عن نفسى مرتبى كل سنه بينقص يا هنقفل ههههههههههههههههههههههههه ه
عرض للطباعة
عن نفسى مرتبى كل سنه بينقص يا هنقفل ههههههههههههههههههههههههه ه
بصو يارجالة الفلم كلو بيترخص فى حاجة واحدة
هوما عندهم عحجز فى الموازنة
طبعا هوما راحو استلفو برة وضحونا فضيحت المطاهر
وكنت من شروطو رفع الدعم عن الطاقة
المهم دلوقتى هوما عايزين حل سهل وسريع عشان عجز الموزنة
قالو خلاص اشطة احنا نشيل الدعم عن الطاقة بس كدة حل سهل
سريع مريح جميل.... وحنا نولع بجاز وسخ
انا هتكلم عن نفسى ..انا معايا بيجو 605 موديل 1998 2000 سىسى..شاريها ب46 الف جنيه....يعنى ايه يخلينى ادفع فى بنزين اكتر من عربيات بمئات الألوف موديلات جديدة 1600 وانت نازل ..هى دى العدالة الاجتماعية انهم يلبسونا فى الحيطة..بستهلك فى الشهر حوالى 100 إلى 120 لتر عشان اروح به شغلى..والباشا الوزير دا بيستهلك بالمرسيدس اللى من فلوسنا عشان يروح على وزارته يعنى بردو شغله بنزين اكتر منى بكتير ويبقى مش دافع ولا مليم فى تمن عربية ولا صيانتها ولا تمن بنزين ولا اى حاجة..هى دى العدالة ان وزير مرتبه آلاف الجنيهات مبيدفعش فى مواصلاته مليم واحنا اللى طالع عنينا ندفع ويطلع عينينا وفى الآخر لو طالبنا بزيادة مرتب عشان نلاحق على زيادة البنزين الغبية دى يقولوا علينا همج ولا حد بيعبرنا...
احنا الى هنتنفخ فى الحوار دة يامعلم اصحاب الموتير الكبيرة
هههههههههههههه المهم تضحك لما قالتلو انبارح اية الموضوع بنسبة 95
بيقولها لاء دة امرو منتهى مش ذنبنا ان واحد راكب عربية شديدة الرفاهية
الكلام دة كان موجة ليك انتا يامعلم ههههههههههههههههههههههه
دة حنا هنشوف ايام زبادى
انا محروق زيكم ياجدعان بس حبة عقل . الحكم مش بلعاطفه والحسابات الضيقه دى .........
يعني انا عايز اعرف دلوقتي البنزين المدعم هايبقي بكام والغير مدعم هايبقي بكام انا بتكلم عن بنزين 92 وكل فرد عندة سيارة هايبقي لية كام لتر بنزين مدعم في الشهر انا بتكلم عن السيارات 1600 ؟؟؟
أنا موافق على رفع الدعم عن الطاقة بشرط
1. رفع مرتبات الموظفين والمعاشات والقطاع الخاص (باستثناء البنوك وشركات الاتصالات والبورصة وخلافة من الذين يقبضون الشيء وشويات) بنسبة 300% على الإجمالي
2. تجديد نظام النقل العام في جميع أنحاء الجمهورية
أعتقد أن أسعار السلع قد بدأت في الارتفاع بالفعل
انت هتقولي
بس عيب عليك
هي ديتها 3-4 عربيات 128 و لا سيات و بكبوناتهم نصرف علي الوحوش
و يا باشا ما هو ده الجهل البين
رفاهيه ايه و شديده الرفاهيه ايه هو الحاجات ده حد بيشوفها في مصر
اومال الرولز و البنتلي و العربيات ده بيسموها ايه ولاد التيت دول
super رفاهيه
شويه ...... بيتكلموا و خلاص
و اصلا معظم اذا مكانش كل العربيات الفخمه في مصر بتستخدم ال 92
فهما بيهتشوا و خلاص
تقول لمين يا باشا
مهو اصلا عقاب
مش راكب عربيه يبقي تدفع
بالنسبة لموضوع الغاء الجمارك انا شايف انه عمليا مستحيل لعدة اسباب
1- مينفعش نطالب برفع الجمارك و فى نفس الوقت متوقعين حل سحرى لازمة المرور - اذا كنا مش عارفين نتحرك فى الشوارع بعربياتنا و الجمارك موجودة امال لما نضاعف عدد العربيات مرة واحدة هيحصل ايه
