الموضوع: حصريا ... اول تقرير مفصل عن المدمرة الالمانيه opel corsa 2012

المشاركة الأصلية كتبت بواسطة ibn_seena

بعتذر لحضرتك جدا اني اتكلمت بصيغة المذكر. ....
العتب عالنظر .....
وانا تحت امرك في اي استفسار

لا ابدا أكيد مش مقصودة وشكرا لذوق واخلاق وتعاون حضرتك.

المشاركة الأصلية كتبت بواسطة ibn_seena

استاذ
admmostafa

حضرتك يا فندم نورت الموضوع
انا كده فعلا اطمنت ان اداء العربيه كده فعلا وما فيش عندي مشاكل ...
بالنسبه للثبات حضرتك انا ذكرت ان العجل ضغطه كان معدي 40 وده لوحده كفيل بانه يخلي العربيه يحصل مشكله في ثباتها او لا قدر الله توصل لحد حادثه ولكن انا اخدت الصحراوي كله يومها علي 160 وكان مجرد احساس ان العربيه خفيفه وبتروح مع لمسة الدريكسون واكتشفت موضوع ضغط العجل ده بعدين
...
هو صراحه انا مش عارف الضغط المفروض يكون كام
انا بعمل اللي قدام 33 واللي ورا 30 بس لسه مش سالتهم في التوكيل .............
وبعيدا عن السيارات وكل شيء انا تشرفني يا فندم مقابلة حضرتك ويكون لي الشرف بالتعرف علي اخ فاضل مثل حضرتك ........

وبالنسبه لبنزين 92 و 95
الكتالوج مكتوب فيه 95 is recommended واكيد الموتور بيطلع اقصي قدرة حصانيه ليه مع رقم الاوكتان ده والله اعلم
ممكن اداء العربيه يكون مرضي لحضرتك وغير مرضي ليا او العكس انا قيمت الاداء من وجهة نظري انا مقارنة مثلا باللانسر والتيدا والكورولا ........... بس ذكرت اني لما بدات اقارنها بالالماني عرفت ان كل الالماني بطيء في التسارع بتاعه في البدايه...

ألف شكر علي ردك والمنتدى منور بيك

الشرف ليا يا فندم مقابلتك والتعرف عليك وتحت أمرك في أي وقت

أنا مخدتش بالي من أن الضغط عندك كان علي 40

بص أنا جبت الضغط بالظبط من الكاتلوج - موديل السيارة والموتور وحتلاقي الضغط مكتوب في الوضع العادي من غير حمولة جامدة الأمامي بيفرق 3 درجات عن الخلفي وأكيد الجنط ال 17 هتلاقي مكتوبلة الضغط بتاعه في نفس الصفحة

ومتفق معاك طبعا أن إستخدام العربية وكفاءتها مختلف من شخص للتاني في طريقة الإستخدام وهو عايز ايه من العربية ولكن طبعا زي ما انت قولت الالماني والأوربي عموما بطئ في التسارع لو بصيت علي الرينوفلونس في المنتدى حتلاقي الناس بتكلم علي النقطه دي بس بعد لما بتجمع خلاص

تقبل مروري

المشاركة الأصلية كتبت بواسطة gha

</B>ibn_seena
اولا الف مبروك العربية وربنا يديك خيرها ....حضرتك كنت رديت عليا قبل كده فى طلب مساعدة عن الكورسا وفضلتها عن التيدا
...بصراحة تقريرك فى منتهى الحيادية واشكرك جدا عليه .......وبشكر الاستاذAdmmostafa على المعلومات اللى أضافها لكن بصراحة يا جماعة انا كده بقيت متخوفة من العربية دا غير فيه حاجات كتير معنديش عنها فكرة بصفتى سيدة ومعرفتى بالميكانيكا تقريبا مفيش...دا غير موضوع إستهلاك البنزين العالى وخصوصا بعد التصريحات الجديدة بزيادة الاسعارمع إن مكتوب فى بيانتها ان استهلاكها مع الاوتو 6.2 لكل 100 كيلو والمانيول 5.2 !!!!اما مسالة السرعة والحاجات دى فا مش مهم عندى المهم توافر قطع الغيار عند الحاجة لها والتوكيل يكون محترم وآداء العربية على قد سعرها وسمعتها وإلا ممكن الواحد يجيب حاجة تقريبا بثلاث اربع التمن ومتوفر قطع غيارها وتوكيلها معقول...بجد الحل ايه انا تقريبا كنت قررت اجيبها على اول الشهر لكن اسرتى منقسمين ما بين التيدا والايفو وانا عايزة الكورسا لإن حجمها مناسب وإمكانياتها معقولة وشكلها مقبول عندى أكتر..و لإنى تقريبا ها أركبها لوحدى مش كأسرة وما يمنعش ان اولادى يستخدموها احيانا.....

