مقارنة غريبة : صني 2012 او تيدا 2012 !!!

السلام عليكم ورحمة الله وبركاته
بما اني الفترة اللي فاتت كنت محتار جدا وبدور على عربية جديدة اشتريها بدل الفيرنا اللي معايا حاليا تابعت منتدى نيسان وطبعا ما شاء الله لقيته من انشط وامتع الاقسام في المنتدى هنا-مع الاخذ في الاعتبار ان باقي الاقسام طبعا جميلة-

وبصراحة انا كنت استقريت على نيسان تيدا سيدان اوتوماتك (اللي هيا ب 115 الف)
بس لقيت ان النيسان صني الجديدة قريبة منها في حاجات كتير !!!! والسعر طبعا اقل ب 15 الف

وهنا رجعت تاني الحيرة :whtauwant:

فياريت لو اخواني في القسم هنا يساعدوني في النقطة دي !!

هل فعلا الصني الجديدة قريبة من التيدا ؟؟؟ ولا التيدا برضه ممكن ينزل منها شكل جديد قريب زي الصني كده ؟؟

اخوكم
د.أيمن

اعتقد خليك فى التيدا

اقتباس:

---

المشاركة الأصلية كتبت بواسطة ahmed_52869

اعتقد خليك فى التيدا

---

طب ممكن تقولي ايه الاسباب ؟؟؟

اي سبب ؟؟

بص يا دكتور .. التيدا تيدا برده بس هجيب لك من الاخر لأني سوقت العربيتين لو معاك الفلوس هات التيدا و لو مش معاك يكمل اشتري الصني و في كلا الحالتين انت اللي كسبان بالنسبة للتيدا ان شاء الله احتمال و مش مؤكد ان ينزل منها الشكل الجديد في نصف 2013 و هتكون هاتش باك .. انا شخصيا شوفت العربية ديه بجد تجنن بس هي لسه منزلتش مصر رسميا ً .. لك الاختيار
و الف مبروك مقدما ً و اهلا بيك عضو نيساني ان شاء الله :)))

مش معقول نفس الشركه تنزل منتجين زى بعض و واحد اغلى من التانى ب ١٥ الف جنيه بدون سبب . اكيد الأغلى افضل طبعا بس هى حكايه ان هينزل شكل جديد من التيدا دى اللى محتاجه تفكير و فى حل وسط و هو الصنى الفئه الاعلى اللى هتنزل قريب دى ممكن تبقى حل وسط بين الاتنين كسعر و كماليات و فى نفس الوقت شكل جديد لسه قدامه فتره على ما يتغير بعكس التيدا

اقتباس:

---

المشاركة الأصلية كتبت بواسطة PeaceMan

بص يا دكتور .. التيدا تيدا برده بس هجيب لك من الاخر لأني سوقت العربيتين لو معاك الفلوس هات التيدا و لو مش معاك يكمل اشتري الصني و في كلا الحالتين انت اللي كسبان بالنسبة للتيدا ان شاء الله احتمال و مش مؤكد ان ينزل منها الشكل الجديد في نصف 2013 و هتكون هاتش باك .. انا شخصيا شوفت العربية ديه بجد تجنن بس هي لسه منزلتش مصر رسميا ً .. لك الاختيار
و الف مبروك مقدما ً و اهلا بيك عضو نيساني ان شاء الله :)))

---

ياباشا والله اولا واخير ده شرف ليا اني اكون نيساني :)
واللي انا فهمته كده من كلامك ان برضه في حتة شوية كده لصالح التيدا وانا متفق معاك في ده ان برضه التيدا ليها هيبة شوية
بس انت عارف زغللة العين على فرق الفلوس (وهو موجود ان شاء الله)

بس مش عارف !!!
طب بالنسبة لسعر اعادة البيع ؟؟؟
اعتقد طبعا ان الصني تتفوق بجدارة ولكن التيدا ظروفها ايه ؟؟؟
لاني اعتقد انها مش منتشرة قوي وده ليه ميزة انك ماتحسش انها مع عامة الشعب (زي الفيرنا كده ) بس برضه بيقلل من الطلب عليها !!

