السياحة او الصياعة في مصر .... جنينة الاسماك بالزمالك !!!

خدت عيالي وقلت خليني افسحهم في جنينة الاسماك بالزمالك وافرجهم على السمك
ههههههههههههههههههه
اني الاقي سمكه وحده. تسبح ربنا
هههههههه او حتى الاقي سمكه كده بتبلبط في المية

http://t3.gstatic.com/images?q=tbn:A...j70U31JRDi5IaQ

دخلنا الجنينا طبعاً وكانت التذكرة ب ٢ جنية
جنينة جميلة بجد. وكلها ورود وازهار وجبالية في النص ... وفعلاً مكان رائع للواحد ينسى هموموا وهموم الحياة
وياسلام لمن تبقى معاك كميرة وتاخود حبت صور تذكارية.

http://t2.gstatic.com/images?q=tbn:A...rzy0lJuiQaZdUA

http://t3.gstatic.com/images?q=tbn:A..._34zrVu2t2eJKW

طبعاً. اكتشفت ان الجنينه كلها من اولها لاخرها مفهاش ولاسمكة وحده. ومليانة قطط وعصافير وكل قطة قاعده جمب قط. وكل عصفور قاعد جمب عصفورتوا وده الي ظاهر جينا نخش بقة جو الجبلاية علشان ندور على حوض سمك ولانشوف حتى هيكل عظمي لسمكة كان في بنت واقفه بره ( نضورجية ). واول ماقربنا نخش الكهف بصيت ليقتها بتنده وبتقول ياللله شيد حيلك يا احمااااااااااااد طبعاً انا بصيتلها ومفهمتش. واحمد مين الي يشد حيلو دهووو. .... قلت لنفسي هبل شباب ملناش دعوه باين عليها مجنونة المهم اول ما دخلنا الكهف. ههههههههههههه ملقيتش السمك بس لقيت احمد ههههههههه كنت نفسي اسئلوا انتا قاعد بتعمل ايه يا احمد هنا يا احمد حرام عليك يا ابني ده البت الي معاك لسه في تالته اعدادي ولا اولى ثنوووووي وانتا كمان شكلك لسه في الثانوية ولا الاعدادية اومال لمن تتخرج يا احمد هتعمل ايه يا ابني وطبعاً مقعدناش كتير. وخدت بعضي والعيال ومشيت من الجنينة قلت لنفسي احنا كل كهف هنخوشو ا واحد هنالاقي احمد مع مش عارف مع مين واكيد الكهف التاني عادل قاعد مع القطه بتاعتوا والكهف الي بعدوا مين عارف ممكن تكون فيه رحلة مدرسية جوه هههههههههه. فقلت يالله خلينا نمشي وعليه العوض ومنو العوض في التذاكر الي قطعناها

http://t3.gstatic.com/images?q=tbn:A...lz5KaFgqyo5SQm
حتى واحنا جايين نطلع من الجنينة لقيت حارس امن طالع من اوضتوا بالابااااااااس. والفنيلة الحملات وطالع يشطف وشو بالخرطوم الي في الجنينة وابني بص ودحك وشاور لاختوا وقالها بصوا بصوا الراجل ماشي باللباس
وقعدوا يدحكوا ومنظروا بكرشوا بصلعتوا حاجة تقرف بيتمشى كانوا عايش في بيتهم
فانا علشان اتدارك الامر. قولتلهم عادي يا حبيبي. ده الزي الرسمي لحارس الغابات عندنا هنا في مصر
ههههههههههههههههههههههههه
عليه العوض ومنو العوض
قال سياحة قال
هههههههه

واللهى يباشا انا روحت البتاعة دى من 15 سنة تقريبا كنت لسة عيل صغير و كان نفس القصة بالظبط
بس الحق يتقال كان فى شوية سمك واحمد مكنش هناك

ههههههههههههههههههههههههه ههههههههههههههههههههههههه ههههههههههه هو دة جنينة ولا شقة مفروشة ولا اية بالظبط ومين الحج الطلع دة ههههههههههههههههههههههههه هههه الله يضحكك

اقتباس:

---

المشاركة الأصلية كتبت بواسطة MHabib86

واللهى يباشا انا روحت البتاعة دى من 15 سنة تقريبا كنت لسة عيل صغير و كان نفس القصة بالظبط
بس الحق يتقال كان فى شوية سمك واحمد مكنش هناك

---

ههههههههههههههههه
اهو انا رحت ملقيتش السمك ولقيت احمد واقف هناك هههههههههه بس بجد بجد بجد خسارة جنينة جميلة زي كده هيا معلم سياحي من معالم القاهره تتحول. لاوض نوم مفروشة بالشكل ده

http://t0.gstatic.com/images?q=tbn:A...7BfD9KaD8CjMqz

شوف يا اخي حدائق الاسماك بره في دبي ولا في اوروبا ولا في امريكا تبص تلاقيك ماشي على لوح قزاز كده والسمك بيلعب وبيتحرك من تحتك .... عارف يا حبيب باشا لو بس اجرو قطعتين في الحديقة لمطعم سمك زي جولدن فيش ولا فيش ماركت على شرط انهم يملو الجنينة اسماك ويحسنوا منظرها ويراعوها ويحافظوا عليها. هتبص تلاقي الجنينة دي بقه ليها شكل تاني خالص خسارة بجد انها وصلت للمستوى ده وكانهم فتحينها لطلبة المدارس يخشوا يعملوا ابحاثهم جوه فيها وتجارب العرسان .... المشكلة لمن نقول البت دي لازم تتجوز يقلك لا ياشيخ حرام عليك خلي البت تتعلم هههههههههه البت لسه صغيرة خليها تكمل تعليمها وميعرفوش ان احمد بيديها درس خصوصي جووووه هههههههههه

