ممكن سؤال يهني ايه هدرات؟
عرض للطباعة
ممكن سؤال يهني ايه هدرات؟
الاستهلاك مرتبط بطبيعة سواقتك و الطرق اللى بتمشى عليها فا مش كل واحد حيبقى استهلاكة فى الصفيحة زى التانى و كمان انت لو رجلك مش تقيلة الفلتر حيوفر بنزين مش حيزود الاستهلاك يعنى معنى كدة ان الفلتر مبيفرقش فى الاستهلاكاقتباس:
المشاركة الأصلية كتبت بواسطة Abdallah
اللى بيقرق هو الكبس بتاعك و انت سايق... الفلتر بيديك امكانية كبس اكتر و بالتالى حتستهلك بنزين اكتر لكن لو مكبستش الاستهلاك حيفضل هو هو اذا مكنش احسن :idea:
السيموتا كويس و الK&N... انا شخصيا مرتاح للفاتر الصينى اللى جبتة و شايف انه ميفرقش حاجة عن السيموتا
هدرات هى جمع هدر و دى كلمة فى الاصل انجليزى Header و المقصود بها فرن الشكماناقتباس:
المشاركة الأصلية كتبت بواسطة baher
الهدرات السبور بتبقى مواسيرها اكبر و بيبقى فى ترتيبة لدمج مواسير الشكمان مع بعض و بتبقى يا اما 4-2-1 يعنى ماسورة السلندر 1 و 4 بينزلوا فى ماسورة لوحدهم و ماسورة سلندرات 3 و 2 فى ماسورة لوحدهم و بعد كدة يتم الدمج بين الماسورتين دول
http://www.9secondracing.com/images/...e-4-1-2509.jpg
اما النوع التانى بيبقى 4-1 و هنا كل المواسير بتندمج فى نقطة واحدة و دة اشبة بترتيب الفرن الاصلى لمعظم سيارات الركوب
http://www.alamomotorsports.com/dc_s...dc_header1.jpg
الهدر ال 4-2-1 بيدى قدرة حصانية افضل على حساب العزم اما 4-1 بيدى عزم دوران لكن القدرة الحصانية مش عالية
MMamdouh
نفس مشكلة وقت التعديل القصير جدا.... :evil: :evil: :evil:
معلش يا جماعة صورة الهدر الاولانى غلط... دى صورة الهدر ال 4-2-1
http://www.jaydm.com/assets/dc/4-2-1ss2p.gif
MMamdouh
صورة الهدرز اللى انت حاططتها متنفعش غير فى محركات I بس اللى انا داخل ارد و اعلق علية موضوع العزم و الاحصنة اللى انت ذكرتها
قانون القدره .
Pe = Me . We
Pe= قدره المحرك وهي بوات Watt نقسمه علي 1000 يطلع KW نضربه فى 1.34
يطلع بحصان ..
Me = عزم المحرك علي العجلة .. وهي بل N.M ...
We = هي الاومجا او سرعه الزاويه ..
Me = F . S
العزم المحرك = القوه .( طول الاستروك ) . معرفش انتوا بتسموه اية
خلونا في القانون الاول ...
Me = موجود دائماً ..
We = 2 . 3.14 . Ne \ 60
Ne = سرعه دوران المحرك ..