2- ازاى ننتظر من حكومة وصل بيها الحال لدرجة انهم بقوا يخصموا فلوس على دقائق المحمول انهم يفكروا يرفعوا الجمارك او يقللوا من الضرائب
السؤال بقى هما مفكروش فى كمية الاعتصامات و الاضرابات اللى ممكن تحصل نتيجة غلاء المعيشة و ان الاجور ساعتها مش حتكفى قطاع كبير من الناس لان الدعم بمجرد ما يترفع كل حاجة فى البلد حتغلى و فىه ناس كتيير مرتبها يدوب مقضيها
الناس لو كانت عرفت ان ده الي هيحصل مكانوش عملو ثورة هما عاملين ثورة ليه عشان يغلي البنزين وعليه كل حاجة تغلي ولا تررررررررررررررررخص او تزيد المرتبات زي الناس البني ادمين الي برا ويغلو بعديها كل حاجة بالسعر العالمي علي ايه ان شاء الله رئيس الثورة
واعتقد الكلام ده لو هيحصل مرسي هيحصل مبارك
يعنى اللى بيعمل مشوار 300 كيلو فى اليوم
ببتاع 25 لتر 92
يعنى
25 لتر
x
4.70
= 117.5
فى اليوم
معنى كده ان فى الشهر
117.5 جنيه يوميا
x
26 يوم بخصم 4 ايام الجمعه اللى فى الشهر
=
3055 جنيه شهريا
وماشاء الله المرتبات فى مصر مرتفعه جدا وتسد اكتر من المبلغ دة
شكرا لحكومة الأخوان اللى عملوا اللى معملهوش لا حسنى مبارك ولا احمد عز
برغم انى مش بحب الاخوان لكن الى حضرتك بتقول عليه بيقطع 300 كيلو يوميا ده المفروض ملوش اى دعم نهائي لانه بيستفيد بدعم بأكتر من 5 عربيات لوحده دي اسمها رفاهيه زايده انه يسافر كل يوم 300 كيلو لوحده
دي استحاله تشوفها فى اى بلد محترمه فى العالم
عارف ده بيستفيد بدعم قد ايه فى الشهر ؟
لما يحرقله كل يوم 25 لتر يوميا
لو قولنا انه بيستخدم بنزين 92 بـ 185قرش يعنى بياخد دعم 285 قرش على كل لتر لان زي ما مكتوب ان تكلفةاللتر 470 قرش يعنى بيستفيد من الدعم يوميا 71.25 جنيه
يعنى الباشا ده فى السنه بياخد لوحده دعم بـ 26 الف جنيه " لوحده "
يبقى ده حلال ولا حرام ؟؟
اتمنى ان أقدر اوضح لحضرتك نقطه بسيطه
فى فرق بين ثمن السلعه وتكلفة تشغيلها
يعنى لو غليت العربيات ورخصت مصاريفها "تكلفة تشغيلها" عدد العربيات هتزيد جدا والشوارع هتقف زي ما حاصل دلوقتى
لكن لو رخصت العربيات وعليت تكلفة تشغيلها هتقل العربيات وحتي الى معاه عربيه هيقلل من تحركاته بيها شويه لانه هيحسب كل مشوار هيكلفه كام بالعربيه
مثال : أوائل الثمانينات كانت اتفتح استيراد العربيات المستعمله من الخارج وكانت اسعار العربيات نزلت جدا وكان باستطاعت نصف الشعب المصري شراء سيارات ومع ذلك محصلش لان تكلفة التشغيل كانت مرتفعه وده الفيصل
لسه التفكير الغبى زى ماهو
يعنى احنا لازم نكون مختلفين عن العالم حتى لو غلط
فيه فى الدنيا دوله بتعمل كده
يعنى ادفع ضعفين تمن العربيه لما اشتريها
وادفع بنزينها قليل الدعم منييييييييييييييييييييييي ييييييييين ياعالم
هو الشعب متنغنغ اوى كده
ولما هى العربيات اللى ccبتاعها عالى طب ما يقللوها مع انها مش بتستهللك بنزين قد اللى بتستهلكه عربيه من القدام
وبعدين استهلاك ايه اللى بيسحبه شكله بيقرأ مواصفات العربيات من على الورق
قام قاللك بس بيستهلكوا بنزين قليل يبقى مش هايحسوا بحاجه
