وزير البترول: حصة بنزين مدعم لكل سيارة أقل من 1600 سى سى -- ماذا تريد ان تفعل ؟؟

**S O P H O S** · 19-09-2012 06:29 AM

بسم الله الرحمن الرحيم
-
-
-

-----

أكد المهندس أسامة كمال وزير البترول، أن البترول والغاز فى مصر هى ثروة الشعب، ولدينا احتياطى من البترول متغير فى ضوء الاكتشافات اليومية، مؤكداً على أن احتياطى البترول يكفى 17 عامًا والغاز يكفى لمدة 30 عاماً، مشيرًا إلى أن الكوبونات الخاصة بالبنزين سيتم صرفها مع المقررات التموينية.
--
وأشار كمال، خلال لقائه مع الإعلامية لميس الحديدى فى برنامج "هنا العاصمة"، إلى وجود دعم يصل إلى أصحاب القصور والفيلات متساوٍ مع الفقراء، مضيفاً: أن السفارات الأجنبية والمدارس الأجنبية تحصل على البنزين المدعم الذى يحصل علية المصريين.
--
وأوضح وزير البترول، أن دعم المنتجات البترولية انخفض فى الموازنة الجديدة إلى 70مليار جنيه، وتابع القول بأن هناك إصرار من القيادة السياسية لعدم المساس بدعم الطبقات الفقيرة، مؤكداً أن الأنظمة السابقة لم تجرؤ على المساس بملف الدعم، وأن هناك 20% من الدعم يذهب إلى 80% من المصريين.
--
وأشار كمال إلى أن وزارة التنمية الإدارية أصدرت بطاقات تموين إلى 65 مليون مصرى، وأنها ستخصص حصة بنزين مدعم لكل سيارة فى مصر وفق قواعد وشروط، لافتاً إلى أن وزارة البترول ستستخدم قاعدة بيانات وزارة الداخلية للسيارات مع مقارنتها ببطاقة الرقم القومى لتحديد المستحقين، وخص بالذكر أن كل سيارة أقل من 1600 cc ولديه رخصة أو بطاقة التموين سيحصل على دعم للبنزين بشكل كامل، مع دراسة باقى الحالات التى تزيد بها قوة السيارة عن 1600 cc.

منقول -- المصدر
اليوم السابع
والله اعلم

رد فعل المواطن الان علي تلك الاخبار =

تحيــاتـــــي

**hassanin_lada** · 19-09-2012 07:05 AM

طيب بالنسبه لاصحاب ال 1600 ليهم دعم ولا هيلبسو عشان خارجين !!

**Ahmed_Ramadan** · 19-09-2012 08:50 AM

طيب يا رجالة كلنا نلبس علشان نزور ولاد ال#$%#$% دول...... لو محسوش إن الناس هتولع فيهم مش هيلموا الدور

**hmada9009_99** · 19-09-2012 08:51 AM

العالم بيطور و الغرب كله اللي هما عندهم فقر في البترول بيركبو عربيات من 2000 cc وانت طالع واحنا البلد الوحيد اللي لسه بمنطق العربيات ال 1600 cc وعندنا وفره بنزين وجبنا الخليج والسودان اغنى احتياط نفط في العالم واحنا بنقول عندنا فقر ويعملوا تموين ان بصراحه مش هعلق على القرارات ديه لأني لو علقت ومهما قولت مش هيكفي ده مهزله زي بظبط عندنا فقر في المياه ويطلع اعلان يقولك الأرض عطشانه ومصر فيها 3 مصادر ميه النيل والبحر الأبيض والبحر الأحمر واحنا في العالم الوحيدين برده اللي عندناى 3 مصادر مياه ويقولك عندنا نقص في المياه واللهي من عارف اقول ايه انا بجد الواحد تعب من نفاق وكدب وتحليق وحلق حوش اللي نناس بتعمله

**shaddadfalcon1** · 19-09-2012 08:57 AM

الناس في كل حته في الدنيا معندهاش بتروش ولما بتركب عربيه 200 حصان او 250 حصان بيتقولك انا بوفر وراكب عربيه اقتصاديه واحنا عندنا بترول وبنركب عربيات 20 جحش مش حصان وكمان عايزين يشيلو الدعم غير اننا بندفع جمارك وضراايب تساوي قمية بنزين غير مدعم بالسعر لعالمي لمدة تذيد عن 20 سنه لكل عربيه

**Kareem.ElAraby** · 19-09-2012 08:59 AM

لا تعليق

قله أدب و عدم الاحساس

**Boory** · 19-09-2012 09:43 AM

سؤال منطقي جدا العربيات ال 1599 سي سي هتدخل في الدعم ولا لا

**MohammedAladel** · 19-09-2012 09:48 AM

أنا عاجبانى فكرة الكوبونات عشان الإسراف لأن ربنا لا يحب المسرفين فيه ناس بتبقى رايحة جاية بعربيتها فى الشوارع وخلاص هو المفروض الهدف من كدا إننا نستخدم سياراتنا فى احتياجاتنا الضرورية والحد من الاستهلاك

لأننا شعب مستهلك جدا فى كل حاجة ودى حاجة تخوف إحنا كدا ممكن نجوع

بس مفروض إن الدعم يبقى على ال 1600 لأن أغلب الملاكى بالسعة دى

وأنا عن نفسى بحب المواتير الصغيرة بس عشان تركب موتور صغير وقوة يبقى عربية صغيرة جدا مينى أو عربية تربو

والعربية التربو عايزة بنزين 95 والبنزين دا غالى حبة

طيب اللى معاه الباسات الجديدة والباسات سى سى اللى موتورهم 1400 سى سى وبيطلع 120 و 160 حصان على التوالى هياخد دعم ولا لأ

**MohammedAladel** · 19-09-2012 09:50 AM

المشاركة الأصلية كتبت بواسطة boory

سؤال منطقي جدا العربيات ال 1599 سي سي هتدخل في الدعم ولا لا

مهو أغلب العربيات ال 1600 سى سى بتبقى 1599 أو 1598 ونص كدا يعنى

بس فى الرخصة مكتوب إيه ؟؟؟؟؟؟ المصنع بتاعها بيخليها تخضع لفئة ال 1600 بس هى حيلة يعنى مش بطالة بس على مين