عرض للطباعة
أعزائي الصجور..
يوم الجمعة اللي فاتت.. و انا رايح الشغل .. خبطت كلب خبطة قوية جداً , و العربية حصل فيها ارتجاج قوي من أثر الخبطة.. هو قفز على الشبكة الأمامية و اضطريت أخبطه و أدوس عليه لأني ما لحقتش أفاديه للأسف..
بعد الخبطة حسيت ان الكلاكس صوته اختلف (بقى أضعف) و استهلاك البنزين اختلف (مش متأكد من النقطة دي 100%)..
:Zb_sor1[1]:
طب شوف يمكن فيه بواقى من الكلب دخل جوه الكلاكس و كاتمه
قدر الله و ما شاء فعل
حمد الله عالسلامه يا باشا و ان شاء الله الأضرار تكون بسيطه
الحمد لله
ممكن تشوف كهربائي يبص علي الكلاكس
حمد الله على السلامه ... وتلفيات خبط الكلاب على اى عربيه بتكون جامده ... وان شاء الله خير .
قدر الله وما شاء فعل
وان شاء الله تكون بسيطة ..
ألف سلامة وخد بالك من طريقك :)
لا حول ولا قوة الا بالله......
و محصلش حاجه للكصدام و الشبكة و الرادياتير طيب ؟؟؟؟؟
انا اعرف واحد خبط كلب كسرلة فانوس و شبورة و شبكة و اكصدام و نقرة الكبوت و شرخ فى الزجاجا الامامى
حمدالله على سلامتك
بس التأثير المفروض بيكون على نفير الكلاكس وعلى كفاءة الرادياتير ... استهلاك البنزين المفروض مابيتأثرش اللهم إلا لو العربية بقت بتسخن بشدة لتضرر الرادياتير ....
أرجوك اكشف على كل حاجة في التوكيل مش برة علشان ماحدش يفتيلك
1. الافضل تخبط بنى آدم ولا تخبطش كلب ولا جمل ابدااااااااااا .. لأن الكلب عضمه ناشف ومكان ما بتخبطه بيكون كل هيكله العظمى واحمد ربنا على اللى حصل ده لأن الاضرار كانت المفروض تكون اكتر من كده .. اما الجمل فمصيبته تقل جسمه لأن الخبطة بتكون فى الرجلين وبيقع بكامل جسمه ع الكبوت والكابينة ولا قدر الله بتكون سبب فى كارثة ووفاة وهلاك كلى للعربية
2. فى اقرب فرصة ممكنة روح التوكيل واكشف كشف تفصيلى ع العربية ظاهريا وبالكومبيوتر واتأكد ان كله سليم وطبعا هاتقولهم ع اللى حصل
حمدلله على سلامتك اولا واخيرا..
ان شاء الله بسيطه ما تقلقش
قدر الله وما شاء فعل
ان شاء الله تكون بسيطة
إحمد ربنا إنها جت على أد كده
وإن الإيرباج مافتحش
حصلت مع واحد صاحبي في عربيته اللانسر وكانت سبب في بيعه للعربية
ما اعتقدش علشان انا غسلت العربية كويس ما فيهاش أي بواقي.. غالبا فيه فردة من الكلاكس فصلت.اقتباس:
المشاركة الأصلية كتبت بواسطة lamada
يا باشا انا ما حدش يحط ايده في عربيتي غير مهندس التوكيل.. كده أضمن :-)اقتباس:
المشاركة الأصلية كتبت بواسطة john55
المشكلة ان الكلب نفسه كان محتاج يموت .. ده نط على الشبكة الأمامية :d مش عارف هو بيتغابى على نفسه ليه بقى.. الله يرحمه .اقتباس:
المشاركة الأصلية كتبت بواسطة mohammedaladel
الحمد لله ما حصلش أي حاجة ظاهرياً.. هاروح التوكيل الأسبوع دع أو الأسبوع اللي جاي أشوف ايه التلفيات بالظبط.اقتباس:
المشاركة الأصلية كتبت بواسطة sasa3
مشكلة التيدا ان ما فيهاش عداد حرارة.. ما بتعرفش ان العربية سخنت و انا الحمد لله ما باقرصش على العربية حتى و انا مسافر .اقتباس:
المشاركة الأصلية كتبت بواسطة the_air_devil
ان شاء الله رايح في صيانة العشرين.. ما فاضلش عليها كتير .. ربنا يسترها و ما الاقيش حاجة الواحد جيبه ما بقاش مستحمل :dاقتباس:
المشاركة الأصلية كتبت بواسطة youssef.awad
تصدق انا السؤال ده عدى عليا برضه يا أحمد.. هو الأيرباج بتفتح امتى ؟ و هل لازم ابقى لابس الحزام علشان تفتح ؟ هو غريبة انها ما فتحتش فعلا !اقتباس:
المشاركة الأصلية كتبت بواسطة ehabvet
فعلا يا باشا لازم تبقى لابس الحزام علشان الايرباج تفتح
الحمدلله انك بخير و اللي يجي في الريش بقشيش :))))
اقتباس:
المشاركة الأصلية كتبت بواسطة kliken
يعني انا لو مش رابط الحزام و عملت لا قدر الله حادثة.. يبقى العربية بتقولي معلش بقى انت اللي عاوز تموت فانا مش هافتحلك الأيرباج :d
يا راجل قول كلام غير ده :)
الحمد لله انها عدت على خير
بس لما تروح مركز صيانة قريب اكشف عليها فى اقرب فرع ليك يا حودة
وبعدين الايرباجز عشان يتفتح لازم تكون رابط حزام الامان .. اضافة الى كدا كمان لازم الخبطة توصل الى حساس الايرباجز اللى موجود فى حوض الماتور .. وهو موجود بزواية 35
وده الكلام اللى سمعته من مهندس فى مركز خدمة
الهدف من ان الاير باج مايفتحش غير وانت رابط الحزام ده لحمايتك لانه لو فتح وانت على مسافه اقل من 25 سم من الطاره ااسائق هيتصاب وممكن يتخنق والاير باج بتفتح في علربياتنا لو الخبطه من قدام وقوه الصدمه 1 على 17 من الثانيه