شقة موجودة والحمد لله
عرض للطباعة
شقة موجودة والحمد لله
طبعا الزواج الرسول عليه الصلاة والسلام امر الشباب بالزواج عند الاستطاعة
توكل على الله ودور على واحدة متدينة وربنا هيكرمك من وسع وهتلاقى رزقك زاد ان شاء الله
بص ياباشا انا نفس حوارك انا ناو عندى 25 سنة وبشتغل الحمدلله وعندى شقتي زيك كده بس مش متوضبة وعايزة توضيب بتاع 30 الف
المهم لما اشتغلت فكرت انى اجيب عربية وامى كانت عايزانى اتجوز بس ابويا ايدنى وقالى يابنى متقفلش حياتك من ناو واتمتع بيها وبالفعل جيبت عربية واديني اهو مقضيها من الشغل للبيت للخروج مع الاصحاب وحاول بقى بعد كده انك تحوش عشان للاسف لو اتجوزت مش هتعرف تحوش حاجة غير كل فين وفين عشان الجواز كله طلبات ولو قابلت واحدة ف الفترة اللى بتحوش فيها وبتحبك اتوكل ع الله معاها بس نصيحة اتجوز وانت عندك 27 سنة او 28 سنة عشان تكون عملتلك قرشين
قال رسول الله صلى الله عليه وسلم
""يا معشر الشباب من استطاع منكم الباءة فليتزوج فإنه أغض للبصر وأحصن للفرج "
بقي شوية حديد احسن من زوجه وعفة واسره ووولاد !!!!!!!!!!!!!!!!!!!!!!!!!!!!!!!!!!!
يعني هو مفيش فرق كبير بين الأتنين..
الجواز كأنك جبت عربية جديدة كان نفسك فيها من زمان و تبقى طاير بيها من الفرح في الأول و عايز تتباهى بيها في كل حتة و بتخاف عليها من التراباية اللي بتيجي عليها و بتمسحها بأيدك و بتبقى حاسس بالراحة فيها أكتر ما بتحس بالراحة في بيتك..
بس مع الوقت أهتمامك بجمال العربية ده بيختفي و بيفضل بس أحتياجك ليها تقضي مشاويرك, و مع الوقت مشاكل العربية تبتدي و تفتح بقها و تجيبلك صداع من كتر مشاكلها لكنها لسة عزيزة عليك عشان أسعفتك كتير..
بس الفرق أن دي لحم و دم و مشاعر و دي صاج و فايبر و كاوتش..
و مش شرط ان اللحم و الدم هما اللي يسعدوك لأنك جايز تكون شخص لا يتقبل المشاعر فيكون أفضلك ساعتها الصاج..
و مش شرط ان الصاج هو اللي يبسطك لأنك جايز تكون محتاج أكتر لشخص لحم و دم تتعايش معاه..
-لو ماجبتش العربيه قبل الجواز مش هتعرف تجيبها بعده
ولو جبتها قبل الجواز هتبيعها علشان تتجوز ,اعمل الصححححح
شايف ان حضرتك تاخد خطوه الزواج وهتلاقى ربنا كرمك من وسع وبعد كده مش هقولك تجيب عربيه سعرها غالى لا ممكن تجيب عربيه فى الحنين الى هى تقضى بيها حاجتك ولما ربنا يكرمك قدام باذن الله اكيييد هتغيرها وبالتوفيق باذن الله صحيح نسيت اقولك بتفكر فى جولف او اوبل ههههههه فكر اتزوج احسن لحسن قطع غيار الاتنين ناااااااار ومصاريف الزواج ارخص كتيييييير من قطع الغيار
الاستقرار اهم