اللى انا عاوز اقولة ان العزم مهم فى التسارع و مهم فى السرعات البطيئة لكن الاحصنة هى الاهم فى السرعات العالية و مستحيل ان احصنة تزيد على حساب العزم :shock: لان الهدرز اساسا مصنوع عشان يزود من العزم مش عشان يقلله لان الهدرز الاصلى زى ما انت عارف مليان كواتم للبيئة هو و الاكزوز اذا بالرياضى المتور بقى مرتاح جداا و مبقاش فى حاجة تكتمة اذا دورة الهواء حتبقى اسرع و كدة مع الفلتر الرياضى مع البايب و الهدرز و الاكزوز استجابة المتور حتبقى اسرع بكتييير
ليك منى 100 جنية اذا فهمت حاجة :mrgreen:
المعادلة اللى فوق انا محتفظ بيها على الكمبيوتر بس هى مش بتاعتى يعنى منقووله :wink: سلام
انا طبعا مفهمتش حاجة لان انا حاولت افهم الحوار دة قبل كدة و معرفتش
اللى قدرت افهمة ان المواتير بتحتاج بعض ال ضغط المرتد Back Pressure عشان تشتغل كويس او بمعنى اصح تدى عزم دوران... دة ملوش علاقة بالقوانين بتاعت القدرة لكنة مرتبط بقوانين سريان الغارات و حاجات كدة... المهم ان اللى فهمتة ان لو الهدر و مواسير العادم مفيهاش مقاومة حيبقى العزم ضعيف على سرعات قليلة لان سريان العادم حيبقى بطىء فى حين ان المواسير الصغيرة بتساعد على ان موجة العادم من بستم تسبب فراغ يسحب العادم اللى جاى من البستم التانى و هكذا (200 جنية لو فاهم حاجة) عشان كدة العربية لما شكمانها بيتخرم سحبها بيقل
نفس القصة فى الفلتر و الرام... لو مفيش مقاومة كفاية مش حيبقى فى فراغ فى المواسير و بالتالى لما تكبس مرة واحدة سريان الهواء الى داخل الموتورحيبقى قليل و التسارع من لفات قليلة حيبقى بطىء... دى حاجة كدة زى ما تشفط من شفاطة ضيفة و مرة واحد تشيلها من بقك... حتلاقى نفسك سحبت دفهة هواء كبيرة مرة واحدة لكن لو انت بشفط من شفاطة كبيرة و شلتها حتبقى دفعة الهواء دى اقل نتيجة قلة الفراغ او قوى الشفط فى بقك (300 جنية لو فاهم)
انا حاولت افهم كتير بس معرفتش المهم ان الناس اللى قدرت تفهم القصة دى اكدوا ان لازم يبقى فيه نسبة مقاومة معينة لضمان اداء كويس للموتور و كما الناس دى قالت ان المواتير ال 8 صباب بتولد عزم احسن من المواتير ال 16 صباب لنفس الاسباب و ارجع لمواتير الاوبل كورسا و الاسترا... الاتنين 1600 و الاتنين 101 حصان بس الكورسا عزمة احسن... صحيح هو اقل من الاسترا بحاجة بسيطة لكن فى الاسترا بيطلع على 4000 لفة (عشان مفيش رد فعل لما تكبس من لفات قليلة) و فى الكورسا بيظهر عند 3400 لفق فقط (شفاطة ضيقة)
500 جنيه لحد يفهمنا احنا الاتنين :mrgreen:
MMamdouh
؟؟؟؟؟؟!! انتم بتتكلموا عربي؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟!!!!!!!!!
yessssssssssssssssssssssssss
بس الحوار دخل فى شوية فنيات زيادة حبتين :wink:
MMamdouh
يا استاذ محمد انت مفهمتش اصدى , يعنى وانا مسافر مثلا وماشى على 120 اكيد عشان اوصل للسرعة دى لازم اكبس فماذا اذا كنت اكبس على الطوالى وجوة البلد هيبقا الاستهلاك اد ايه؟؟؟
يعنى انت بتعمل كام فى الصفيحة من الاخر بعربيتك اللانوس.
مش شرط تكبس... انت ممكن توصل لل 120 فى ربع ساعة او فى 20 ثانية... طبعا الاستهلاك حيبقى كبير عشان توصل 120 فى 20 ثانية
كذلك جوة البلد لو انت غاوى تكبس من اشارة لاشارة الاستهلاك حيبقى عالى
عمونا بالنسبة ليا شخصيا لما كنت بجرب الرشاشات الجديدة كنت بعمل 10.4 كيلو لكل لتر و انا حاطت جنوط 14 حديد تقيلة و شنطة عدة و كوريك يوزنوا يجى 25 الى 30 كيلو... طبعا الفلتر كان راكب وقت التجربة دى
MMamdouh