العفو يا فندم وتحت أمرك

زي ما الأستاذ الفاضل ibn _sena قالك إن العربية محترمة جدا ومتفق 100 % مع كلامه

أحب اضيف بس أن الميكانيكا محدش فينا بيقرب للعربية أول 3 سنين علشان الضمان

وإستهلاك البنزين حيتحسن مع الوقت والفروق طفيفة جدا ما بين العربيات وبعضها يعني مفيش التوفير الجامد أنا عارف ان الكورسا تبقي المفروض أقل عشان ال 1400 بس متنسيش إنها بتخرج 100 حصان مش زي الإيفو مثلا 77 فا يمكن ده والعزم الأعلى هو اللي بيستهلك بنزين أكتر - ممكن الناس المتخصصة تفدنا في النقطة دي أكتر .

وقطع الغيار موجود في التوكيل وبره عند قطع غيار الإستيراد العربية من 2007 الشكل الجديد

التيدا والإيفو من العربيات اللي كنت بقارن بينهم قبل مااشتري

الإيفو محترمة جدا إيطالي 100 % بس إستبعدتها علشان الفتيس الديلوجيك تكنولوجيا عاليه يمكن مش اي حد يقدر يفهم فيها غير التوكيل هو فكرته عامل زي المانيوال بس بدربياج كمبيوتر يعني في ديسك وإسطوانه - تاني حاجة التوكيل وسمعته السيئة (منصور برده سمعته زفت بس مش اوي كدا زي أوماترا عشان محدش يزعل منى )


التيدا عربية عائلية واسعة جدا من جوه - توكيل كويس بيحاول يبقي من أحسن التوكيلات - شكل غير متناسق من بره - ثبات ضايع علي السرعات بسبب الشكل الغريب والسقف العالي

أنا لو حاركب غير الاوربي حختار لانسر شارك زي ما قالك الإستاذ ibn - sena

لازم تحددي انتي محتاجة ايه من العربية وتصلي استخارة وبالتوفيق إن شاء الله.

المشاركة الأصلية كتبت بواسطة Admmostafa

العفو يا فندم وتحت أمرك

زي ما الأستاذ الفاضل ibn _sena قالك إن العربية محترمة جدا ومتفق 100 % مع كلامه

أحب اضيف بس أن الميكانيكا محدش فينا بيقرب للعربية أول 3 سنين علشان الضمان

وإستهلاك البنزين حيتحسن مع الوقت والفروق طفيفة جدا ما بين العربيات وبعضها يعني مفيش التوفير الجامد أنا عارف ان الكورسا تبقي المفروض أقل عشان ال 1400 بس متنسيش إنها بتخرج 100 حصان مش زي الإيفو مثلا 77 فا يمكن ده والعزم الأعلى هو اللي بيستهلك بنزين أكتر - ممكن الناس المتخصصة تفدنا في النقطة دي أكتر .

