هو الكلام عن البنزين والدعم بجد ولا فقاعه لشغل الناس وصرفهم عن السياسة؟
هو الكلام عن البنزين والدعم بجد ولا فقاعه لشغل الناس وصرفهم عن السياسة؟
صباح الفل
كنت قاعد على البلاج فى مطروح وفى حديث مع واحد فى الشمسية المجاورة لى وتم الحديث عن وضع البلد والأيام إل جاية وسألته تفتكر ايه المتوقع مع الحكومة الجديدة الرجل قال بصراحة ( مش متفائل ) ثم سألنى وانت رديت ( أنا فاقد الأمل ) - حد عندة رأ ثالث من الأخوة الأعضاء
لو الاسعار غليت فى البنزين كمان زى ماحنا شايفين الارتفاع الضخم فى كل السلع يبقى الثورة معملتش اى حاجة ومتقدمناش خطوة لقدام بالعكس داحنا اتاخرنا اوى وللاسف الواحد لما بيتفائل بتيجى حاجة تحبطه , ياااااارب يكون موضوع البنزين دة اشاعه وميحصلش ابدا لان الاسعار هتولع اكتر من الاول
القانون دة بتاع ألغاء الدعم والله أعلم هيتنفذ ولا مش هيتنفذ ولو هيتنفذ على 1600 هيكون أذاى لآن القانون أتكلم عن الآقل من 1600والآكثر من 1600 ولم يتكلم عن 1600 تحديدا هل سوف يكون عليها نظام الدعم الكامل أم لا .... ومن المتوقع أن يذكر القانون أيضا غير السى سى سوف يذكر معة ولصيقا بة الفئة السعرية فما هو نظام ال 1600 تحديدا بين هذة الآنظمة .
وجزاكم الله خيرا
مش هايحصل اى حاجة من دى غير بعد انتخابات مجلس الشعب
أنا شفت وزير البترول من يومين في التليفزيون هو كان بيتكلم إن تكلفة إنتاج لتر البنزين علي و إن الدول إلي حولنا بيتهربلهة البنزين و السولار المصري عشان رخيص و إن ده خرب ميزانية مصر و إن بنزين 80 مش هيغلى و إن 95 يكون بالسعر العالمي أما 90 و 92 هيغلو كام بقى الكلام مش نهائي ... و قال العربيات أقل من 1600 هيسرفلهة ذي كرت زكي من التموين أو المرور يديك في السنة عدد محدد من اللترات كل سنة بالسعر المدعم ،، و إلي يزيد عن كدة بالسعر الحر، متقلقوش كل شئ هيبان قريب و يا خبر بفلوس...
طيب ليه ما يفكروش فى استيراد البنزين من الخليج مثلا والسعودية خاصة ؟!!!
لتر البنزين 91 اوكتين للمستهلك ب45 هلله يعنى 75 قرش تقريبا
لتر البنزين 95 اوكتين للمستهلك ب60 هلله يعنى 100 قرش تقريبا
حتى مع حساب تكلفة النقل وغيرها عمره ما يوصل للاسعار المقترحة دى !!!
ويتم تبادل اى سلع مقابلها ..
مش فاهم ليه دايما بنفكر فى اتجاه واحد ومش بنشوف اللى حوالينا عندهم نقص فى ايه ونتبادل معاهم المنفعة .. ده حتى الاقربون اولى بالمعروف !!!
هو انا كمان نفسي افهم. حرس الحدود قاعد بيهبب ايه
اذا الاسلحة بتدخل مصر وبانزينها بيتهرب بره مصر اومال هما فايدتهم ايه مايقعدوا في بيوتهم ونوفر فلوس مرتباتهم لدعم البانزين وخلاص. دي نقطة النقطة التانية
ان علشان يرفعوا سعر البانزين لازم يحصل دروووووب في البلد. وتخبط في الاسعار بشكل غريب ومخيف ... لكن لازم الدروب ده. يجي بشكل. مفاجئ ومباغت ان اسعار الجمارك تتشال بالكامل عن العربيات. فجئة كده والضرايب عليها ايضاً وتصبح سعر العربيات الزيروا في متناول الجميع وسعر البانزين. يعلى ويتباع بالاسعار العالمية.
وبكدة هيحصل درب كبير في البلد لكن المحصلة الي عاوز يركب عربية يركب. لكن وريني هتعرف تجبلها بنزين منين وبكام وكده الدولة شالت حمل الجمارك من على كاهل المواطن والبلد تنضف. وتكون شالت عبئ فلوس الدعم من على كاهلها والاقتصاد يفوق .