عاجل – الأسعار الجديدة للوقود والبنزين

نايل موتورز
كتب نادر الطرابيشي

عاجل – الأسعار الجديدة للوقود والبنزين

http://www.nilemotors.com/wp-content...79-300x150.jpg

نشرت جريدة الوطن قائمة للأسعار الجديدة المقترحه للوقود والبنزين التي سيتم عرضها على السيد الدكتور محمد مرسي رئيس جمهورية مصر العربية في إطار خطة الحكومة لخفض الدعم على الطاقة لتوفير المزيد من النفقات الموُجهة لدعم الطاقة لدعم ميزانية الدولة.

شمل المقترح خفض الدعم على السولار وعلى وبنزين 90 وبنزين 92 بالإضافة إلى بنزين 95. كما لم يشمل المقترح رفع سعر بنزين أوكتين 80 الذي يبلغ سعره حاليًا 90 قرشًا للتر الواحد بل شمل المقترح فكرة إلغاء بنزين أوكتين 80 بشكل كامل ليكون أقل أوكتين متوفر هو البنزين أوكتين 90.

أما بالنسبة لسعر السولار، فقد شمل الاقتراح رفع سعره من 110 قروش إلى 220 قرشًا ليتضاعف سعره بذلك على المستهلك، فيما سيصل سعر البنزين أوكتين 90 إلى...|تابع باقي الخبر وتعرف على باقي الأسعار من على موقع نايل موتورز|

شكلنا داخلين على ايام سودا

يعني جمارك وضرائب مضاعفة وإلغاء دعم البنزين!!!!! مش عارفق اقول ايه.. طول ما في دعم طول مافي سرقة..بس فين الحل؟؟؟؟ يعني ها يزودوا المرتبات علشان نعرف ننزل بعربياتنا ولا هايعملوا موصلات محترمة نركبها ونركن عربياتنا للمشاوير العائلية فقط!!!..مافيش حلول ابتكارية..لسه النظام ما سقطش

ربنا يستر ...

يلا على البركة

مرتبات مين اللي بتزيد يا دكتور، موظفين الحكومة اللي بياخدوا علاوات سنوية عددهم كام وموظفين القطاع الخاص اللي مرتباتهم ماشية على مزاج المستثمرين وأصحاب الشركات عددهم كام، موظفين الحكومة كل سنه تسمع عن علاواتهم تحط ايدك على قلبك لأن مع العلاوة كل حاجة هتغلى وفي المقابل اللي مخدش علاوة دخله قل فعليًا لأن مصاريفه بتزيد مقابل الغلاء والتضخم، أنا أعرف ناس بتاخد علاوات بمعدل 50 جنبه في السنة، ده غير أن كل القرارات دي هتتسبب في زيادات جديدة ومستمرة في الأسعار، مش عارف البلد دي رايحة لفين!

الدعم كله بيتسرق
الي بيوصل للمواطن من الدعم مش يزيد عن 20 % مثلا
والباقي في كروش ناس تانية
وألية الرقابة مستحيلة
علشان الرقيب نفسه مرتشي
حرامي بيراقب على حرامي


لنا الله

طب مش كانوا يقولوا ان قصدهم بمشروع النهضة انهم ينهضوا بالاسعار

ربنا يسترها على الايام اللى جايه

لو حصلت هقلب اغلب مشاويري بالعجلة او موصلات و ده اللي يعتبر بعمله في العادي عشان ارتاح من السواقة و قرفها و قلة النظام و الادب اللي في الشوارع فهضيف سبب جديد و هو اسعار البنزين
و افول العربية و اخليها للمشاوير المهمة جداااا او متنفعش غير بالعربية

ياما اقلب لموتسيكل و اكيس العربية و اركنها فوق الرصيف بس يا ريت الاقي ساعتها مكان لأني اعتقد ان كتيير هيتخانقوا مين يحط العربية متكيسة ع الرصيف و برده منبقاش خلصنا من قرف الركنات سواء في الشارع او حتي فوق الرصيف ابقي اركنها فوق السطوح بقي

بشاير مشروع النهضة

ولسه الي جاي افضل ..

