حادث النترا 2012 مع ميكروباص تيوتا

**eng.m7md.ali** · 20-09-2012 02:39 AM

اولا الف سلامة عليك والحمد لله انك بخير
ثانيا وده الاهم .. لو انا مكانك مكنتش هعمل غير حاجة واحدة بس
اجيب اصحابي وجيراني واقف استنى الميكروباص ده مكان ماخبطني ( اكيد ده خط سيره ) واطلع عين اهله ضرب واكسرله عربيته
مدام هيا بلطجة ومفيش حد يجبلك حقك يبقى هات انت حقك بنفسك
لان انت ملكش اي ذنب تدفع اكتر من 3000 جنيه مثلا تصليح ورش وسمكرة وبتاع

ربنا يعينك وياريت تفكر كوويس في كلامي ده

**Ahmed_Adham** · 20-09-2012 03:25 AM

المشاركة الأصلية كتبت بواسطة eng f3lix

اولا الف سلامة عليك والحمد لله انك بخير
ثانيا وده الاهم .. لو انا مكانك مكنتش هعمل غير حاجة واحدة بس
اجيب اصحابي وجيراني واقف استنى الميكروباص ده مكان ماخبطني ( اكيد ده خط سيره ) واطلع عين اهله ضرب واكسرله عربيته
مدام هيا بلطجة ومفيش حد يجبلك حقك يبقى هات انت حقك بنفسك
لان انت ملكش اي ذنب تدفع اكتر من 3000 جنيه مثلا تصليح ورش وسمكرة وبتاع

ربنا يعينك وياريت تفكر كوويس في كلامي ده

عارف ايه اللي يضايق أكتر من دفع ال 3000 جنيه؟ ان العربيه تنتقل من فئه "فابريقه" الى رشه كذا ومستعدله كذا......

**M.Ayman** · 20-09-2012 04:13 AM

ادام مأمن يبقى حرام تفكر فى سعر العربيه هيقل ولا لأ طبعا عشان الرش هيقل بس انت اهم تركب حاجه صح و نضيفه كمان التوكيل مبيردش التوكيل بيغير علطول و بيستعدل فى الحاجات البسيطه قوى انما شغل عجن السمكريه ده بيبقى اى كلام و بنعمله عشان ارخص من التوكيل ,,, توكل على الله و خليك فى التوكيل مع التأمين احسن كتير

**the_bird5** · 20-09-2012 08:47 AM

اللى احسن من كل ده وتبقى فابريكا هاتهم استيراد نفس اللون وركب وخلاص

**big big** · 20-09-2012 05:12 PM

اولا انا متشكر جدا لحضارتكم ومتشكر ايضا للاستاذ سمير الشهاوي علي اهتمامة
ثانيا انا فعلا فكرت في الموضوع ده اني اجيب السواق بس هجيبة من الموقف علي اساس اني عوزة في مشوار خاص واخده هوه وعربيتة واتعامل معاه بطرقتي الخاصة في حتة بعيد عن الموقف
تاني حاجة انا اتصلت بشركة التامين عشان اتعامل معاهم اول حاجة الوها حضرتك في بند في العقد بيؤل انك لو صلحت في ورشة برة عادية عند سمكري احنا ملناش دعوة اما اذا صلحت في مركز معتمد او التوكيل وجبتلنا الفاتورة معتمده مفيش مشكلة اننا نتحمل
اما لو صلحتها عندنا ملكش دعوه باي حاجة تماما هتلنا العربية واحنا هنسلمهالك لما تخلص
ملحوظة
شركة التامين (مصر للتامين )ومركز الصيانة الي هيودوني لية لو ابلت هوه (فري كار موجود في المنيب) انا بتعامل مع مركز صيانة اسمة اية تي اوتو بالقطامية وبصراحة مرتاح معاه جدا ناس محترمة ومن الاخر فهمين هما بيعملو اية وانا كنت ناوي اوديهلم بصراحة انتو اية رايكم في الكلام ده اتوكل واوديها يوم السبت ولي اعمل اية

**khalid_adel** · 20-09-2012 06:06 PM

المهم يوافقو على المعاينه قبل ما تبدا تعمل اي حاجه
ولو عملتها انت في التوكيل او بره بيخصمو نسبه ده غير انك لازم ترجعلهم القطع القديمه والا حيحخصمو تاني
المهم خليك مركز معاهم اوي في الموضوع عشان مش تبقي ب 5000 جنيه تصليح وتلاقي كل اللي جايلك 3000
انا مره حصل وصلحت عربيه امبريزا في التوكيل ب 12500 جنيه وادوني 7000 جنيه بس بعد سنه ونص بس ده ايام الشركه اللي اتسرقت وقولت الحمد لله اني طلعلي منهم اي حاجه (الجمعيه للتامين دي)

