عرض للطباعة
السلام عليكم
انا لسة سامع حوار وزير البترول وهو كان بياكد ان البنزين هايتصرف بالكوبونات على رخصة السيارة او بطاقة التموين ومتوسط الاستهلاك اليومى المدعم 50 كم بعد كدة تشترية بدون دعم
والعربيبات اللى تستحق اقل من 1600 سى سى
المهم هو كان بيتكلم على تشجيع تركيب الغاز للعربية وهو دا سؤالى بالنسبة للنيسان
الاضرار والمميزات والعيوب المحتملة وكدذلك خبرة الاعضاء اللى عملوا الموضوع دة
علشان شكلنا داخلين على يومين زى فل
وشكرا للجميع
فعلا يا باشا
وده رابط بيأكد الموضوع ده
http://www.nilemotors.net/Nile/30889...post3874527067
تحياتي ..
الصنى سعتها 1595 سى سى
موضوع الغاز الطبيعى كويس بس مش هيديك نفس عزم البنزين وهقلل عمر الموتور دا هنتغاضى عنه مقابل توفير سعر البنزين
غير إن الأنبوبة بتشغل حيز فى الشنطة وطبعا مش واثقين هل هيمشى كويس مع كل العربيات الموجودة خصوصا العربيات الحديثة ؟
متابع باهتمام
اللي اكيد انه هيتم هو الغاء الدعم عن البنزين 95 وانا معاه 100%
بس موضوع 50كم في اليوم جديد اول مرة اسمعه و انا شايفه قليل جدااا
ليه ياباشا إشمعن 95 برغم إنه الأقل طلبا يعنى الضغط مش جامد عليهاقتباس:
المشاركة الأصلية كتبت بواسطة wella3330
متنساش برضه إن المحركات الجديدة ال 1400 التربو بتستخدمه وفى نفس الوقت استهلاكها قليل
مينفعش نحلل لنفسنا ونحرم على غيرنا
بل بالعكس دا بنزين 80 هو الطلب عليه جامد جدا والدعم عليه عالى
http://www.nileup.com/uploads/13480494541.jpg
هيفضل دعم ولكن بصورة اقل !!!!!!
والله اعلم
حضرتك اللي معاه النيو باسات او الجيتا 1400التربو افتكر انه مش محتاج دعم للبنزين لكن البنزين 80 اللي حضرتك بتقول استهلاكه كتير فده طبيعي لانه شغال في الموصلات العامة والتكسيات و سيارات النقل و اي زيادة فيه هتاثر علي اسعار المواد الغدائية فورا و طبعا علي اجرة الموصلات.اقتباس:
المشاركة الأصلية كتبت بواسطة mohammedaladel
و بالشكل ده يبقي اضرينا بمعظم الشعب اللي هو "غلبان" و اثارنا بالسلب علي ناس معندهاش عربيات اساسا !!
اقتباس:
المشاركة الأصلية كتبت بواسطة moumen_hs
انا لسة شايف الرخصة اول ما شوفت راس الموضوع
فيه ناس معاها ميتسوبيشى لانسر ومعاها كام مليون برضهاقتباس:
المشاركة الأصلية كتبت بواسطة wella3330
وفيه ناس معاها باسات ولا تمتلك غير مرتبها الشهرى الكبير نسبيا ولكن بيوفر فى حاجة ويدفعها فى حاجة تانية عاجباه
وعلى المثال دا قيس كتير
الكلام دا تقوله لما نقول لامبورجينى االفئة السابعة الكلام دا المبالغ فيه أحنا بنتكلم فى سيارات عائلية
بعدين الراجل اللى جاب الباسات إنبعاثاته الكربونية أقل يعنى أحسن منى أنا وأقل ضرر على البيئة من العربيات الكربراتير
حضرتك تعرف إن فولكس فاجن يعنى سيارة الشعب ؟ هتقولى ما عندنا مصنفة أنها أعلى من كدا
أقول لحضرتك إن الباسات دى عالميا تصنيفها ليست سيارة luxury عربية عادية
بلاش دى خليك فى الفيات برافو تقريبا شبهها ولكن بسعر أقل والفيات لينيا شبههم بسعر أقل
بعدين اللى مشترى الباسات راجل دفع جماركها برضه زيه زى اللى راكب ال 128 عشان يقدر يسوقها
ليه ما ياخدش دعم خصوصا إن عربيته مش منتشرة قوى ومش هيأثر على اقتصاد البلد زى عامة الشعب اللى بيستخدموا 80 و 90 و92
يعنى المشكلة مش مشكلة نوع العربية إيه لأن دى قصة خلصانة فى الجمارك والسعة اللترية كمان
أنا دلوقتى مواطن عادى معايا عربية عادية ومش بتستهلك بنزين كتير وأقل انبعاثات كربونية
يعنى لو حسبتها فى الآخر هتلاقيه هو بعد الدعم طبعا هيكون 95 أغلى هتلاقيه برضه أغلى منك برغم إنه بيستهلك أقل منك
انا غير مقتنع بنظام الكوبونات دى والدعم المتقسم على شرايح
لأنه مستحيييييييييييييييييييل تطبيقه بعدل ونظام
وهتلاقى بلاوى وسوق سوداء وسرقة العن من الموجودة دلوقت !!!!