اقتباس:

---

المشاركة الأصلية كتبت بواسطة Ahmed_Mega

شكلنا داخلين على ايام سودا

---

اى نعم

مرار طاااااااااافح

اقتباس:

---

المشاركة الأصلية كتبت بواسطة ecybrarian

يعني جمارك وضرائب مضاعفة وإلغاء دعم البنزين!!!!! مش عارفق اقول ايه.. طول ما في دعم طول مافي سرقة..بس فين الحل؟؟؟؟ يعني ها يزودوا المرتبات علشان نعرف ننزل بعربياتنا ولا هايعملوا موصلات محترمة نركبها ونركن عربياتنا للمشاوير العائلية فقط!!!..مافيش حلول ابتكارية..لسه النظام ما سقطش

---

نفس التفكير مفيش اي حلول ابتكارية لأنه كالعادة لازم نجيب ناس من الخارج تفكرلنا و تخططلنا

لسة البلد متغيرتش

مش عارف امتى هنخرج من خندق التفكير اللي حابسين فيه نفسنا ؟؟!!!

لازم نفكر بابتكارية و عبقرية اكتر من كدة و نبطل الحلول التقليدية الروتينية المملة زي الزبالة كترت حط صناديق .. مفيش فلوس روح خد قرض

طبعا الدعم ده خراب على أي أقتصاد .... بس المهم فلوس الدعم تروح في البناء و التعمير .

لازم و حتما و لابد من توفير مواصلات محترمة للناس تركبها .

لازم الناس برضه تمشي على أدها و تخلف على أدها .... مش لازم كل واحد يكون عنده شلة عيال و هو مش قادر يصرف عليهم .
لازم الحكومة تفتح أفاق و مجالات جديدة لزيادة الأنتاج الزراعي أولا و الصناعي ثانيا .
ممكن نستغني عن الحاجات الغير ضرورية زي أستيراد السيارات الفارهة و التليفونات الغالية

يعني تليفون سامسونج جلاكسي أو أي فون بثمنه ممكن نيجب 50 تليفون بيقول ألو .

لغاية ما ربنا يكرمنا و يبقى عندنا صناعة قوية ....... و الموازنة العامة للدولة مظبوطة
هانفضل لغاية متى الأستيراد أكبر من التصدير ....... دي مش حاجة صحية .
على الأقل ..... يتساووا .

لو ربطنا الحزام شوية مع توفير بدائل للناس ....... البلد دي خلال 5 سنوات ممكن تكون من أقوى بلاد العالم أقتصاديا .

بس الناس تبطل تطلع في مظاهرات على الفاضية و المليانة ....... و تتعاون مع الحكومة في قراراتها .

و مش معنى أني مكنتش عايز الأخوان .......... يبقى أبقى ضدهم .
الديمقراطية بتقول أن الراجل ده و الناس دي كسبت برأي الأغلبية ........ يبقى الآخرين يجب أن ينصاعوا لهؤلاء الحُكام .

و لكن كالعادة ....... محدش عاجبه حاجة .

اقتباس:

---

المشاركة الأصلية كتبت بواسطة tutankhamoun

طبعا الدعم ده خراب على أي أقتصاد .... بس المهم فلوس الدعم تروح في البناء و التعمير .

لازم و حتما و لابد من توفير مواصلات محترمة للناس تركبها .

لازم الناس برضه تمشي على أدها و تخلف على أدها .... مش لازم كل واحد يكون عنده شلة عيال و هو مش قادر يصرف عليهم .
لازم الحكومة تفتح أفاق و مجالات جديدة لزيادة الأنتاج الزراعي أولا و الصناعي ثانيا .
ممكن نستغني عن الحاجات الغير ضرورية زي أستيراد السيارات الفارهة و التليفونات الغالية

يعني تليفون سامسونج جلاكسي أو أي فون بثمنه ممكن نيجب 50 تليفون بيقول ألو .

