الموضوع: بعد سنتين ...... حماية المستهلك كلموني و عملو لجنة لفحص شكوانا ضد eit

الخليجي دلوقتي بيدخل يعمل الصيانات عادي جداً زيه زي التوكيل بس عليه ضريبة اكتر

اى وكيل محترم بيدخل الخليجى عادى و بيضمنها كمان و الدليل وكيل سكودا , انا ليا صديق شارى اوكتافيا خليجى و جوه الضمان عادى و بيعمل الصيانه فى التوكيل

المشاركة الأصلية كتبت بواسطة mohammedaladel

كويس
سمعت برضه إنها بتدخل بس بفلوس اكتر وبكدا فقدت ميزة الوكيل برضه فى إنه أ رخص فى صيانة التوكيل

طيب هو بيعمل كدا ليه أساسا ؟؟

هى العربية الخليجى جاية تبع الوكيل ولا إيه بالظبط

أصل تصرفات التوكيل دى معناها إن العربية الخليجى مش تبعه يعنى مش بيكسب فيها وهو عايزك تشترى عربيته

العربيات الخليجي مش داخله عن طريق التوكيل ولكن عن طريق مستوردين وده بيقلل من مبيعات التوكيل نسبيا عشان كده هوه بيعاكسهم في الصيانه عشان يقلل مبيعات الخليجي وحتى لو عملهم صيانه بتبقى بفلوس زياده عن العربيه التوكيل ده غير ان الخليجي مفيش عليها ضمان في التوكيل الا لو انت اشتريت ضمان ليها من شركة زى aaa مثلا.

في رأيي الخاص أفضل العربيه التوكيل برغم ان الخليجي بيبقى فيها كام اوبشن زياده لأنى مش مقتنع بصراحه بموضوع ان دهان الخليجي أفضل ولا التكييف أفضل الا اذا حد أقنعني بالعكس بأنه يجيب عربيه توكيل وعربيه خليجي بنفس سنه الموديل ويقولى ان التكييف بتاع الخليجي قدرته كذا والتوكيل كذا وتجار كتير فشلو في الاجابه على السؤال ده لما كنت بشتري.

المشاركة الأصلية كتبت بواسطة youssef.awad

صباح الخير باليل !!!!!!
بصراحة فيه اعلان للسبع فى المنتدى يعلن عن استقبال كافة سيارات كيا لمركز المعادى (مصرى-خليجى)


اولا المركز ده مشبوه و فى كذا موضوع اتعملوا عليه و على اللى بيحصل فيه من تلاعب و فيه تحتيه 100 خط أحمر



كلام اول مرة اسمعه بصراحة .. من امتى ارتوك اوتو بيدخل خليجى ؟!!!
الله يرحم لما كان بينشر تكذيب وتحذير فى ملاحق السيارات بالجرايد والمجلات وفيها كمان ارقام الشاسيهات الخليجى
وبعدها كان بيدخلها بعد دفع 7000ج اتاوة للتوكيل ..

انا بقول لحضرتك ده من خلال كلام صديق مباشر ليا شارى اوكتافيا 2010 اعلى فئه و بيعمل الصيانة فى فرع قريب من العباسية مش فاكر مكانه تحديدا و هى خليجى و لو فى حاجه يتتغير فى الضمان !!

المشاركة الأصلية كتبت بواسطة ahmed_adham

العربيات الخليجي مش داخله عن طريق التوكيل ولكن عن طريق مستوردين وده بيقلل من مبيعات التوكيل نسبيا عشان كده هوه بيعاكسهم في الصيانه عشان يقلل مبيعات الخليجي وحتى لو عملهم صيانه بتبقى بفلوس زياده عن العربيه التوكيل ده غير ان الخليجي مفيش عليها ضمان في التوكيل الا لو انت اشتريت ضمان ليها من شركة زى aaa مثلا.

في رأيي الخاص أفضل العربيه التوكيل برغم ان الخليجي بيبقى فيها كام اوبشن زياده لأنى مش مقتنع بصراحه بموضوع ان دهان الخليجي أفضل ولا التكييف أفضل الا اذا حد أقنعني بالعكس بأنه يجيب عربيه توكيل وعربيه خليجي بنفس سنه الموديل ويقولى ان التكييف بتاع الخليجي قدرته كذا والتوكيل كذا وتجار كتير فشلو في الاجابه على السؤال ده لما كنت بشتري.

اعتراضى على التوكيل ان الاسعار مش مناسبة للفئات