وارجو اني ما اكونش رخم في اسئلتي :bump1:

شوف يا باشا انا كنت في نفس خيرتك دي و استقريت في النهايه علي حجز الصني الجديده و لو نزلت السوبر صالون حانقل الحجز عليها بإذن الله .
التيدا عربيه محترمه جداً
تقفيلها و خامات صالونها افضل من الصني لكن
تتفوق الصني في
شكل جديد و لسه قدامه زمن علشان يتغير
استهلاك وقود افضل بكثير ( ١٥٠٠ سي سي ) علي حساب التسارع طبع ثبات افضل علي الطريق ( من واقع تجربه نيسان تيم - نايل مؤتمرا )
قطع غيارها سوف تتوفر بغزاره في المستقبل القريب مثلها مثل الشكل القديم
سعر أعاده البيع افضل بمراحل و متماسكه جداً عند بيعها مستعمله

افضل وارجح راى هو الفئة الاعلى من النيسان صنى بالنسبة للتيدا فى 2014 اكيد حيتغير الموديل الحالى ولاكن نظرا لانك تنوى الشراء حاليا يبقى افضلك الصنى سوبر صالون لان الحالية من راى ليست مقبولة من الداخل (جودة التقفيل الداخلى ليست على المستوى )

كتقييم بين الصنى والتيدا الفارق فى قوة الموتور لصالح التيدا وجودة التقفيل ودة ملاحظة من تجربة شخصية وتقدر تشوف دة بنفسك لما تركب وتسوق الاتنين وموفق فى الشراء

شكرا يا جماعة على ردودكم
وان كان ليا استفسار تاني
هو الفئة الاعلى من صني هتنزل امتى ؟؟؟؟
وهل برضه هتكون بالحجز وتلات شهور والكلام البعييييييييييد ده ؟؟
وسعرها هيكون في حدود ايه ؟؟

انا راى التيدا طالما مش مشكله فرق الفلوس خامات و تقفيل ارقى كتير مع موتور اقوى

انا كونت فى نفس الحيرة قبل ما استلم الصنى الجديدة ولنفس الاسباب بس شفت واحد صحبى معاه التيدا وسالته عن العربية شكر فيها كتير بس خوفنى من قطع الغيار مش متوفرة بوفرة لعربية لها مده معقولة فى مصر وبرضه العربية السيدان 115 الف وهى مش ثابته على الارض اما الهاتش فهى معقوله الثبات بس اولها 120 الف فده صعب عليا الموضوع خاصه انى كنت هزنق نفسى اوى علشان اوصل 115 + الكلام اللى الواحد عمال بيسمعه عن البنزين وجعوا بطن الواحد فالواحد فكر فى عيوب الصنى بالنسبة للتيدا وهى بالنسبة لى كالتالى:
# انتشار الصنى المستقبلى افضل لمخاطبتها فئة سعرية اقل وكذا بنزين افضل عن التيدا
# شكل جديد قدامه سبع سنين على الاقل للتعديل عن التيدا اخرها 2013
# اقل فى السعر 20 الف جنيه
التقفيل المصرى بالرغم من عيوبه بس هيوفر قطع الغيار بكثافة
بس برضه التيدا كانت افضل فى التقفيل- افضل فى الخامات الداخلية - وافضل فى الشكل الداخلى ( الصالون ) - ماتور اقوى وان كان نفس التكنولوجيا .
وربنا يكرمك بالافضل ان شاء الله .

