لا تترك مفاتيح سيارتك مع اى أحد مهما كنت واثق فيه

امبارح وأنا راجع من الساحل الشمالى وبالتحديد بالقرب من بنزينه اسو بسيدى كرير وعلى الطريق المعاكس وجدت دخان متصاعد بصوره رهيبه وعفره جامده جداناتجه من ارتطام سيارتين الأولى دايووالثانيه اوكتافيا فقمت على الفور بايقاف السيارة على يمين الطريق فى مكان بعيد عن الطريق الرئيسى وتركت اسرتى بأعجوبه حيث ما كانوش عايزنى انزل من وهله الحادثه ولكنى نزلت لعل فى أحد يحتاج مساعدة
السيارة الأوكتافيا قاطعة الطريق والدايو لحقتها فى الجهه اليمنى الخلفية
الأرتطام ادى الى تحطم الجانب الأمامى الأيمن من الدايو وكسر الزجاج الأمامى واصابات بالغة جدا بالسائق والراكب الى جانبه (الزجاج مغرز فى وشهم والدم مغرقهم وأحد الشخصين فقد عينيه على الأرجح )
وبالنسبه للأوكتافيا ادى الأرتطام الى تحطم الباب الخلفى القايم راح فى داهيه والعجلة الخلفيه اتكسرت وبعض الخبطات نتيجه ارتطام السيارة بالحاجز الخرسانى على يمين الطريق والحمد لله راكبين الأوكتافيا بخير وذلك لأن الايرباج فتح والعربيه اصلا مصفحة
المهم فى الموضوع ان سائق الأوكتافيا يكون مين حذرو...................؟؟؟؟؟؟؟؟؟؟؟� �؟
أحد عمال محطه البنزين حيث صاحبها تركها للغسيل ومشى فالواضح ان السيارة حليت فى عين عامل المحطه وقال أخد بيها لفه وحصل اللى حصل
ربنا يعوض على صاحب الأوكتافيا
ملحوظة هامة
تم التحفظ على عامل المحطه من قبل أقارب الرجل صاحب الأوكتافيا حيث انه عرباوى معروف هناك وأمرهم بذلك عن طريق الموبايل والله اعلم سوف يقتله حيث سمعت ذلك وانا واقف انت رايح فين (اتشاهد على روحك قبل ما ييجى انت ماتعرفش مين هو الحاج .....)
واليكم صور الحادثه

http://www.postimage.org/aV1rs7Yi.jpg

http://www.postimage.org/aV1rsGTi.jpg

http://www.postimage.org/aV1rtjNA.jpg

http://www.postimage.org/gx1PTaiA.jpg

http://www.postimage.org/aV1rut7J.jpg

http://www.postimage.org/aV1rvivJ.jpg

لا حول ولا قوة إلا بالله ... ربنا يعوض عليهم
منه لله بجد العامل ده
يارب الناس تتعظ ومتديش مفاتيحها لأي حد حتى حارس الجراج .

ربنا يستر من حوادث السيارات وينجينا منها يارب

العامل : يستاهل ...

لو فعلآ العامل هو اللى عمل كده فطبعآ فى داهية

بس إيه ذنب الناس اللى ماشيين فى حالهم لا بيهم و لا عليهم يلاقوا نفسهم عاملين حاذثة و فيها ضحايا كمان

لا حول و لا قوة إلا بالله
ربنا يستر طريقنا جميعآ

اقل كلمة تقال فى هذا الموقف 00000 ان هذا العامل عديم الامانة وغير جدير بالثقة نهائياً ، وايضا صاحب المحطة الذى قام بتشغيلة ليس لدية ضمير وكان يجب عليه مراقبة عمالة والتنبية عليهم بعدم تشغيل او استخدام اى سيارة للزبائن مهما كان الامر
اما بالنسبة للعامل لا اقول غير حسبنا الله ونعم الوكيل ليس فيما فعلة بالسيارة ولكن فى الارواح التى حصدها للاسف