لغاية ما ربنا يكرمنا و يبقى عندنا صناعة قوية ....... و الموازنة العامة للدولة مظبوطة
هانفضل لغاية متى الأستيراد أكبر من التصدير ....... دي مش حاجة صحية .
على الأقل ..... يتساووا .

لو ربطنا الحزام شوية مع توفير بدائل للناس ....... البلد دي خلال 5 سنوات ممكن تكون من أقوى بلاد العالم أقتصاديا .

بس الناس تبطل تطلع في مظاهرات على الفاضية و المليانة ....... و تتعاون مع الحكومة في قراراتها .

و مش معنى أني مكنتش عايز الأخوان .......... يبقى أبقى ضدهم .
الديمقراطية بتقول أن الراجل ده و الناس دي كسبت برأي الأغلبية ........ يبقى الآخرين يجب أن ينصاعوا لهؤلاء الحُكام .

و لكن كالعادة ....... محدش عاجبه حاجة .

---

تسلم ايدك والله
بس كل الحكاية ان الموضوع مش جي فوقته
او يعني لو يزود بشكل تدريجي يعني مثلا ربع جنيه كل سنتين
لحد ما تتحل ..

اقتباس:

---

المشاركة الأصلية كتبت بواسطة tutankhamoun

طبعا الدعم ده خراب على أي أقتصاد .... بس المهم فلوس الدعم تروح في البناء و التعمير .

لازم و حتما و لابد من توفير مواصلات محترمة للناس تركبها .

لازم الناس برضه تمشي على أدها و تخلف على أدها .... مش لازم كل واحد يكون عنده شلة عيال و هو مش قادر يصرف عليهم .
لازم الحكومة تفتح أفاق و مجالات جديدة لزيادة الأنتاج الزراعي أولا و الصناعي ثانيا .
ممكن نستغني عن الحاجات الغير ضرورية زي أستيراد السيارات الفارهة و التليفونات الغالية

يعني تليفون سامسونج جلاكسي أو أي فون بثمنه ممكن نيجب 50 تليفون بيقول ألو .

لغاية ما ربنا يكرمنا و يبقى عندنا صناعة قوية ....... و الموازنة العامة للدولة مظبوطة
هانفضل لغاية متى الأستيراد أكبر من التصدير ....... دي مش حاجة صحية .
على الأقل ..... يتساووا .

لو ربطنا الحزام شوية مع توفير بدائل للناس ....... البلد دي خلال 5 سنوات ممكن تكون من أقوى بلاد العالم أقتصاديا .

---

متقلقش هتلاقي الهجوم جي عليك طاير دلوقتي متقلقش ده اللي بيحصلي لما اقول نقتصد شوية في كل حاجة ههههههههه استعد

مستحيييييييييييييييييييل السولار يغلي ياجماعه لان ده هيولع في كل حاجه في ظل التدهور اللي احنا فيه

انا مش عارف ليه بعض الجرائد شغاله علي الحاجات دي مع اني مفيش اي حاجه رسميه شوفتها بتتكلم علي الموضوع

الوطن كدابين

احنا عكس كل الدول وده الطبيعى والا ما تبقاش مصر ابدا

اقتباس:

---

المشاركة الأصلية كتبت بواسطة tutankhamoun

طبعا الدعم ده خراب على أي أقتصاد .... بس المهم فلوس الدعم تروح في البناء و التعمير .

لازم و حتما و لابد من توفير مواصلات محترمة للناس تركبها .

لازم الناس برضه تمشي على أدها و تخلف على أدها .... مش لازم كل واحد يكون عنده شلة عيال و هو مش قادر يصرف عليهم .
لازم الحكومة تفتح أفاق و مجالات جديدة لزيادة الأنتاج الزراعي أولا و الصناعي ثانيا .
ممكن نستغني عن الحاجات الغير ضرورية زي أستيراد السيارات الفارهة و التليفونات الغالية

يعني تليفون سامسونج جلاكسي أو أي فون بثمنه ممكن نيجب 50 تليفون بيقول ألو .

