مشكله مع تيل الفرامل الاصلى

**semsemworld** · 19-09-2012 11:03 PM

يا شباب انا اشتريت تيل فرامل اصلى( لونه اخضر) من التوكيل اللى على الكورنيش فى الكيت كات وكان ب 500 جنيه و السوست ب 88 جنيه , و بعد 10,000 كيلو التيل بدء يصفر ...مع العلم ان التوكيل اللى ان ده بيمشى 20,000 كيلو .....هل ده طبيعى ان يصفر على ال 10,000 ولا لاء
اصل لو ده الطبيعى يبقى حرام المبلغ اللى ادفع فيه.

أرجو الافاده

**mody1221** · 20-09-2012 02:12 AM

ماتقلقش دة طبيعى جدااا التيل الاخضر بيبقى طرى وبيتاكل بسرعة مش شرط يقعد 20000 على حسب سواقتك
انا قعد معايا 13000 وبيصفر وكنت جايبة ب 615 من غير مصنيعة وضريبة المرة الجاية لما تغير تيل هات التيل النحاس مش الاخضر حيقعد معاك فترة اطول ان شاء الله

**eldell** · 20-09-2012 02:38 AM

هو فعلا زى مامودى قال لحضرتك بتبقى حسب سواقتك يعنى ممكن واحد تانى يعد معاه اكتر وممكن واحد يعد معاه اقل انا لما غيرته قعد معايا 8000 كيلو بس قولت حرام دلوقتى بجيب واحد اسمه ريماس تركى تقريبا ده ب90 جنيه وحلو مش بيصفر والا حااااجه

**PANERAI** · 20-09-2012 08:54 PM

انا بجيب من التوكيل اللي لونه رمادي دة بيقعد غالبا من 30 الف - 40 الف كم و طبعا كل واحد و سواقته

**semsemworld** · 21-09-2012 10:56 AM

المشاركة الأصلية كتبت بواسطة panerai

انا بجيب من التوكيل اللي لونه رمادي دة بيقعد غالبا من 30 الف - 40 الف كم و طبعا كل واحد و سواقته

طيب ممكن تقولى بكام اللى لونه رمادى...و يا ترى انت عربيتك مانيوال ولا اوتوماتيك علشان ده بيفرق فى استهلاك التيل طبعا..

**salah_86** · 21-09-2012 06:41 PM

انا كنت بجيبة قعد معايا 13000 الا 200 كم وكنت جايبة ب 560 جنية بس غير الضريبة والمصنعية من ساعتها حرمت وبقيت اجيب ريمسا مش بيصفر وب 130 جنية وهو اسبانى

**semsemworld** · 21-09-2012 08:48 PM

المشاركة الأصلية كتبت بواسطة salah_86

انا كنت بجيبة قعد معايا 13000 الا 200 كم وكنت جايبة ب 560 جنية بس غير الضريبة والمصنعية من ساعتها حرمت وبقيت اجيب ريمسا مش بيصفر وب 130 جنية وهو اسبانى

طيب ممكن تقولى بتجيب الريمسا الاسبانى منين

**salah_86** · 24-09-2012 12:51 AM

والله ياباشا انا جبتة من الحرفين بالصدفة لانى كنت خارج من شغلى من المطار وراجع المنوفية ودخلت محطة موبيل اللى فى اخر كوبرى اللى بعد السندباد علشان اكشف على العجلة الامامية يمين ففك العجلة وببص من برة لقيت ان التيل ممسوح فدخلت الحرفين جبت تيل الريمسا دا ومش فاكر اسم المحل ايه