مخدش باله ان المرور والزحمه بتشرب البنزين شرب
وماخدتش باله كمان من السوق اللى هايتاثر بسبب ان جزء كبير من الناس هاتركن عربياتها يعنى اللى بيفكر يبيع عربيته القديمه ويجيب غيرها عربيته مش هاتتباع يعنى مش هايشترى جديد يعنى السوق هايجيله شلل
للاسف عقليات متخلفه
وهابقى ندمان انى انتخبت مرسى
اختلف مع حضرتك تماما
انت مفكرتش ان واحد بصحي كل يوم 5 الفجر عشان ينزل 6 الصبح عشان يروح شغله في محافظه تانيه ويفضل في الطريق ساعتين ويرجع في ساعتين ونص وبيعمل كده عشان يجيب قرش يكفي بيته وعياله والا ايه اللي جابره على المشقه دي كل يوم
هل ده في نظرك قمة الرفاهيه
فكر في ظروف غيرك قبل ماتقول عليهم كلام مش صحيح
ما هو اللى بيسافر كده يوميا بتبقى ظروف عمل خاصه بيه فيه بعض المناطق اللى مايقدرش يوصلها غير بعربيته الخاصه
طب انا عايز اسال حضرتك؟
ازاى فى السعوديه عندهم بنزين ال 91 ب 45 هلله يعنى بالمصرى = 73 قرش اللتر
والبنزين ال 95 ب 60 هلله بالمصرى = 98 قرش اللتر
طبعا هاتقولى علشان عندهم حقول نفطيه كتير وكدا
تابع كلام الحكومه اليومين اللى فاتوا دول بيقولوا عندنا حقول نفطيه تكفينا لكام سنه قدام
وعلى فكره اغلبيه السعوديين مشيهم كتير + انهم بيستخدموه فعلا فى رفاهيه
وعلى فكره جزء كبير من الدعم اللى بيتكلموا عنه دة ظاهرى لأن مش كل البنزين اللى بنستخدمه بنستورده علشان يبقى مدعوم
لكن هما بيقارنوه فقط بالسعر العالمى وبيقولوا عنه دعم
أنا هاتأذى جامد فى الحركة دى ومصاريفى كده هتزيد 350 جنيه كل شهر ولا يمكن توفير هذه الزيادة لأن مشاويرى أغلبها أكل عيش :(
اصلا موضوع الدعم ده نصب من الاول
ازاي
الحكومه بتشوف سعر البترول عالميا و تحاسبنا علي اساسه و الفرق ده بيتقال عليه الدعم
مع ان احنا عندنا بترول و بنسبه كبيره بنستخرجه من اراضينا
يعني بالبلدي كده بترولنا و بيحاسبنا عليه بحساب السوق العالميه
و يصدر منه للدول و يشغل بيه محطات الكهرباء(مع ان الاوفر تشغيلها بالغاز)
فيضطر يستورد اكتر لان الفكر كله من الاصل مش لله
كله لمصالح شخصيه و المواطن صاحب الارض و الخير هوا اللي يدفع
(لو لم اكن مصريا لوددت ان اكون اي جنسيه )
يا جماعة أنتوا بتفكروا ازاي .
طيب تعالى نشيل الدعم من على المخابز ........ يعني ثمن العيش هايغلى على المواطن نفسه لأن صاحب المخبز أصبح تكلفة تشغيل المخبز عليه أعلى .
الدعم لازم يتشال مثلا من على الفنادق معاك ...... و المستشفيات الخاصة معاك .... و ممكن المطاعم
إنما المخابز لاءة لغاية ما نبقى عندنا انتاج للقمح يكفي حاجة السكان و ده مستحيل يحصل و أحنا بنزيد مليون و نص أرنب في السنة مع ثبات مساحة الأرض الزراعية و تقلصها للبناء العشوائي عليها .
الخليج لا يُقارن بمصر أصلا لأختلاف الظروف كليا و جذريا لكلا البلدين .
من حيث عدد السكان .......... كمية الأنتاج (السعودية من أكبر المنتجين في العالم أصلا )
تعالى بقى أقول حضرتك أنت بتقول أن الدعم ظاهري
ظاهري ازاي و هو بيندفع من ميزانية الدولة أساسا .
لو ظاهري مش هايبقى عندك مشكلة إلا في الجزء المستورد منه .