لا حول ولا قوة الا بالله

فعلا محدش يسيب المفاتيح لحد لا ابن البواب ولا عامل البنزيمه فى الغسيل لان مرة روحت اغسل العربيه فى بنزيمه وسألت على عامل معين فقالولى ده مره اخد مفاتيح عربيه وهو بيغير مكانها دخل فى الكراسى اللى الناس قاعده عليها مستنيه عربياتها تخلص وبالنسبه لابن البواب مرة واحده صاحبه والدتى قالت لماما ان ابن البواب اخد مفاتيح عربيتهم علشان يغسلها وطبعا حب ياخد لفه دخلهم فى صنى لسه مترخصتش وصحبها لسه مستلمها السيفيا بتاعتهم اتكلفت 20 الف وصاحب الصنى قالهم مش هتتصلح هاتولى واحده جديده .فنصيحه لو بتغسل عربيتك فى محطه بنزين والعامل قالك هات المفاتيح انقلها من مكان لاخر قوله انا هنقلها وكذلك ابن البواب تنبه عليه ان العربيه متتحركش من مكانها وانك هتعرف انها اتحركت حتى لو رجعها مكانها وبالنسبه للعامل اللى تسبب فى الحادثه بتاعه الموضوع ده يستاهل انه فعلا يتقتل وفعلا هيكون كلب وراح

لا حول و لا قوة إلا بالله العلي العظيم ..
و ربنا يشفي الضحايا ..
و الضحايا يتعلجوا على حساب المحطة و عربية جديدة لهم بدل اللي إتدمرت على حساب المحطة و عربية زيرو بدل الأوكتافيا لصاحبها بدل اللي إتخبطت على حساب المحطة ..
و بالنسبة للعامل فيستاهل بقى ..
:):)

لا حول و لا قوة إلا بالله العلي العظيم ..
و ربنا يشفي الضحايا ..
و الضحايا يتعلجوا على حساب المحطة و عربية جديدة لهم بدل اللي إتدمرت على حساب المحطة و عربية زيرو بدل الأوكتافيا لصاحبها بدل اللي إتخبطت على حساب المحطة ..
و بالنسبة للعامل فيستاهل بقى ..

مرة كنا في الدقي بال 280 انا و والدي رحنا مشوار مشي و سبنا المفتاح للسايس عشان يركنها و يغسلها رجعت ملقيتش العربية قال ايه مقدرش يمسك نفسه ادام العربية و حب ياخد بيها لفه متتخيلوش حصلوا ايه:hang:

فعلا مشكله
بس الواحد هيعمل ايه في حجات بتبقي غصب عنك
انا مثلا في شغلي بتعامل نع البنك الاهلي البرج الي جنب الوكاله وبروح كتير وفعلا المكان هناك مش بتلاقي ركنه ولو ركنت اي كلام هترجع تلاقي العربيه متكلبشه لازم تسيب مفتاح العربيه للسايس

انا اتربيت من المواقف دي مرة سبت العربيه سليمه عند بتاع الابواب لمده يوم رجعت استلمها منه لقيت العفشه مبهدله من الناحيه اليمين ؛ والعربيه قاطعه 120 كيلو وطبعا كانت واقعته سوداء معايا ؛ ومن يومها لا اترك المفتاح ابداولو اتزنقت في تصليح او غسيل السيارة اخلي تنك البنزين فيه يادوب 2 لتر وغطاالتنك يكون مقفول بالمفتاح .
عربيتك زي**** لاتسلفها لحد ولا تخلي حد يستعملها الا تحت اشرافك ؛ لانك بتكون عارف عيوبها اما غيرك همه بس بيركب ويدوس وخاصه شويه العيال الميكانيكيه اللي بشتغلوا في الورش
تم التعديل تلافيا للسخرية
الادارة 1

اقتباس:

---

المشاركة الأصلية كتبت بواسطة chihab18

عربيتك زي **** لاتسلفها لحد ولا تخلي حد يستعملها الا تحت اشرافك ؛ لانك بتكون عارف عيوبها اما غيرك همه بس بيركب ويدوس وخاصه شويه العيال الميكانيكيه اللي بشتغلوا في الورش

---

!!!!!!!!!!!!!
ها ها ها ها ها ها هااااا

اعمل فواصل بين الجمل و ابدأ سطر جديد

اقتباس:

---

عربيتك زي **** لاتسلفها لحد ولا تخلي حد يستعملها الا تحت اشرافك ؛

---

تحت إشرافي يانهاااااااااار :):):):):)

اقتباس:

---

تحت إشرافي يانهاااااااااار :):):):):)

---

ههههههههههههههههههههههههه ههههههههههههههههههههههههه

اقتباس:

---

اعمل فواصل بين الجمل و ابدأ سطر جديد

---

بالظبط كده
:::::::::::::الناس بتهزر يا أستاذ شهاب يا راجل يا طيب تقبل مودتي :)