شكرا ليك اخي الكريم وجزاك الله كل خير وسيتم ارسال التقارير باذن الله
عرض للطباعة
شكرا ليك اخي الكريم وجزاك الله كل خير وسيتم ارسال التقارير باذن الله
حضرتك غالباً مفهمتش انا أقصد ايه بالظبط
أنا أقصد أن الفصل في مين بيقول الحق و مين بيكدب فى موضوع زى ده محدش من المنتدى يقدر يعمله..........الإدارة و الإشراف يقدروا يطبقوا قوانين المنتدى على الإساءة و الغلط.
و أكيد حضرتك عارف أن المنتدى مشاركاته اليومية تقدر بالألاف......مينفعش المشرفين يدخلوا يشوفوا كل مشاركة.........و بالتالي بيعتمدوا على تقارير المشاركات اللى بتتعمل.....لو حضرتك أو أى شخص تاني معملش تقرير مشاركة..........وارد ان المشاركة السيئة محدش من الإشراف يشوفها و يتعامل معاها.........و أعتقد ده اللى حصل معاك.
و للأسف الموضوع مطاط قوي..............يعنى بفرض أن أنا اللى اشتريت منك الساعة دى.....و عاوز أتهمك بالغش.....و أنت طالب دليل...........الموضوع سهل قوي.....ممكن ابوظ الساعة بأى طريقة.....و فيه طرق كتير.....بداية من تجريح الأوستيك المعدن أو تقشير الأوستيك الجلد و أصورها و أحط صورتها و أدعي أن الساعة حصل فيها كده لوحدها......ده لو واحد فى نيته التشهير بيك.
عموماً أنا شايف أنك تعمل تقارير مشاركات فى المشاركات المسيئة ليك و تسيب الإشراف يتعامل فيها.......و عفا الله عما سلف.
تحياتي لحضرتك.
ده موضوع بينك وبين المشتري
بائع -------> باع سلعة
مشتري------> مش راضي عن سلعة
الإدارة ملهاش دعوة بعملية البيع والشراء
علشان كده الإدارة مانعة عمليات البيع للتجار إلا بالاتفاق مع الادارة .. لو كنت عملت اعلان بالتفاهم مع الادارة مع كل الحاجات الي بتبيعها .. ساعتها تبقا تيجي تلوم ع الادارة
اعتبر اللى حصل كانه محصلش اصلا وكبر دماغك من البيع والشراء فى المنتدى
اخي الفاضل Ahmed A.Maksoud فهمت حضرتك دلوقتي وباذن الله هعمل زي ماقولت وقالولي الاخوة وانا مافيش بيني وبين حد حاجة وحشة والله ومستغرب ان اللي حصل ده حصل اقصد الجذب والاساءات بس ربنا يعلم انا مابدئتهاش.
استاذ A7MED_PHARMA عارف انه موضوع بين المشتري والبائع لكن لما تبقى حاجة خلصت من شهور والبائع يجي يعرض حاجة فيدخل المشتري اللي اشترى منه من شهور ويقول انه بيلجا للشحن عشان الغش والتدليس هنا الادارة كان واجب تقف ضد الاساءة دي بدون دليل ولا وجه حق
ومع ذلك الاخوة الاداريين ردوا وافادوني اعمل ايه وعملت زي ماقالولي
وانا فعلا والله دي اخر مرة اعرض فيها اي حاجة هنا عايز ابيعها اخي grand hand وربنا ييسر ويقدم لما فيه الخير
وجزاكم الله خيرا وشاكر كلامكم
متابع