لغاية ما ربنا يكرمنا و يبقى عندنا صناعة قوية ....... و الموازنة العامة للدولة مظبوطة
هانفضل لغاية متى الأستيراد أكبر من التصدير ....... دي مش حاجة صحية .
على الأقل ..... يتساووا .

لو ربطنا الحزام شوية مع توفير بدائل للناس ....... البلد دي خلال 5 سنوات ممكن تكون من أقوى بلاد العالم أقتصاديا .

بس الناس تبطل تطلع في مظاهرات على الفاضية و المليانة ....... و تتعاون مع الحكومة في قراراتها .

و مش معنى أني مكنتش عايز الأخوان .......... يبقى أبقى ضدهم .
الديمقراطية بتقول أن الراجل ده و الناس دي كسبت برأي الأغلبية ........ يبقى الآخرين يجب أن ينصاعوا لهؤلاء الحُكام .

و لكن كالعادة ....... محدش عاجبه حاجة .

---

متفق مع حضرتك تماما

فلول وافتخر

طب وليه يا جماعة الخبر دة مايكنش استطلاع رأي
بيجسوا نبض الشارع المصري
يكونوا هيعملوا دراسة وبناء عليه هيقرروا

انا بصراحة شايف حاجة
الغاء ال80 -- قرار صائب (حرام عليه لما تبقي لانسر 2010 وداخل ياخد الدعم بتاع الغلابة - الغلبان اللي عمل جمعيتين ب10,000 عشان يجيب 128 موديل 74)
الغاء الدعم من علي ال95 (ندفعلك دعم بتاع ايه يا عم انت ياللي معاك عربية اما ثمنها فوق ال200,000 او انت نزيه - الغاوي ينقط بطاقيته)
تخفيض الدعم علي ال92 وال90 (الشعبي - يعن مثلا ال90 يبقي 2 جنيه وال92 ب 2.25 كدة تبقي معقولة شوية)
واهو بردو يبقي طبقها تدريجي - لكن خبطة مرة واحدة - اعتقد هتقطم معاك لازم تاخدها باللين شوية بشوية لكن تضغط مرة واحدة تتكسر

دة رأيي الشخصي البحت

والله المستعان
،
،

حسبى الله
سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين

انا مؤيد جدا لرفع الدعم عن الطاقة تدريجيا ، لأنه بجد عمرنا ما هنتقدم بالشكل ده ، أنتوا عارفين إن مصانع الحديد والصلب والصناعات الثقيلة بتتحاسب زينا بنفس السعر (راجعوا تعريفة الكهرباء وشوفوا فواتير الكهرباء) بجد بجد الدعم ده بياكل الإقتصاد المصري

والدعم ده لما يتشال (مع إفتراض حسن النية والتغيير) هيشكل تطور فى الحياة الإقتصادية ورفع مرتبات وجودة تعليم ورعاية صحية وبحث علمي

ياريت أى حد يكلم أى مدرسة خاصة ويشوف سعر الباص بتاع المدرسة كام ، بيبقى الإشتراك بالالافات وبتلاقيهم واقفين فى الطابور بياخدوا سولار ب 1.1 جنيه

http://2.bp.blogspot.com/_-M-Edwn-co...BikesVsBus.jpg

وشوفوا الزحمة هتقل إزاي ، بجد لازم لازم منعترضش على القرارات ، أحنا نطالب بتصويبها

يعني نطالب بتوفير نقل جيد بدلا من الإعتراض على رفع الدعم

السولاااار هيغلى يعنى المواصلات هتغلى
و 80 هيتشال يعنى كده العربيات القديمة تتحنط ويقضوها عجل
وانا عن نفسى مش هخرج بالعربيه إلا المشواير المهمة وبس وابقى اجبلى عجلة اروح اتفسح بيها

بمناسبة المدارس، أكيد غلاء الوقود هيأثر على أسعار باصات المدارس وبالتالي زيادة المصاريف المدرسية، ولو الأولاد مش مشتركين في باصات المدرسة فالمواصلات كمان هتغلى.