اقتباس:

---

المشاركة الأصلية كتبت بواسطة aymandrugs

شكرا يا جماعة على ردودكم
وان كان ليا استفسار تاني
هو الفئة الاعلى من صني هتنزل امتى ؟؟؟؟
وهل برضه هتكون بالحجز وتلات شهور والكلام البعييييييييييد ده ؟؟
وسعرها هيكون في حدود ايه ؟؟

---

احتمال كبير فى شهور اكتوبر وتم تحديد الزيادة فى السوبر صالون عن الفئة EX كالاتى :

جنوط 15 - سبويلر - حليات كروم داخلية وخارجية -multifunction steering wheel - Bluetooth Car Kit - new dashboard - مشغل اسطوانات بسعة 6 اسطوانات - usb /Aux

السعر المتوقع من 114.000 ل 116.000

اقتباس:

---

المشاركة الأصلية كتبت بواسطة land_cruiser

مش معقول نفس الشركه تنزل منتجين زى بعض و واحد اغلى من التانى ب ١٥ الف جنيه بدون سبب . اكيد الأغلى افضل طبعا بس هى حكايه ان هينزل شكل جديد من التيدا دى اللى محتاجه تفكير و فى حل وسط و هو الصنى الفئه الاعلى اللى هتنزل قريب دى ممكن تبقى حل وسط بين الاتنين كسعر و كماليات و فى نفس الوقت شكل جديد لسه قدامه فتره على ما يتغير بعكس التيدا

---

أنا مع الحل ده لحضرتك :018a1d~146:

اقتباس:

---

المشاركة الأصلية كتبت بواسطة aymandrugs

طب ممكن تقولي ايه الاسباب ؟؟؟

اي سبب ؟؟

---

بصراحه انا مش قابل العربيه الصنى الجديده دى خالص تحس ان هى شكل البطيخه

اقتباس:

---

المشاركة الأصلية كتبت بواسطة ahmed_52869

بصراحه انا مش قابل العربيه الصنى الجديده دى خالص تحس ان هى شكل البطيخه

---

مصلحه و لو حمرا و مسكره يبقي ١٠٠٪

اقتباس:

---

المشاركة الأصلية كتبت بواسطة szaalouk

مصلحه و لو حمرا و مسكره يبقي ١٠٠٪

---

+1 :Bravo:
الشكل اذواق ممكن ميعجبكش شكلها و فى نفس الوقت واحد غيرك شايفها عروسة :guitarplay1:
ON TOPIC : تعالا نفكر باسلوب علمى :
مميزات الصنى (أمتلكها و الحمد لله) :
1- شكل حديث و عالى عن الارض ( عمرها محكت معايا فى مطب الحمد لله و انا ساكن فى المرج و حط تحت المرج الف خط ^^) .
2- Best value for money عربية ب 100 ألف بامكانيات عربية ب 110++ بره بيقارنوها ب يارس و اكسنت ارب فول اوبشن .
3- سعر اعادة بيع ممتاز
4- موفرة جدا فى البنزين تنكها 41 لتر تمشيك 550 كيلو بالتكييييف
5- تقفيلها مش بالبشاعة اللى الناس بتوصفها قارن بينها و بين تقفيل الصنى الشكل القديم اللى لازم ترزع الباب و انت بتقفله غير مشكلة انها بتحدف غير غير غير ....
6- تجميع موتورها سريع و سحبه ممتاز بعد فترة التليين
7- طبعا تكييف تلاجه
8- اتفرج على كمية حجز السيارة من ساعة منزلت حققت مبيعات افضل من الشكل القديم فى وقت قصير .
مميزات التيدا على حساب الصنى مع الاخذ فى الاعتبار فارق ال 20 الف :
1- صالون اشيك
2- تقفيل اقيم ميكسيكى
3- ماتور اكبر فى السعة ( 1600 سم3 مقابل 1500 سم3 للصنى) وطبعا قدرة حصانية و عزم اعلى
مميزات الصنى على حساب التيدا :
1- قطع غيار ارخص و متوفره (تقفيل مصرى)
2- استهلاك بنزين رائع (داخلين على ازمة فى البنزين)
3- سعر اعادة بيع افضل من التيدا

انا عرضت لحضرتك و جهة نظرى فى السيارتين و لك الاختيار :openflower3:

