فى تاكل كبير للزيت على السرعات فوق 100 مع وجود دخان ابيض احيانا

**kamaro** · 19-09-2012 08:11 AM

السلام عليكم ورحمة الله وبركاته

عربيتى الاسكودا فليشيا ساعات اجد دخان ابيض ودا مره كل كام يوم وفى تاكل ملحوظ ربما للنصف فى الزيت على المقياس لما اسافر بيها وازود السرعة اكثر من 100 وداخل المدينة لا ايوجد تاكل كدا محتاجه عمره كامله اغير شنابر واخرط شميز واجيب بساتم جديدة ولا شنابر فقط ؟وياريت الاسعار ايه دالوقت وايه النوع الافضل وعلى فكرة لما كشفت عليها فى بنزينة شيل قال ان فى مشكلة فى التكيهات انها عايزة تتزبط وجزاكم الله خيرا

**MohammedAladel** · 19-09-2012 09:26 AM

متابع

**Shiref_mohamed** · 19-09-2012 09:34 AM

المشاركة الأصلية كتبت بواسطة kamaro

السلام عليكم ورحمة الله وبركاته

عربيتى الاسكودا فليشيا ساعات اجد دخان ابيض ودا مره كل كام يوم وفى تاكل ملحوظ ربما للنصف فى الزيت على المقياس لما اسافر بيها وازود السرعة اكثر من 100 وداخل المدينة لا ايوجد تاكل كدا محتاجه عمره كامله اغير شنابر واخرط شميز واجيب بساتم جديدة ولا شنابر فقط ؟وياريت الاسعار ايه دالوقت وايه النوع الافضل وعلى فكرة لما كشفت عليها فى بنزينة شيل قال ان فى مشكلة فى التكيهات انها عايزة تتزبط وجزاكم الله خيرا

مشكلة حضرتك في كاوتش الصبابات...
وعشان تحل المشكلة ديه هتحتاج تفك وش السلندر وتوديه للخراط يتعملة روديه وتغيير كاوتش صباب وهتبقى البساتم باينة قدامك هتحدد هتحتاج شمبر بس ولا هتحتاج شمايز وبساتم جديدة
(ملحوظة) الشمايز بتاعت موتور الفليشيا الميكانيكي بيفكها ويركبها بسهولة ولو لقيت فيهم مشكله هات طقم بستم بالشميز بتاعه جديد وركبه وتبقى كده رجعت الموتور جديد
اه وكمان خلى بالك لما بتحل وش سلندر الفليشيا اغلب مسامير الوش بتطلع مكسره وبتحتاج تجيب غيرهم وكمان ابقى غير الكاتينة بالتروس بتاعتها عشان الموتور يطلع ناعم
وبالتوفيق

**kamaro** · 19-09-2012 10:07 AM

جزاك الله خيرا اخى شريف .كان لى سؤال عن الاسعار كاوتش صباب وشميز وبستم جديد وسير كاتينه بالتروس وايه الانواع اللى مفروض محترمه

**sabermm** · 19-09-2012 08:32 PM

السلام عليكم\
ممكن نعرف اسعار الشمايز و البساتم كام علشان انا احتما ل ادخل السيارة فى عمرة لانى عندى نفس المشكلة

**darehawk** · 21-09-2012 10:48 PM

متابع عندي نفس المشكلة تقريبا

**kamaro** · 22-09-2012 05:46 PM

تقريبا الدخان الابيض طلع تبع البنزين انه مش بيتحرق احتراق كامل وان فى مشكلة فى الكربراتير لكن فى نقص فى الزيت لسه على السرعات العاليه فعلا دى ممكن كاوتش صباب او فى مكان فوق فلتر البنزين عايز يتغير الجوان بتاعه لازم فك المحرك عشان تعرف فين المشكلة

**mahmooud** · 10-10-2012 02:59 PM

أنا عندي مشكلة شبه كده وهي إن الدخان الأبيض بيطلع لما بهدي وأرجع أعشق الغيار التاني وأطلع بشوف الدخان الأبيض .. لكن مش مستمر مع المشي علي طول يعني بعد الغيال التاني بس.. هل كده مشكلة صباب برضو ولا كربراتير ؟؟؟ أفيدوني

**sakr_skoda** · 10-10-2012 06:46 PM

الزميل محمود ردينا عليه فى مشاركته .... اما الزميل كامرو فممكن يكون الموضوع طقم شنبر للعربيه لو جت على قد كده يبقى تمام لو الموضوع فتح اقفل واشتري موتور استيراد وريح دماغك....*