تكملة لردي السابق في نفس الموضوع ...

للأسف لو بصينا علي موضوع رفع الدعم والغلاء مقابل ذلك
هتلاقي ان الوحيد اللي هيتحمل القرار وهيدفع ضريبة الغلاء هو الموظف في القطاع الخاص او بمعني ادق الموظف اللي مش في أيده رفع سعر المنتج او الخدمة اللي بيقدمها وحتي لو فرضنا ان مؤسسته رفعت السعر فبردو مش هو المستفيد بل صاحب منشأته

يعني بمثال بسيط جدا
هنفترض دلوقتي اني مثلا صاحب تجارة او مقدم خدمة وانا اللي بستفاد مباشرة من ارتفاع او انخفاض سعر منتجاتي او بضاعتي او حتي الخدمة اللي بقدمها يعني وليكن المثال علي حلاق شعر
هروح اشتري فطار (طعمية وفول والذي منه) هلاقي طبعا الأسعار زادت لأن المطعم شغال بأنبوبة غاز والفرن كذلك والخضري اللي المطعم بيجيب منه الخضار (زي البطاطس والطماطم والباذنجان والخص والخيار وووو) غلي بضاعته لأن مصاريف النقل زادت فأنا كحلاق او مقدم خدمة هرفع أجرة قص الشعر بنفس القيمة اللي زاد بيها ثمن الفطار علشان دخلي مايتأثرش يعني لو متعود افطر ب 5 جنيه والنهاردة اشتريته ب 7 جنيه هرفع الأجرة من 10 ل 12 جنيه
ولما صاحب محل الخضار غلي بضاعته أشتراها المحامي والدكتور والسباك والمهنين كلهم بالغالي فرفعوا الفيسيتا بتاعتهم هما كمان لمواكبة غلاء الأسعار ولعدم الأحساس باي نقص في دخلهم فرفعوا أسعارهم بنفس قيمة الغلاء

مش هطول عليك اكثر من كدة في المثال بس افترض معايا ان اي حد فأيده رفع سعر منتجه او بضاعته او خدمته هيرفعها
والوحيد اللي مش فأيده اي حاجة هو الموظف وللأسف غصب عنه هيتعامل مع الحلاق والدكتور والخضري والمطعم والمواصلات وهيدفع قصاد ارتفاع سعر السولار جنيه هيدفع 5 جنيه يوميا زيادة عن ما كان بيدفع قبل الغلاء (طبعا 5 جنيه دي مع افتراض اقصي درجات التفاؤل) وللأسف الشديد انه مش هيقدر يغلي او يرفع سعر الخدمة اللي بيأديها او البضاعة اللي بيبيعها وحتي لو حصل ورفع السعر فمش هيستفاد منها والمستفيد هو صاحب المنشأة وابقي قابلني بعد سنة لما يرفع مرتبه 10% او 200 جنيه ايهما اقل .

بجد القرار دة لازم يتعامل معاه بحكمة شديدة جدا جدا جدا
الموظف هيموت ويتفعص لو السولار غلي - لأن لو السولار غلي هتلاقي تأثيره وصل لعلبة الدوا وعلبة اللبن ورغيف العيش وحتي الملابس.
مفيش حاجة مش بتتأثر بالسولار
يعني الدوا هتلاقي المصانع رفعت السعر لأن تجار الكيماويات رفعوا السعر لأن شركات الشحن والنقل رفعوا السعر
علبة اللبن لنفس الأسباب ولأن الأكل بيوصل المراعي بتاعتهم بأغلي من ثمنه وكذلك مصاريف الشركة المنتجة نفسها لأن عندها عربياتها اللي بتقوم بالتوزيع
ونفس المنطق في رغيف العيش لأن الفرن شغال بالغاز او بالسولار والأتنين هيغلوا
والملابس لنفس السبب وهو تكاليف النقل

