واقفه ومسافرتش بيها ده كده كويس ولا متوسط ولا وحش ؟
على فكره نسيت اقول حاجه ممكن تفرق انا جديد سواقه يعنى اتعلمت بعد ما جبت العربيه مش عارف ده يفرق ولا ايه على فكره بحط بنزين 92
كويس جدا جدا ماشاء الله
واصلا متحكمش على عربيه جوه البلد
انت تطلع على الصحراوي تفول واول ماتوصل البوابه تفول تاني وشوف هي خدت كام لتر في ال 200 كيلو مثلا
طب الحمد لله انا كنت فاكرها واخده كتير وعلى فكره كمان مش عارف تفرق ولا ايه انا كل المشاوير ببقى محمل على الاقل 3 معايا وقليل ما كنت لوحدى تفرق برضه ولا ايه ؟
وشكرا استاذ خالد على مرورك وردك
يا راااااجل
دا انت كدا استهلاك هايل و هتلاحظ فرق رهيب لما تسوق على السريع لمدة طويل زى khalid_adel ما قال لك
ممكن توصل الصفيحة 300 ك لو ما بتحرقش
شكرا moh_rayan باشا
انت قولت لو مبحرقش بحرق يعنى استنى على الغيار لغايه ما الار بى ام يعلى
صح ؟؟
لو كده انا فى الغالب بغير على ار بى ام 3 بالكتير اول قبل كده بشويه
ماقولش الكلام ده بره بقي احسن بالذات اقسام الكوري حيحسدوك :)
متشكر جدا يا جماعه على المساعده وربنا يباركلكم
كنت داخل اقولك الحسابات جوة البلد بتبقي غير دقيقة
ولكن علي العموم هو استهلاك معقول
ممكن اعرف جبتها بكام ؟؟
جبتها ب 33 الف من صاحبها مش من سمسار ولا توكيل والحمد لله بعد تدوير 6 شهور كل اللى فيها 20 سم باروما فى العتبه الشمال وحته صغيره جدا السمكرى قالى دى يا اما تقشير بويه يا اما صدا فى العتبه اليمين وشويه خرابيش صغيره جدا فى البويه فيها جنوط وكاوتش جديد مكانش كمل شهر
وعلى فكره انا متشكر ليك جدا يا استاذ syd راجع مشاركاتى فى قسم السيات وانت تعرف انك رديت على كتير من اسألتى انت فعلا راجل محترم وبتخدم الناس هنا