والله يا جماعة انا متشكر ليكم جدا على ردودكم
وانا فعلا فكرت في الموضوع من كذا زاوية ولقيت اني مش قادر اقبل الصني الجديدة (مع الاخذ في الاعتبار انها ما شاء الله كويسة جدا جدا)
وبرضه لقيت ان التيدا الهاتش باك افضل بشكل كبير من السيدان
وعلى اساس كده فكرت اني اتكل على الله واجيب التيدا الهاتش باك اعلى فئة

بس اللي حصل اني لقيت ان الناس بتقولي مادام وصلت ل 130 الف ليه متفكرش في الاوروبي وتزود شوية
وبصراحة يا جماعة انا هشتري العربية قسط هدفع مقدم كويس وهقسط الباقي
فالواحد بيلاقي ان الزيادة في السعر ممكن تفرق معاه 200 ل 300 زيادة في القسط
هنا بقى يبدأ الحيرة !!!
انا اضحي ب 300 فرق واجيب كذا !!!!
فانا محتار جداً جداً

هل من مساعدة يا اخوان

مش كل القسط بيتساوى .. طالما سعر الزيرو زاد يبقى قيمة القسط وعدد الاقساط وطبعا الفايدة هاتزيد ..
وانت اللى هاتقرر احتياجاتك ومقدرتك بغض النظر عن قيمة ونوع العربية ومواصفاتها ..

خلى بالك من ايوه القسط زاد 300 اواقل اواكتر قليلا بس قطع الغيار والصيانات هتعلا كتير وبرضه اعادة البيع بيقل اوى فىمصر للاوروبى

اقتباس:

---

المشاركة الأصلية كتبت بواسطة aymandrugs

والله يا جماعة انا متشكر ليكم جدا على ردودكم
وانا فعلا فكرت في الموضوع من كذا زاوية ولقيت اني مش قادر اقبل الصني الجديدة (مع الاخذ في الاعتبار انها ما شاء الله كويسة جدا جدا)
وبرضه لقيت ان التيدا الهاتش باك افضل بشكل كبير من السيدان
وعلى اساس كده فكرت اني اتكل على الله واجيب التيدا الهاتش باك اعلى فئة

بس اللي حصل اني لقيت ان الناس بتقولي مادام وصلت ل 130 الف ليه متفكرش في الاوروبي وتزود شوية
وبصراحة يا جماعة انا هشتري العربية قسط هدفع مقدم كويس وهقسط الباقي
فالواحد بيلاقي ان الزيادة في السعر ممكن تفرق معاه 200 ل 300 زيادة في القسط
هنا بقى يبدأ الحيرة !!!
انا اضحي ب 300 فرق واجيب كذا !!!!
فانا محتار جداً جداً

هل من مساعدة يا اخوان

---

بص يا باشا انا كنت فى نفس حيرتك و قعدت محتار قتره كبيره و لفيت على عربيات كتير لقيت ان اقرب حاجه اوروبى عاجبانى و ممكن اركبها الاوكتافيا بس ما كنتش اقدر على تمنها لكن فى نفس رينج التيدا الهاتشباك ما لقتش بصراحه حاجه دخلت دماغى اوى و الحمد لله خلصت فى تيدا هاتشباك و بفضل الله مفيش اى ندم و عربيه تستاهل فلوسها جدا بأمانه العربيه ممتازه هاتشباك و عائليه جدا و صالون واسع يعنى بتجمع بين شكل شبابى و عائليه برضه
رأى الشخصى ان الرينج ده التيدا من افضل الاختيارات لكن لو هتقدر تزود كتير اعلى بالعربيه براحتك طبعا الاوكتافيا ممتازه
انا بدردش معاك لانه تقريبا اتحطيت فى نفس الحيره الشديده

الخلاصة سيبك يا ريس من الآوروبى أو من التيدا الهتشباك وخليك فى أختيارك الآول وهو التيدا السيدان .... و السيدان أفضل وأحسن بكتير من الصنى الجديدة .وكمان أرخص من الآوربى بكتير ... وسيبك خالص من الهتشباك خاصة وأنها غالية 15 ألف عن السيدان .