و هو فعلا دعم مادي مدفوع من الميزانية العامة للدولة .
سعر الأنتاج العالمي أغلى من كدا أساسا بكتير .
===============
بريطانيا الدولة الوحيدة في أوروبا اللي بتنتج بترول تقريبا .
و مفيش فيها حاجة أسمها دعم ........ كله بيكوع و يدفع ثمن السلعة الأصلي لكل شئ .
الدعم ده المفروض يروح للمدارس و المستشفيات و دعم الأسر الفقيرة المعدومة .
عايز أقول على حاجة .
في أوروبا بيعتبروا العربيات 1600 عربيات ساحقة للبنزين ... سفاحة بنزين و لذلك
الحكومة بتشجع الناس تركب عربيات أصغر و كل لما الموتور يصغر تدفع ضرائب أقل و تأمين أقل .
بس أحنا محتاجين مواصلات عامة نظرا للتدكس الرهيب لكمية البشر على مساحة صغيرة من الأرض و أيه مش أي بشر ... مصرييننننن.
انا ليا وجهة نظر تانية بخصوص ربط سعة المحرك باستهلاك البنزين
انا متهيألى انه دلوقتى مينفعش اقيس استهلاك البنزين بسعة المحرك لأن تكنولوجيا تصنيع المحركات دلوقتى بقت بتفرق كتير فى استهلاك البنزين
يعنى ممكن بى ام الفئة الخامسة تستهلك بنزين زى عربية 1300-1500 اوتوماتك او اعلى حاجات بسيطة بفضل التكنولوجيا اللى بتخليهم يقللوا هدر الطاقة الى اقل الحدود
انا ليا وجهة نظر تانية بخصوص ربط سعة المحرك باستهلاك البنزين
انا متهيألى انه دلوقتى مينفعش اقيس استهلاك البنزين بسعة المحرك لأن تكنولوجيا تصنيع المحركات دلوقتى بقت بتفرق كتير فى استهلاك البنزين
يعنى ممكن بى ام الفئة الخامسة تستهلك بنزين زى عربية 1300-1600 اوتوماتك او اعلى حاجات بسيطة بفضل التكنولوجيا اللى بتخليهم يقللوا هدر الطاقة الى اقل الحدود
الشعب بتاعنا ده جامد كيك بسبوسة قطايف ... يشتم قبل ما يفهم ...
موضوع رائع والمناقشة فيه شيقة
بس في شوية ملاحظات:
أولا : فكرة ان احنا دولة منتجة للبترول .... اسف كلام خاطئ ..... انتاج مصر من البترول 50% للحكومة و50% للشريك الاجنبي الدخل مصر بالمعرفة والمعدات والاستثمارات وهو الطلع البترول من الارض من غير ما يكلف الحكومة مليم وديه خيبة تقيلة بصراحة
وبناءا عليه فإن انتاجنا الضعيف اساسا بيقسم على 2 الدولة والشريك الاجنبي .... ثم يتم شراء من حصة الشريك الاجنبي بالسعر العالمي او استيراد من الخارج ( البترول ومشتقاته من بنزين وسولار ومازوت وغاز البوتاجاز)
فلازم كشعب نكون على علم بالنقطة ديه جيدا
ثانيا: مصر دولة فقيرة منهوبة الموارد على مدى عشرات السنين وفي سنة ونص ثورة رجعت 20 سنة للوراء وانخفض الاحتياطي النقدي 15 مليار دولار (وديه محتاجة شرح من السئولين عن السنة ونص) وزادت الاضرابات والفئويات والمطالبة برفع الاجور وتم الاستجابة ليهم (منهم لله فتحوا فتحة لا وقتها ولا في استعدداد ليها)
ثالثا: تم ايهام الشعب الغلبان بالمليارات الموجودة في الخارج الهاتحول مصر للكويت وكل واحد هاياخد مليون جنية (زي فيلم عايز حقي) فالناس انتخت على امل الاموال العائدة الأساسا مش هاترجع ولو بالحرب (الحداية مش بتحدف كتاكيت) الا لو عايز تقطع علاقتك بامريكا واوروبا وبرضه مش هاتاخد حاجة (منطق القوة يحكم العالم)
