معلومة عن التيل الخلفى بيأثر فى فرملة العربية

**zezozezozezo** · 20-09-2012 01:27 AM

هل التيل الخلفى فى الكاوتش الخلفى بيأثر فى الفرامل ولا لا لانى حاسس ان الفرامل ضعيفة شوية عن الاول ولسة مغير تيل امامى ومغير فردتين امامى بعد مغيرتهم اتحسنت شوية بس حاسس انها مش زى الاول قوية هى العربية افيو فى ميكانيكى بص على التيل الخلفى قالى شوية كدة وابقى غير الخلفى والعربية عاملة 70 الف كيلو بس الكاوتش بقالة حوالى 40 الف كيلو محطوط فى الخلف من بعد مغيرتو ومغيرتش تيل خلفى خالص اعمل اية اغير تيل ولا كاوتش بس الكاوتش لسة النقشة موجودة وكويسة والكاوتش بس ساعات لما بفرامل جامد قوى بسمع صوت زى ميكون الكاوتش بيفرمل بس مش عارف يمسك فى الاسفلت هل كدة كاوتش ولا تيل ولا اية بالضبط وهل فعلا الكاوتش الخلفى بيفرمل لانى اعرف ان الفرمل بتبقى امامى الخلفى فى الهند بريك بس بس عرفت ان الاتنين مع بعض بس الامامى الاول وبعد كدة الاتنين مع بعض

**M.Ayman** · 20-09-2012 04:08 AM

ايوه التيل الخلفى بيأثر طبعا بس بنسبه اقل من الامامى عشان كده بيعيش فترات طويله اما موضوع الكاوتش مش بيمسك فى الارض -ده هيبقى طبيعى لو عربيتك فيها abs - غير كده يبقى لازم تكشف على الفرامل و مادام النقشه موجوده فى الكاوتش يعنى لسه بحالته مش وحشه شوف الفرامل اهم الاول

**ahmad--ezzat** · 20-09-2012 04:44 AM

ضعيف جدا والتيل بيطول جدا

**maskeen** · 20-09-2012 11:37 AM

كلام الناس سليم طبعا..بس فى العربيات الدفع الخلفى بيبقى العكس..لان التيل الاساسى بيبقى مع محور الدفع

انا عارف انك معاك لانوس وافيو..بس حابب الكلام يبقى عام