ماينفعش تقول على واحد أوحش محافظ لإنهم كلهم أوسخ من بعض و بيتنافسوا بينهم فى الفشل
ماينفعش تقول على واحد أوحش محافظ لإنهم كلهم أوسخ من بعض و بيتنافسوا بينهم فى الفشل
الحاجه المستفزة ان التريسكل ده اللى فى الصوره ملوش نمر يعنى اللى يشوف الصور مش هيعرف يعمل حاجه لصاحبه مع الاسف. او حتى مش هيعرف يجيب صاحبه ده اللى طالع فى الصوره و لكن الامل انهم يحطوا حد ينظم المرور و لو لقى واحد زى ده يسحب منه التريسكل
امال احنا نعمل ايه لما كل يوم ننزل من بيتنا الساعه 7 الصبح علشان نروح شغلنا و نلاقى الطريق واقف من اول النفق لحد الكنيسه و السبب ان ميكروباص حيوان واقف في نص الشارع بيركب و لما تيجي تكلمه مش عاجبه و يشتم كمان و شارع مصطفى كامل نفسه لما العربيات تيجي من الدولى و تدخل رنج في نص الشارع عادي جدا و انت اللى المفروض توسعلها الطريق مش هو اللى ياخد جنب علشان حمار و لا مرة بقى واحد سايق عربيه بحمار و ماشي غلط في 45 وداخل على مصطفى كامل و الناس طبعا مش شيفاه و هو داخل و كان هيحصل كارثه لولا لطف ربنا دا حتى العسكري اللى كان يبقف عند اليوترن و انت طالع من 45 و داخل على جمال عبد الناصر اول ما الدراسه بدأت مشي
المهازل والفوضى فى كل أرجاء مصر وفى كل مدنها وقراها وشوارعها ... والمسئولين نايمين وبيشخروا
واحنا كل واحد فينا مشارك فى هذه الفوضى لو مش بالفعل يبقى بالسلبية إلا من رحم ربى
الصورة في غاية الجمال .. شكل المنتزة رووعة بجد
بس شئ واحد مبوظ منظر الصورة
المشروع الأصفر اللي تحت ده اللي داخل مخالف ده
تصوير : Maged Hamed
[img3]http://img835.imageshack.us/img835/7544/40272810152121478850311.jpg[/img3]
الله ينور عليك . هو ده كان قصدى فى الرد الأول بتاعى . تخيل بقى إن الكلام ده فى وقت الذروة فى المنطقة دى و بالمناسبة وقت الذروة فى الشارع ده يبدأ من 11 قبل الظهر حتى 12 مساءا , تخيل بقى إن سواق تاكسى حمار داخل بالعكس و الدنيا كلها واقفة و تيجى تقف قدامه تلاقيه مش عاجبه و عايزك توسعله علشان يمشى عكسى و ضابط المرور على بعد 100 متر عند الكوبرى و مالوش دعوة .