الموضوع: إزاي أحسب استهلاك البنزين؟

المشاركة الأصلية كتبت بواسطة المنسي

افضل طريقة من وجهة نظرى لحساب استهلاك البنزين :
1- تفويلة التنك حتى سماع صوت تكة المسدس ولا يحبذ لغاية الزور
2- مشوار بالعربية فى طريق فاضى وليكن 100 كيلو او 200 كيلو على سرعة من 90 حتى 100
3- الرجوع مرة اخرى بتفويل العربية حتى تكة المسدس وحساب عدد اللترات
مثال
فولت العربية وطلعت مشوار 100 كيلو ورجعت فولت مرة تانية وعامل البنزينة حط 8 لتر يبقي نقسم عدد الكيلوهات على عدد اللترات يطلع لنا معدل الاستهلاك
100 / 8 = 12.5 اذا لتر البنزين يعمل 12.5 كيلو وهكذا

فعلا دي احسن و ادق طريقة تحسب بيها الأستهلاك

انا بعمل طريقة تانية علشان التشييك السريع مع الطريقة دي و هي كل ربع تانك "المؤشر لما يقل ربع" عبارة عن 13 لتر يعني مفروض يعملوا تقريبا 135 كيلو فبعرف الأستهلاك في السريع
انا برضوا بصفر العداد trip A مع كل تفويلة يعني بعمل الطريقتين مع بعض بس الطريقة اللي فوق ادق