سؤال للمتخصصين دايو نوبيرا ( 1 )

**aboalhon** · 20-09-2012 02:31 PM

قدامى دايو نوبيرا 1 موديل 1997 للبيع كامله اوتوماتيك بس فى اصدقاء قالوا لى ان الفتيس بتاعها بيعطل بسرعه فأنا محتار اشترها ولا لأ . ولكم جزيل الشكر .

**alzelafy** · 20-09-2012 05:32 PM

حتى لو بيعطل بسرعه عمرو ما هيعطل قبل 5 سنين شغل و سعرو رخيص كمان فمفيش مشكله العربيه حلوة و احسن من ال نوبيرا 2

**Car's Sniper** · 21-09-2012 12:09 AM

ابعد عن الشر وغنيله
طالما مستعملة بلاش تجيبها اوتو لان الله اعلم اللى قابلك كان بيحافظ على صيانته ولا لأ ...فيه ناس كتير هنا قالوا انهم محافظين عليه وزى الفل معاهم

**Ahmed Nasser** · 21-09-2012 10:58 PM

لازم تكشف عليها كويس جداااااااااا

**elnaser_m** · 22-09-2012 03:29 AM

انا نفسي في النوبيرا قوي .. بس الناس خوفوني من الفتيس ولازم معاملة حنينة وكمان العربية واطية قوي وانت عارف بلدنا عاملة ازاي

شوف ميكانيكي كفائة يتفرج ع العربية وان شاء الله يكون في نصيب

**moryalex** · 22-09-2012 03:20 PM

لازم تكشف عليها كويس جدا عند ميكانيكى وسمكرى وبتاع عفشة ومتستخسرش فلوس الكشف لأنه هيوفر عليك فولس كتيييييييييير بعد كدة وعشان تطمن ومتعتمدش على رفع البنزينة لأنه بيكون على الماشى كدة
او تريح نفسك وتوديها مركز خدمة معتمد او التوكيل وهناك هيكشفوا علي كل حاجة مرة واحدة
دى الفروع اللى انا توصلت لها ممكن تتصل بيهم فى التليفون وتشوف النظام:

مراكز الصيانة لدايو نوبيرا -المنطقة -العنوان - تليفون.- سـاعات العمل -أيام الأجازات:

دايو موتورز (دايو) القاهرة - العباسية ميدان العباسية - ميدان الجيش - خلف مسجد الشرطة يمين فى يمين - 4 شارع مصنع الطرابيش - أمام الجامعة العمالية 26743351 - 2 - 3 - 4 9ص - 5م الجمعة

دايو موتورز (دايو) القاهرة - أبو رواش الكيلو 28 طريق القاهرة الأسكندرية الصحراوي-المنطقة الصناعية ابو رواش 35391241-5 9ص - 5م الجمعة

ابوغالى موتورز (دايو) القاهرة - المعادي ناصية 14 - من ش رقم 308 - من ش فلسطين - المعادي الجديدة 27025639

ابوغالى موتورز (دايو) القاهرة - مصر الجديدة 2 شارع طومانباى - سراية القبة 24555000

فرست كار (دايو) الجيزة - فيصل ش كفر طهرمس متفرع من ش فيصل-الجيزة .37211302 - 3 - 4 9ص - 5م الجمعة