وفى الاخر بعد فشل الحل ده طبعااااااا .. هتلاقى الاسعار زادت برضه وبكرة تشوفوا هانبقى زى الاردن فى اسعار البنزين والمحروقات
ربنا يسترها الموضوع فعلا صعب جدا ان موضوع الكوبونات ده يتحكم لانه عاوز ضمائر و فى كتير من الشعب المصرى انعدمت ضمائرهم
بالنسبة لبنزين 80 مش هايرتفع تمنة اللى هايرتفع باقى الانواع والواحد كدة كدة مبيستخدمش 80
المهم موضوع الغاز يا رجالة هاينفع نركبة ولا اية مع العلم ان الواحد هايستخدم البنزين المدعم مع الغاز بس مش هايحتاج يشترى بسعر الغير مدعم ودة طبعا حل ممتاز علشان نحافظ على العربية الى اقصى حد ممكن
يا ريت بس نعرف المعلومة عن اماكنية تركيب الغاز فى النيسان
اقتباس:
المشاركة الأصلية كتبت بواسطة youssef.awad
الموضوع محتاج نظام جامد ورقابة قوية يعنى مثلا لو كلام قنديل على الرخصة صح و انا بصراحة مش لاقى فيديو لرئيس الوزراء بالكلام ده غير انه مكتوب على صدى البلد و الوطن وأنا مش بأصدق غير لما أشوف صوت و صورة
أعتقد الموضوع محتاج تبقى رخصة السيارة اليكترونية زى الكريدت كارد كده
و عليها رقم العربية و طبعا يبقى لكل رخصة عدد معين من اللترات شهريا مدعم مازاد يخرج عن الدعم
ويكون نوع البنزين محدد له حد أقصى
يعنى مثلا رخصة عربية 127 ما ينزلهاش مدعم إلا بنزين 80 ما ينفعش ينزلها 90
علشان الشعب المصرى الذكى و الفهلوة هتشتغل
و لو حد عنده عربيه بنزين 95 يروح يجيب 127 ياخد عليها بنزين مدعم
و اللى يرخص أكتر من عربية يبقى مثلا تانى عربية ليها بنزين مدعم بعدد لترات أقل و مازاد من السيارت عن ذلك يخرج من الدعم
كما ان أى حد غير مصرى لا يقدم له دعم مطلقا أنا ليه أنزل بنزين مدعم لعربية سفير دولة أجنبية زى سفير إسرائيل مثلا
طبعا الموضوع محتاج دراسة و ما أكثر الدراسات فى مصر يفتحوا أى درج هيلاقوها مرمية فيها
غير انه كمان محتاج يطبق تدريجى من فوق من بنزين 95 لتحت وآخر حاجة بنزين 80 لانه لو اتلمس منه قطرة ، الدنيا كلها هتغلى وقتى
ملحوظة:
أنا بأستخدم بنزين 92 يعنى هيتقلل عليا الدعم وشايف الموضوع زى الفل بس لو تم دراسته صح و يعلن عنه بشفافية
الله يرحم أيامك يا سادات يا ريتك كنت كملت و شلت الدعم ماكانش ده بقى الحال .