والمواصلات هتغلي

وللأسف الموظف الغلبان هو الوحيد اللي مش هيستفاد اي حاجة وهيغرم دم قلبه

تحياتي

والله المستعان
،
،

الحكومة مش بالغباء إنها تلغى الدعم على السولار لإن ده حيولع الدنيا على دماغ الرئيس و الحكومة و حتقوم ثورة أكيد لا محالة لإن السولار حيخلى كل حاجة فى البلد تغلى .كل حاجة بلا إستثناء. أما بنزين 80 برضه مش حيحصل دلوقتى إلا لما الحكومة تعمم الغاز الطبيعى فى وسائل النقل العام و تجبر وسائل النقل الأهلية زى الميكروباصات إنها تتحول للغاز.
بالنسبة للبنزين فإن أى حد متخصص يعرف إن سعر البنزين المكافىء لأوكتان 91 فى أوروبا 0.85 يورو و فى أمريكا 90 سنت و ده السعر العالمى للبنزين عدا دول مثل السعودية لا ينبغى المقارنة بها لإن البنزين أرخص من المياة و إن تكلفة إنتاج هذا النوع من البنزين حوالى 2.5 -3 جنية للتر و تعتمد على عوامل كثيرة إذا كان البنزين يأتى من الخارج تماما أو يأتى كزيت خام و يتم تقطيره فى البلد أو ينتج محليا من زيت خام .....
و أعتقد البداية حتكون 92 و 95 فقط لإمتصاص الصدمات تدريجيا على المواطنين لإن نسبة المتضريين فى الحالة دى قليلة

السلام عليكم
اولا انا مش عارف اصلا هوا الناس عارفة تعيش باسعار النزين دي علشان تغلا اه رفع الدعم عن ال 92 وال 95 ماشي لاكن ال 80 لما يتلغي وال 90 يتشال عنو الدعم واحد زي راكب 128 يعمل ايه علشان اروح الجامعه بس اصرف في اليوم علي الاقل 60 جنية بنزين غير الطرق المتكسرة اللي بسببها بغير كل اسبوعين مقصات وكل شهر كبالن دا غير مصاريفي الشخصية وطبعا معروف المرتبات مبتجبش حاجه ومفيش مواصلات ولو ركبت المواصلات وربنا كرمك ولقيت حد يرضى يركبك معاه تبص تلاقي الجشع من السواق يخليك هتفرقع من الغيظ ومش قادر تتكلم وبعدين فين الفلوس اللي بتتاخد من العربيات دي كلها جمارك وضرايب ومخلفات المبلغ مش سهل ومش شايفين منو حاجه خالص انا من الشرقية بيعملو كبري عندنا بقالهم 3 سنين والعمل متوقف خالص اي حد من الزقازيق اكيد عارف المنطقة هناك عاملة ازاي وكمان الطريق من بلبيس للزقازيق فين الفلوس اللي بندفها علشان يرفعوا العملية كدا وعايزين فلوس تاني انا واحد من الناس بجدد رخصة العربية بقالي 9 شهور ولا كان العربية واحدة حامل مستنيها تولد كل ما اروح المرور يزلوني يومين بين المرور الجديد والقديم وفي الاخر يقلي الملف لسة مجاش وخد تصريح انا اسف لو كنت بتكلم بتعصب شوية بس انا حاسس ان بعد كدا هنبقا عاملين زي الصومال مش معانا فلوس حتة ناكل (انا بالعافية جمعت 40 الف وسالفهم من كل العيلة علشان اجيب عربية بدل اللي مطلعه عيني دي شكلي كدا مش هاجبها بالاخبار دي)