والله الموفق والمستعان

اولا فى البداية كدا
اى عربية بتخسر فى اعادة البيع ليها .. بس اللى بيفرق من عربية عربية .. هل هى تقيلة فى البيع .. يعنى لو اتعرضت عليها طلب وبتتخطف ولالا

النقطة التانية
ظروفك واحتياجاتك

- لو بتدور على قوة ماتور وتسارع قوى .. تيدا
- لو بتدور على عربية تقعد معاك سنين كبيرة مش اقل من 10 سنين يبقا تيدا
- لو حتبيع بدرى بدرى يبقا صنى جديدة
- لو بتدور على استهلاك بنزين اقل عشان متضمنش يحصل ايه فى اسعار البنزين يبقا صنى جديدة
- لو بتدور على خامات وتقفيل عالى يبقا تيدا
- بتدور على وسع .. الاتنين
- بتدور على عزل صوت ماتور وكابينة جوة كويسة فى العزل .. الاتنين
- بتدور على جرى وثبات بعد 140 .. الصنى الجديدة اثبت شوية من التيدا عشان تصميمها افضل
- بتدور على باور كهرباء .. الاتنين
- بتدور على فوجات الاتنين فيهم
- عوامل امان الاتنين فيهم
- مش خايف من التقفيل المصرى يبقا صنى
- خايف وعندك هواجس يبقا تيدا
- بتدور على تصميم حوض الماتور وتقفيله .. تيدا
- عزل ارضية وسقف محترم وكمان عزل البلاك للعربية من تحت تيدا
- انتشار قطع غيار جديدة تايوانى ومن كل الانواع واكسسورات مستقبلا حيكون للصنى الجديدة
- قطع غيار انصاص استيراد وقطع استيراد مفرط بردوا لصالح التيدا

لان ده كله عن تجارب .. لانى مالك للعربية وكمان شوفت العربيات دى كلها وهى مرفوعة قدامى

بس لو فلوسك حتقصر وعايز توفر الصنى الجديدة بالنسبة لكدا صفقة مربحة


اما بقا بخصوص الشكل اللى حيتغير
مش حينزل شكل جديد دلوقتى
الشكل اللى نزل فى الصين الهاتش باك مش حينزل مصر .. لانه حيتغير او بمعنى اصح ممكن اسمه يتغير ومش يكون تيدا
واللى تنزل مصر السلفى الجديدة وتبقا هى التيدا .. وده مش دلوقتى خالص مش اقل من 2014 وازيد بقاااا

تحياتى واتمنى اكون افادتك

اقتباس:

---

المشاركة الأصلية كتبت بواسطة aymandrugs

والله يا جماعة انا متشكر ليكم جدا على ردودكم
وانا فعلا فكرت في الموضوع من كذا زاوية ولقيت اني مش قادر اقبل الصني الجديدة (مع الاخذ في الاعتبار انها ما شاء الله كويسة جدا جدا)
وبرضه لقيت ان التيدا الهاتش باك افضل بشكل كبير من السيدان
وعلى اساس كده فكرت اني اتكل على الله واجيب التيدا الهاتش باك اعلى فئة

بس اللي حصل اني لقيت ان الناس بتقولي مادام وصلت ل 130 الف ليه متفكرش في الاوروبي وتزود شوية
وبصراحة يا جماعة انا هشتري العربية قسط هدفع مقدم كويس وهقسط الباقي
فالواحد بيلاقي ان الزيادة في السعر ممكن تفرق معاه 200 ل 300 زيادة في القسط
هنا بقى يبدأ الحيرة !!!
انا اضحي ب 300 فرق واجيب كذا !!!!
فانا محتار جداً جداً

