السلام عليكم .. انا ان شاء الله نويت اعمل عربيتى سمكره ودوكو ... وقولت بالمره اغير اللون ... بس كنت بستفسر بعد ماغير اللون عن اجراءات اثباته عالرخصه ياريت اللى يعرف الاجراءات من اولها لاخرها يقولى ... ولو فى حاجه تتعمل قبل الرش يقولى
عرض للطباعة
السلام عليكم .. انا ان شاء الله نويت اعمل عربيتى سمكره ودوكو ... وقولت بالمره اغير اللون ... بس كنت بستفسر بعد ماغير اللون عن اجراءات اثباته عالرخصه ياريت اللى يعرف الاجراءات من اولها لاخرها يقولى ... ولو فى حاجه تتعمل قبل الرش يقولى
رش بره بس بلاش جوووووه
انسى تبيعها
اكيد هارش بره بس .... انا مابفكرش فى بيعها اصلا يا هانى
وعلى فكره انا معايا عربيه 504 مبتتبعش عشان غيرت لونها عارف رأيى الشخصى رشها لونها وبيعها وهات واحده اللون التانى افضلك سعرها هينزل كتير والله
Follwer
افهم من كلامك انك هتورثها لاحفاد احفادك؟
اللعب في اللون هيوقف حالها طول العمر
ودي حاجتك يا استاذ صلاح و انت حر فيها بس واجب عليا كصديق انبهك
يا باشا لا هيوقف حالها ولا حاجة
وبعدين انت بتشتري العربية عشان تركبها وتتبسط بيها
ترش بقى تحط استيكرات تشيل تحط براحتك
ولما تيجي تبيع المسالة عرض وطلب يا جماعة انا عامل واحد اتنين في عربيتي عايز تشتري ماشي مش عايز ربنا يسهلك
انت مش هتحرم نفسك من حاجة انت عايزها عشان مجرد ممكن بعد كام سنة تبيع !! ؟
----
بالنسبة لاجراءات تغيير اللون لاني عملتها قبل كدة
انت هترش العربية وتظبطها باللون اللى انت عايزه
بعد كدة بتروح المرور وتدخل فحص اكنك بتفحص تجدد الرخصة عادي جدا
ولما توصل للفحص تقوله انا بفحص عشان اغير لون
هيقوم عاملك نموذج فحص فيه اللون الجديد
ويختمهولك
هتطلع بيه على الشباك وتسلمهم الرخص القديمة والملف اللى اتثبت فيه اللون الجديد
مافيش نص ساعة وهيدولك الرخصة الجديدة باللون الجديد
ومبروك عليك
مع احترامى لجميع الردود
يعنى لما تبقى العربيه من برا مثلاً نبيتى من جوا زيتى هيبقى المنظر من مناسب حتى لإستخدامى الشخصى
واى حد هيشوف العربيه هيقول ده عكّ
حتى لو مش هيشترى
وفى الاول والاخر دى ازواق :)
بس حضرتك هو لونها ايه ؟