الموضوع: هتبقى ايه اسعار العربيات المستعمله بعد ارتفاع اسعار البنزين

اعتقد ان كل ده جس نبض الشارع مش اكتر
هما بيقولو هيغلو بنزين 92 بدل من 1.85 يصبح 2.85 يعنى يزيد جنيه
ولما الناس مايعجبهاش ويلاقو ان الزياده بقت الى 2.25 يقولو الحمد لله كدا عنب اوى
انما يرفعوه ل2.85 اعتقد ساعتها الثوره هتقوم

المشكلة ان فى فئات كتير بتستفيد من البنزين المدعم و هو مش من حقها زى الاجانب و المدارس الاجنبية و الكليات و المعاهد الخاصة مثلا. لكن هو حق لكل مواطن مصر حتى لو راكب عربية 5000 سي سي لانه دافع جماركها بالكامل و بيدفع الضريبة العالية بتاعتها.
موضوع دعم السلع دا فاشل ولازم يتغير و قصاد ده تزيد المرتبات و يبقى الخصم خاص بالمصريين فقط
زى فواتير الكهربا فى الامارات مدعمه فقط للمواطنين اى حد تانى لاء.
و ساعتها مفيش حاجة هتتهرب لان سعرها هنا هيكون زى هناك وحتى لو اتهربت اهى بسعرها مش مدعومة و مش واقفه على البلد بخسارة.

المشاركة الأصلية كتبت بواسطة youssef.awad

امال اتفاقيات الشراكة الثنائية بين البلدين ولقاءات القمة بين الرؤساء والملوك بتعمل ايه ؟!!!
ده مقترح ولازم المسؤولين يفكروا فيه ..

ياجميل هما بيبيعوه لولاد بلدهم مدعم وتقريبا ببلاش
هيدوه لينا مدعم ليه؟ انت فاكرهم مواكيس زيننا عشان يدونا بنزين بسعر اقل من سعر التكلفه زي مابندي اسرائيل الغاز باقل من سعر التكلفه