هل من مساعدة يا اخوان

---

بصى يا استاذ ايمن الى انت بتفكر فيه ده هيتعبك اوووووى لازم تحط حدود للمبلغ الى انت هتتفعوا عشان هتلاقى نفسك ادامك اختيارات كتير لحد ما هتلاقى نفسك وصلت للمرسيدس ( ربنا يكرمك و تجبها ) انا من 8 شهور بالزبط كنت بفكر فى عربيه فى حدود 160 لحد ما لقت نفسى بفكر فى باسات ب 230 فكرت شويه لقت نفسى مش هخلص رجعت لاول اختيار و جبت فورد فوكاس فانا رائى تتوكل على الله و تجيب التيدا عربيه كويسه اوى مع واحد صحابى بنبدل يوم و يوم فى مشوار الشغل فبركبها 3 ايام فى الاسبوع و ساعات صحابى بيعمل عبيط و انا اسوق :whtauwant: بص عربيه تحفه بجد و انتريور حلو اوى و تكيفها قوى اووووووووووى و استجابه الموتور عاليه فى ده رائى و يارب اكون ساعتك و ربنا يكرمك انشاء الله بالخير :vctry:

شكرا على المقارنات المفيدة
وانا انشاء الله انا ناوى على التيدا بعد ما الاوفر بريس وصل ل 108و 109 الف للصنى
يبقى التيدا احسن
بس هل هى متوفرة ولا لأ وفين فى الاسكندرية

اقتباس:

---

المشاركة الأصلية كتبت بواسطة ahmed.tv

اولا فى البداية كدا
اى عربية بتخسر فى اعادة البيع ليها .. بس اللى بيفرق من عربية عربية .. هل هى تقيلة فى البيع .. يعنى لو اتعرضت عليها طلب وبتتخطف ولالا

النقطة التانية
ظروفك واحتياجاتك

- لو بتدور على قوة ماتور وتسارع قوى .. تيدا
- لو بتدور على عربية تقعد معاك سنين كبيرة مش اقل من 10 سنين يبقا تيدا
- لو حتبيع بدرى بدرى يبقا صنى جديدة
- لو بتدور على استهلاك بنزين اقل عشان متضمنش يحصل ايه فى اسعار البنزين يبقا صنى جديدة
- لو بتدور على خامات وتقفيل عالى يبقا تيدا
- بتدور على وسع .. الاتنين
- بتدور على عزل صوت ماتور وكابينة جوة كويسة فى العزل .. الاتنين
- بتدور على جرى وثبات بعد 140 .. الصنى الجديدة اثبت شوية من التيدا عشان تصميمها افضل
- بتدور على باور كهرباء .. الاتنين
- بتدور على فوجات الاتنين فيهم
- عوامل امان الاتنين فيهم
- مش خايف من التقفيل المصرى يبقا صنى
- خايف وعندك هواجس يبقا تيدا
- بتدور على تصميم حوض الماتور وتقفيله .. تيدا
- عزل ارضية وسقف محترم وكمان عزل البلاك للعربية من تحت تيدا
- انتشار قطع غيار جديدة تايوانى ومن كل الانواع واكسسورات مستقبلا حيكون للصنى الجديدة
- قطع غيار انصاص استيراد وقطع استيراد مفرط بردوا لصالح التيدا

لان ده كله عن تجارب .. لانى مالك للعربية وكمان شوفت العربيات دى كلها وهى مرفوعة قدامى

بس لو فلوسك حتقصر وعايز توفر الصنى الجديدة بالنسبة لكدا صفقة مربحة


اما بقا بخصوص الشكل اللى حيتغير
مش حينزل شكل جديد دلوقتى
الشكل اللى نزل فى الصين الهاتش باك مش حينزل مصر .. لانه حيتغير او بمعنى اصح ممكن اسمه يتغير ومش يكون تيدا
واللى تنزل مصر السلفى الجديدة وتبقا هى التيدا .. وده مش دلوقتى خالص مش اقل من 2014 وازيد بقاااا

تحياتى واتمنى اكون افادتك

---

حضرتك متأكد ان الشكل الجديد مش نازل مصر ؟ يا ريت مصدر المعلومة لأن ده شيء مهم جدا لناس كتير منهم صاحب الموضوع و انا شخصيا لأني نش عايز ادفع 120 - 130 الف في عربية و الاقي شكل جديد نزل بعد كام شهر

حاجة تانية ايه اخبار قطع الغيار : متوفرة في التوكيل ؟ و برة التوكيل ؟

و شكرا مقدما لحضرتك