رابعا : يوجد خطأ في التوقيت ..... عايز ارفع الدعم او اقلله ... ماشي ... بس مش دلوقتي ... فوت سنة على الاقل وبعدين اتكلم في الموضوع .... مش على الحامي كدة ....(وديه عملية نفسية)
[COLOR="rgb(139, 0, 0)"]رابعا: وهي الاهم والتمس كل واحد فينا (( الالية ))
انا شايف ان الافضل هو نظام الكروت الذكية .... وليس سعة المحرك
احنا عندنا بيجو 504 2000 cc وعندنا 406 2000 cc يبقى هاترفع الدعم عن كهنة وتكون زيها زي الحديث ... ده ظلم
الصح هو عمل دراسة مستفيضة حقيقية يشترك فيها (المجتمع المدني / المرور / وزارة النقل ) الى جانب سؤال الناس والوصول الى متوسط مناسب للاستهلاك الشهري للمواطن من الليترات بغض النظر عن نوع السيارة او سعتها
لاحظ ان اكبر نسبة في الشارع هي 1600 ثم 1300 ثم 2000 ثم ما فوق 2000
يتم اصدار كروت ذكية مشحونة بالاستهلاك السنوي المتوسط الخرج من الدراسة
يتوفر كروت للبيع بالسعر الغير مدعم للعايز يشحن
الالية مستخدمة بقالها اكتر من 10 سنين في مصر في شركات المحمول (يعني مش محتاجة عبقرية ولا خبراء)
[/COLOR]
خامسا: طبعا كلنا هانتعور بنسبة ما
يبقى لازم يكون في بديل محترم (مواصلات عامة محترمة ممكن نستخدمها توفيرا للطاقة )
انا شخصيا لما احب انزل وسط البلد اركن العربية عند اقرب محطة مترو انفاق واروح بالمترو
(زودلي الخطوط - نظفلي الوتوبيسات وخليها كلها مكيفة) انت كدة وفرت طاقة وزودت دخل الدولة
[COLOR="rgb(139, 0, 0)"]أخيرا الموضوع لا يخص وزارة البترول وحدها .... لازم اشراك وزارة النقل وادارة المرور والمجتمع [/COLOR]
اعتقد كدة يكون النقاش
مش هانعمل ثورة وعصيان وادي الاخدناه من الثورة ويسرقوا يا عم المهم ناكل ونشرب ولا مؤاخذة نعمل بيبي
لا ديه مشكلة وارثينها ولازم نحلها صح
وشكرا
[color="rgb(65, 105, 225)"]يا جماعة اى مشكلة تتحل لما توجد بدائل - لكن احنا معندناش بديل يوحد ربنا[/color]
أنا أول واحد مستعد مستعملش عربيتى - بس وفرلى وسائل نقل آدميه و منتظمة المواعيد و خطوط السير و بسعر معقول - مش أفضل مستنى اتوبيس او مينى باص ساعة أو أكتر و لما يوصل معرفش أركبه من كتر الناس اللى باظه من بابه - و لو حصلت المعجزة و عرفت تركب يأما تتنشل أو تتخنق من ريحة عرق الناس اللى لا تعرف أبسط قواعد النظافة الشخصية أو الذوق - اللى بيزقك من هنا و اللى بيظغرلك من هناك و نفس الوضع فى مترو الانفاق عدا المواعيد
احنا معظمنا يا جماعه جايين من شرائح اجتماعيه متوسطة يعنى الواحد معنوش صفة التكبر أو التعالى دى لأن الواحد كان فى مدرسه حكومه و كان ممكن يروح المدرسه بالاتوبيس او يتمشى و لما الواحد راح الجامعه كان بيستعمل المترو مثلاً و لما لشتغل و اعتمد على نفسه و عرف يحوش قرشين بأه بيستعمل عربية لكن مش هايعرف يستعمل مواصلات الا لما تكون زى اللى كان متعود عليها زمان و هى رايقه و منتظمة - مش فاضيى يعنى - لكن طول ما ده غير متوفر انت مضطر اضطراراً لأستعمال عربيتك حتى لو قارفاك و مكلفاك كتير ...
