الموضوع: زيادة أسعار البنزين والسولار تنتظر موافقة «مرسى»

المشاركة الأصلية كتبت بواسطة shaddadfalcon1

حضرتك ممكن تشوف في كام واحد من الأخوان في الحكومه والوزراء والمحافظين

حضرتك الناس دي مش مستلمه البلد من عمر بن الخطاب ولامستلمه البلد باقتصاد دبي مثلا

البلد عمرها ماهتنهض طول مافي ناس كل ماتشوف حاجه تصرخ وتقول الأخوان والليبرالين والعلمانيين

اخي الفاضل اولاً احب اعتذر ليك لو كان في ردي السابق بعض الحدّه

انا متفق معاك انهم مش مستلمين البلد من عمر بن الخطاب ,و كمان زودت و قلت بأن القرارت اللي من النوع ده متفَهمّه و مقبوله علي الأقل بالنسبه لي.

لكن اختلف تماما معاك في نفي مسئوليه اداره الدوله حاليا عن الاخوان
اما موضوع كام وزير و كام محافظ فده لو حكومه ائتلافيه ,لكن دي حكومه اغلبيه شكلها رئيس اخواني و سلطتها التشريعيه (الشوري والرئيس) اخوانيه . فيبقي ايا كان اختياراتهم لافراد السلطه التنفيذيه الجدد (محافظين او وزراء) او موافقتهم علي بقاء من بقي في المستويات الاقل في السلطه التنفيذيه فهم مسئولون عنهم وعن أدائهم بلا جدال .

اما ان " البلد عمرها ماهتنهض طول مافي ناس كل ماتشوف حاجه تصرخ وتقول الأخوان والليبرالين والعلمانيين"

طبعا انا اتفق معاك تماما لو انتقاد القرارت و المواقف مبني علي مواقف مشخصنه او حسب توجهات اللي بيأخذها (وده للاسف الغالب حالياً من كل الاطراف).

لكن كلنا لازم نشجع كل نقد موضوعي ايا كان اتجاه اللي بيعرضه ,
و نرفض برضه الدفاع عن القرارت لمجرد ان الشخص او الحزب اللي بيتخذها علي هوانا لان دي برضه شخصنه و عدم موضوعيه .

و الرد الاصلي متعرضش للحته دي خالص لكن كان مجرد استغراب لنفي مسئوليه الاخوان عن البلد في الفتره دي ,لأن بدون مسئوليه لا توجد محاسبه , و الا لو- لا قدر الله - حسينا بعد كام سنه اننا مش في المكان اللي احنا عاوزينه , هنحاسب مين؟

وطبعا كل مخلص لازم يعمل بأيديه و أسنانه علشان ربنا يوفق البلد و نوصل لاقتصاد دبي و احسن و نكون زي عهد عمر بن الخطاب , لأن ده مصلحتنا كلنا لمستقبل أولادنا