وقطع الغيار موجود في التوكيل وبره عند قطع غيار الإستيراد العربية من 2007 الشكل الجديد

التيدا والإيفو من العربيات اللي كنت بقارن بينهم قبل مااشتري

الإيفو محترمة جدا إيطالي 100 % بس إستبعدتها علشان الفتيس الديلوجيك تكنولوجيا عاليه يمكن مش اي حد يقدر يفهم فيها غير التوكيل هو فكرته عامل زي المانيوال بس بدربياج كمبيوتر يعني في ديسك وإسطوانه - تاني حاجة التوكيل وسمعته السيئة (منصور برده سمعته زفت بس مش اوي كدا زي أوماترا عشان محدش يزعل منى )


التيدا عربية عائلية واسعة جدا من جوه - توكيل كويس بيحاول يبقي من أحسن التوكيلات - شكل غير متناسق من بره - ثبات ضايع علي السرعات بسبب الشكل الغريب والسقف العالي

أنا لو حاركب غير الاوربي حختار لانسر شارك زي ما قالك الإستاذ ibn - sena

لازم تحددي انتي محتاجة ايه من العربية وتصلي استخارة وبالتوفيق إن شاء الله.

السلام عليكم...خالص شكرى على الاهتمام والرد...انا كل احتياجاتى من العربية انها تكون بسيطة ومريحة وحجمها مناسب نظرا لزحمة الشوارع وصعوبة الركنة مع العلم انا بسوق من حوالى 17 سنة او اكتر ومع ذلك بقيت بشعر انى بسوق جديد من كتر التوتر والزحمة ...عايزة عربية محترمة وسمعتها طيبة وتوكيلها محترم وقطع غيارها متوفرة وطبعا انا عارفة ان فى الكام سنة الاولى مش بنحتاج لتغيير قطع غيار لا قدر الله الافى ظروف معينة فا مش عايزة اجيب عربية ولأى ظروف اتعب فى قطع غيارها...طبعا فيه انواع كتير زى الهونداى والكيا متوفرة وفكرت فى الكيا ريو هاتشباك لكن حساها غالية بالنسبة لإمكانيتها...اما الشارك فا مش بحب شكلهاانا فعلا حاليا محتارة بين الكورسا والتيدا ودخل معاهم الكيا ريووقبل كده كان فى المقارنة ايفو وi20 لكن صرفت نظر عن الايفولأسباب كتير حضرتك ذكرت معظمها تقريبا.. اما ال i20 فا مش موجودة فى المعارض ونزل ix20 ودى تمنها 135 الف!!!!! بالمناسبة ال i20 تقريبا النسخة التقليد من الكورسا فى الشكل الخارجى تقريبا مع الفارق طبعا بينهم ....عموما إن شاء الله ها اعمل جولة اخيرة واشوف الكورسا والتيدا والريو من الداخل وأقارن بينهم .. لإنى ما اعرفش غير التيدا الوحيدة اللى قعدت فيها من الداخل واستخير ربنا وإن شاء الله ربنا يقدم اللى فيه الخير ...تعبتكم معايا ومرة تانية الف شكر لكم جميعا.

المشاركة الأصلية كتبت بواسطة gha

السلام عليكم...خالص شكرى على الاهتمام والرد...انا كل احتياجاتى من العربية انها تكون بسيطة ومريحة وحجمها مناسب نظرا لزحمة الشوارع وصعوبة الركنة مع العلم انا بسوق من حوالى 17 سنة او اكتر ومع ذلك بقيت بشعر انى بسوق جديد من كتر التوتر والزحمة ...عايزة عربية محترمة وسمعتها طيبة وتوكيلها محترم وقطع غيارها متوفرة وطبعا انا عارفة ان فى الكام سنة الاولى مش بنحتاج لتغيير قطع غيار لا قدر الله الافى ظروف معينة فا مش عايزة اجيب عربية ولأى ظروف اتعب فى قطع غيارها...طبعا فيه انواع كتير زى الهونداى والكيا متوفرة وفكرت فى الكيا ريو هاتشباك لكن حساها غالية بالنسبة لإمكانيتها...اما الشارك فا مش بحب شكلهاانا فعلا حاليا محتارة بين الكورسا والتيدا ودخل معاهم الكيا ريووقبل كده كان فى المقارنة ايفو وi20 لكن صرفت نظر عن الايفولأسباب كتير حضرتك ذكرت معظمها تقريبا.. اما ال i20 فا مش موجودة فى المعارض ونزل ix20 ودى تمنها 135 الف!!!!! بالمناسبة ال i20 تقريبا النسخة التقليد من الكورسا فى الشكل الخارجى تقريبا مع الفارق طبعا بينهم ....عموما إن شاء الله ها اعمل جولة اخيرة واشوف الكورسا والتيدا والريو من الداخل وأقارن بينهم .. لإنى ما اعرفش غير التيدا الوحيدة اللى قعدت فيها من الداخل واستخير ربنا وإن شاء الله ربنا يقدم اللى فيه الخير ...تعبتكم معايا ومرة تانية الف شكر لكم جميعا.