مشاركة رائعة م. احمد زكريا
انا رأيى ان الموضوع ده كان المفروض يحصل ايام مبارك و يمكن النظام السابق قعد يناور علشان يأجله حتى يمر مسلسل التوريث بسلام
و اللى حصل ان ده عمل ضغط على موارد الدولة للحفاظ على السعر المحلى فى ظل ارتفاع السعر العالمى يعنى الدعم كان بيزيد كلما زاد السعر العالمى
و موضوع ان رفع الدعم يحصل دلوقتى مش كمان سنة لان على مدى سنة و نصف من المظاهرات و الاضرابات و الاشتباكات ده انهك الاقتصاد المصرى تماما و يمكن ده السبب فى تعجيل اتخاذ القرار ده
المطلوب من الحكومة انها لو اتخذت قرار زى ده تصارح الناس بحقيقة وضعنا الاقتصادى بشفافية و بدون لف و لا دوران لان الناس اكيد مش حتسكت على حاجة زى دى خصوصا ان اكثر المتضررين مش الناس اللى معاهم عربيات لأ دول اللى مش معاهم يركبوا تاكسى اصلا .
السلام عليكم جميعا
يعنى يا حكومة الخير عايزين تخفضوا الدعم علشان عجز الميزانية و تاخدوها من الناس اللى فى نفس الوقت مرتباتهم بتقل و مش بتزيد
طبعا هتلاقى الزيادة كمان فى الاتى اولا المواصلات ثانيا الكهرباء ثالثا الاكل والخضروات و كل ما لة صلة بالبنزين او السولار
طيب احنا هنوفر تقريبا من العجز بعد الزيادة دى تقريبا 50 الى 60% طيب فى ان احنا بردو نشد حيلنا شوية و نعرف نيجيب 225 مليار دولار ( تلريون و 350 مليار جنية ) اللى برة يعنى هيجبوا فى السنة لو شغلنا الفلوس دى كويس ممكن اكبر من اجمالى قيمة الدعم اللى هو 113 مليار جنية
وشوية تزبيط لمرتبات الناس الغلابة بعد كدة مش هتحتاج تعلى البزين و دة بس مجرد بند واحد ويا رب ارحمنا واحمى بلدنا من الظالمين.
ضيف على وسائل الموصلات وسائل نقل السلع والبضائع بمختلف انواعها
عندنا نهر النيل واصل من اسكندريا ومن دمياط للقاهره ومن القاهره للصعيد وتقريبا غير مستفاد بيه فى نقل اى حاجه
وعندنا شبكة سكه حديد مجرد قطارات ركاب ومساهمتها فى النقل المواد والبضائع لا تذكر ومفيش اى اهتمام بيها للموضوع ده وعايزين يصرفوا مئات الملايين على قطار فائق السرعه
الفلوس دي المفروض تتوجه لاتجاهين :
1- اقامة وسائل مواصلات أدميه داخل المدن وبين المدن وبعضها
2- اقامة شبكه نقل قويه بين المحافظات معتمده على السكه الحديد ونهر النيل
عشان نقلل من كميات التريلات "سبب أغلب الكوارث" وعربيات النقل على الطرق
225 مليار دولار بره مصر مين قال الكلام ده
فى اى حاجه تثبت صحة المعلومه دي ؟
للاسف الكلام ده هوا الى هيخلينا عمرنا ما هنتقدم ابدا
كلنا متأكدين ان فى فلوس كتير منهوبه لكن استحاله نثبت عشر المبلغ الى حضرتك كاتبه
ولو فرضنا جدلا اننا اثبتنا عشره بس -وده هيكون مبلغ محترم جدا - نسبة موافقة الدول انها ترجع الفلوس 10%
ولو وافقت جدلا انها ترجعهم بيفضلو يماطلو على الاقل 10 - 15 سنه
لان طول ما الفوس فى بلد اقتصاد البلد كله بيستفيد بيها خصوصا لو كان مبلغ بالضخامه دي كلها
فأيه الى يخليهم يضعفو اقتصادهم ويعطوك انت الفلوس دي كلها "حتى لو كانت حقك"
وعليكم السلام ورحمة الله
هل حضرتك تتصور ان اسبانيا او انجلترا او امريكا او سويسرا
هايرجعوا الفلوس
إنسى
بجد لا يمكن ... الفلوس ديه في خزائن البنوك بتشتغل وبتسند اقتصاديات الدول
والدليل المماطلة في تسليم المطلوبين والمتهمين وفلوسهم
مصر مداينة انجلترا من ايام الملك
الحداية مش بتحدف كتاكيت
يجب ان نعتمد على انفسنا في بناء بلدنا ولا نتواكل على الفلوس البره لانها حلم بعيد المنال