**mshmshm3** · 21-09-2012 12:47 AM

اولا الحمد لله انك كويس و قدر الله و ماشاء فعل
صلحها في التوكيل و خد الفاتورة لشركة التأمين
و زي ما قولت لازم الواد بتاع الميكروباص ياخد درس بعمره ليه بقي ؟ عشان لما رجع الموقف عمل فيها دكر و غيره هيعمل زيه و غيره و غيره لكن لما يرجع بعدها ناقص رجل او ايد مفيش كلب منهم هيفكر يعدي قبل ملاكي بس اتقل و فكر صح
ملحوظة : الفئة دي ملهمش دية

**big big** · 25-09-2012 10:23 PM

انا بالي 3 ايام بدور علي الواد ومش لئية اكنة بطل ينزل احمد فخري بس بحاول اول للمو\ف بتاعة
علي فكرة الحمد الله تم معاينة العربية وهية بتتصلح دلواتي والتكلفة حوال من 3 الي اربع تلاف جنية
تغير رفرف واكصدام امامي ورشهم غير تمن الكاوتش بس انا هجيب الكاوتش من برة عشان عندهم بيكون متخزن
والتامين هيدفع المصنعيات وقطع الغيار هتكلف منها 10 %| بس تمام الحمد الله بس يارب ترجع زي الاول

**Samir Elshahawy** · 26-09-2012 02:52 PM

أستكمالا للموضوع النهاردة كان هايحصل معايا نفس الشئ بس ربنا ستر

داخل من طريق السويس علي طريق الجيش الجديد المؤدي الي أوتوستراد مساكن شيراتون (FJI) و ميكروباص واقف علي أول الشارع (أنظر للشكل التوضيحي)

المهم انا شايف الميكروباص (باللون البرتقالي) واقف علي أول الشارع اللي انا هأدخله و حاسس باللي ممكن يعمله
- هديت سرعتي
- أديت أشارة يمين
- بدأت أرعش له بالانوار الامامية

و في اللحظة اللي أصبحت فيها قريب منه و اكاد أكون جنبه البيه أتحرك
في البداية هو اتحرك معايا في أتجاه اليمين , قولت خلاص هو كده داخل معايا و زودت سرعتي شوية و بقيت جنبه علشان نلف مع بعض لكن فجأة ....

البيه كسر شمال تاني علشان يكمل علي طول و هنا أضطريت أزود سرعتي و اعدل أتجاهي معاه حتي لو أضطريت اني أكمل الطريق علي طول و اعدي الفتحة اللي هأدخل منها

لكن مع الكلاكس المستمر مني هو هدأ سرعته و أصبح امامي المجال مفتوح مرة تانية اني أكسر يمين مرة واحدة و ادخل الشارع اللي انا عايزه

فعلا العربية بدأت تلف و العجلتين الشمال دخلوا في الرمل و العربية كملت و دخلت الطريق عادي
طبعا وقفت و شاورت لسواق الميكروباص لاقيته وقف الناحية التانية و بيرفع لي أيده و بيعتذر

طيب ده بالذمة أسمه كلام ؟
أنا عشت لحظة تصورت فيها شكل العربية و هيا بتخبط في الميكروباص من الجنب اليمين و قولت خلاص أنا ضعت لولا ستر ربنا اللي ألهمني حسن التصرف و ثانيا أستجابة العربية اللي نفذت اللي أنا عايزه

بجد السواقة في مصر أصبحت ضرب من الجنون

الموضوع: حادث النترا 2012 مع ميكروباص تيوتا

LinkBack

أدوات الموضوع

عرض

-

-

-

-

-

المواضيع المتشابهه

النترا 2012 ولا شارك 2012 ولا بومه 2012

عيوب ومميزات تيوتا كرولا 2012

لانسر ولا النترا ولا تيوتا

عاوز أعرف اجيب ميكروباص تيوتا الجديد

تعديل علي ميكروباص تيوتا

الكلمات الدلالية لهذا الموضوع

المفضلات

المفضلات

ضوابط المشاركة