عرض للطباعة
اثناء البحث عن سياره دفع رباعي و بعد ان استقريت على الفيتارا ..
وجدت امامي سيارة لاند روفر موديل ١٩٩٦ ديزل و شكلها محترم لكن عامله كيلو ميتر اكتر من ٢٢٠٠٠٠
المشكلة ان معلوماتي عن الـ لاند روفر بالظبط زي معلوماتي عن اللغة الصينيه
طلبي بدون ما اتقل على حد ان يرشدني و يعرفني عن احوال السيارة دي و النصيحه برضو ..
يعني قطع غيار و اسعارها - ميكانيكي ليها في نطاق المهندسين و الهرم او اقرب ما يكون لهم
و شكرا مقدما لكم...
بقالي يومين و موش لاقي حد يديني معلومه عن العربية دي
يا ترى ليه؟ محدش جرب خالص!!
ابعد خااااااااالص من الاخر
كان فيه عضو فى المنتدى عامل موضوع عن اللاند روفر من زمان .... ممكن حضرتك تبحث عن الموضوع
معلوماتى الشخصية البسيطة جدا ....
عربية ناعمة فى المدقات ... الوبشنز الى فيها كتيرة .... زى 2 تكييف منفصلين ... 2 فتحة سقف ... جنوط 17
فتيس غرز متعدد الاوضاع .... امامى يمين مع خلفى شمال ... امامى شمال مع خلفى يمين ... دفع رباعى كامل ... دفع بالعجل الامامى فقط
قطع غيارها مش منتشرة اوى .... البودى من برة من سبايك الومنيوم
حضرتك لازم تسال بنفسك اكتر من واحد معاه العربية ... و تسال عند محلات قطع الغيار و هكذا
و بالتوفيق ان شاء الله
شكرا ليكم يا جماعة على آراءكم ... انا قررت ان ابعد خالص فعلا ...
انا بس حبيت افكرك بمثل قديم يقول ...
يفوز بالحسناء كل مغامر
ربنا يهديك و يهدينا للى فيه الصالح
فعلا ... بس انا قررت اغامر مع الجي آم سي سواء اليوكون الشاسيه الطويل او القصير
و برضو هحاول اسأل عن الفرونتيرا لو حد يعرف عنها حاجه
و دعواتكم
ربنا يهديك للى فيه الصالح
فى خلال رحلتى للبحث عن بعض قطع الغيار ... احد بائعى قطع غيار الامريكانى .... نصحنى انى اجيب اليوكن موديل 1995 ... عربية كويسة جدا و علشان هاف انجكشن !!! مش فاهم ازاى ...
و قال .. ممكن اشترى موديل 1996 ... و ده فول انجكشن .. و عربية كويسة برضو
كان فيه عضو معاه فرونتيرا ... و كان كاتب عنها موضوع على ما اعتقد
و على ما اتذكر .... كان بيقول انها عربية ناعمة ... موتورها حساس شوية للسخونة ...و شاسيها هو نفس شاسية الدبابة الربع نقل
و ممكن يركب عليها موتور الدبابة الديزل
نصيحة برضوا لوجه الله .....
حضرتك و انت بتدور .... اسال على اللاند كروزر ..
عربية متجربة و اثبتت كفاءة فى الرمال و فى الجبال و فى كل مكان
اسال عن قطع الغيار و اسعارها
و ربنا يوفقك