تحت أمرك في أي وقت

حضرتك تقريبا بتكلمي علي الإحتياجات العادية في الراحة والبساطة للعربية لإي حد وطبعا موضوع السواقة ده للأسف اليومين دول ملوش دعوه بخبرة السواقة ليه علاقة بالبلطجة والعافية الهم إنك بتفاضلي بين العربيات في الفئة دي الصغيرة

بالنسبة للix20 طبعا غالية عشان غبور ملعبش فيها وشال منها اللي بيشيله يعني جايه من بره زي ما هي فيها مثلا 6airbag - abs -ebd

يبقي عندك الكورسا والتيدا ودول قطع غيارها متوفرة وتوكيلاتهم كويسه

وبرضه الفورد فيستا زي ما الإعضاء عربية تحفه بس معرفش حاجه عن قطع غيارها ولا التوكيل بس ممكن تدخلي قسم فورد هنا وتسألي

ونصيحة حاولي تبعدي عن الكوري يعني الافضل يا ياباني يا أوروبي

أو طبعا انزلي اتفرجي وانتي حتحسي علي الاقل بفرق الخامات ما بين الكوري والياباني والأوربي

وممكن تعملي test drive للكورسا والفورد فيستا وتسوقيهم مش عارف ده متوفر في التيدا والريو ولا لأ

بالتوفيق إن شاء الله

المشاركة الأصلية كتبت بواسطة admmostafa

تحت أمرك في أي وقت

حضرتك تقريبا بتكلمي علي الإحتياجات العادية في الراحة والبساطة للعربية لإي حد وطبعا موضوع السواقة ده للأسف اليومين دول ملوش دعوه بخبرة السواقة ليه علاقة بالبلطجة والعافية الهم إنك بتفاضلي بين العربيات في الفئة دي الصغيرة

بالنسبة للix20 طبعا غالية عشان غبور ملعبش فيها وشال منها اللي بيشيله يعني جايه من بره زي ما هي فيها مثلا 6airbag - abs -ebd

يبقي عندك الكورسا والتيدا ودول قطع غيارها متوفرة وتوكيلاتهم كويسه

وبرضه الفورد فيستا زي ما الإعضاء عربية تحفه بس معرفش حاجه عن قطع غيارها ولا التوكيل بس ممكن تدخلي قسم فورد هنا وتسألي

ونصيحة حاولي تبعدي عن الكوري يعني الافضل يا ياباني يا أوروبي

أو طبعا انزلي اتفرجي وانتي حتحسي علي الاقل بفرق الخامات ما بين الكوري والياباني والأوربي

وممكن تعملي test drive للكورسا والفورد فيستا وتسوقيهم مش عارف ده متوفر في التيدا والريو ولا لأ

بالتوفيق إن شاء الله

حقيقى بشكر حضرتك وبعتذر لصاحب الموضوع الاساسى الخاص بتقرير الكورسا لأنى حولت التقرير لمشكلة المفاضلة بين عربيات تانية...بالنسبة للفيستا هى سمعها ممتازة لكن انا كنت بختار فى حدود ال 100 الى 120 او 125 على الاكثر......وانا دخلت فعلا قسم فورد وقرأت عن الفيستا..لكن مازلت مقتنعة اكتر بالكورسا ...عموما الفيصل بعد ما اشوف التيدا والكورسا والريومن الداخل ...بمشيئة الله واستخير ربنا ..واتوكل على الله....دعواتكم وخالص شكرى واحترامى لحضراتكم وللمنتدى الرائع.