يباشا دة لو فى حد بيفكر اصلا انما احنا هنا فمصر ربنا رزقنا بناس راكنة عقولها على جمب يعنى يجيبوا الراجل اللى ماسك الجنينة دى و يحاسبوة على الفوضى دى
ان شاء الله كل هيبقى زى الفل و ربنا هيهدى احمد

من ضمن السياحة في مصر

http://t0.gstatic.com/images?q=tbn:A...adsiaoVhmiIKFg

قلت اخود الشباب لقصر محمد علي في المنيل. وبالفعل بعد ماعملنا السندويتشات وطلعنا .... وقاعدت احكي للعيال عن مئاثر محمد علي وفتوحات محمد علي. وعظمت ايام محمد علي. وبعد ما ركنت العربية وجينا نزلنا علشان اسئل هيا التذكرة بكام لقيت واحد قاعد على الدكة هناك ولابس شيبش زنوبة في رجلوووو .... !!!! ونايم
فصحيتوا وقلتلوا معليش يا استاذ هو شباك التذاكر فيييين. قالي تذاكر ايه هههههههه. قلتلوا تذاكر دخول القصر ولا هو ببلاش الدخول للمصريين.
قالي لا معليش يا استاذ القصر مغلق للصيانة !!!
المهم خدت بعضي ورجعت العربية وقلت للعيال معليش يعيال القصر مقفول للصيانه
فلقيت توته بنتي بتقولي ماهو يابابا كل سنة بتجيبنا هنا وبيقلولك نفس الكلمة
قلتلها اه صحيح. فرحت للراجل تاني مره قلتلوا بقولك يا كبتن هو انا كل سنة اجي بتقولولي مغلق للتجديدات او للصيانه. بقالكم على الحال ده اكتر من ست سنين هو ايه العبارة !!!
قالي لا مفيش هما بقالهم فترة قفلينوا وبيجددوا فيه ومش عارف ايمتى هيفتحوه !!!

قلتلوا على رايك. لو فتحوا ممكن يقلبوا اوض مفروشة جوا
فراح قالي نعمممممممم !
قلتلوا لا مفيش متخودش بالك كمل انتا نوم وانا اسف على الازعاج
ههههههههههههههههه
عمااااااااار يمصر

هوه ايه المغزي من المواضيع اللي زي دي نفسي اعرف
هل تعميق كرهنا وقرفنا من البلد
هل تعميق كرهنا وقرفنا لتفكيرنا الغير سوي فان كل واحد فينا اكيد صح والباقي اكيد غلط طالما مش زيوا
موضوع الكورنيش برده مفهتش الغرض منه ايه
البلد دي حتمشي عدل في حاله واحده
لو كل واحد خلي نفسه في حاله
لو كل واحد مبصش علي حاجه في ايد حد تاني
لو كل واحد منتقدش تصرف حد تاني
واخيرا
لو كل واحد فينا رضي بالحال زي ما هوه كده ومقعدناش كل شويه نعيب في البلد واحوالها اللي احنا كلنا اساسا السبب في حالها دلوقتي ده
متزعلوش مني بس المواضيع اللي زي دي ملهاش اي فائده تذكر

اقتباس:

---

المشاركة الأصلية كتبت بواسطة mhabib86

والله يباشا انا روحت البتاعة دى من 15 سنة تقريبا كنت لسة عيل صغير و كان نفس القصة بالظبط
بس الحق يتقال كان فى شوية سمك واحمد مكنش هناك

---

احمد فين يا جماعه
مينفعش كده
انت فين يا احمد

طب مين اللى كان موجود عب سلام و الا مين
عاوزين نعرف

ربنا يرحمك يا مصر .........

مرحتهاش من عشرين سنه بس كان فيها سمك وبحيرة

اقتباس:

---

المشاركة الأصلية كتبت بواسطة mido_soliman

هوه ايه المغزي من المواضيع اللي زي دي نفسي اعرف
هل تعميق كرهنا وقرفنا من البلد
هل تعميق كرهنا وقرفنا لتفكيرنا الغير سوي فان كل واحد فينا اكيد صح والباقي اكيد غلط طالما مش زيوا
موضوع الكورنيش برده مفهتش الغرض منه ايه
البلد دي حتمشي عدل في حاله واحده
لو كل واحد خلي نفسه في حاله
لو كل واحد مبصش علي حاجه في ايد حد تاني
لو كل واحد منتقدش تصرف حد تاني
واخيرا
لو كل واحد فينا رضي بالحال زي ما هوه كده ومقعدناش كل شويه نعيب في البلد واحوالها اللي احنا كلنا اساسا السبب في حالها دلوقتي ده
متزعلوش مني بس المواضيع اللي زي دي ملهاش اي فائده تذكر

---

لايا ميدو يا عزيزي. ونزعل منك ليه ياباشا
رايك لازم نحترموا .... وهنزعل من رايك ليه بس تعاله كده نفكر بالعقل والمنطق .... لحد ايمتى هنتقبل وضع البلد زي ماهيا عليه .... اذا احنا تقبلنا وسكتنا ومتكلمناش هتفضل هيا هيا البلد زي ماهيا ومش هتتقدم. نص متر واحد لقدام ... ولو جي اي واحد اتكلم هيقولك مالناس راضيين وساكتين .... لأ الناس مش راضين ولا ساكتيين .... ان مكناش نوضح السلبيات ونحط حوليها خط احمر كده هتفضل البلد هيا هيا. بزبلاتها بوسختها ونقول لنفسنا واحنا مالنا

امبارح كانوا جايبين وزير السياحة في قناة cbc اتكلم عن سلبيات كتيرررر لكن ياخسارة. مكنش بيبص غير لشرم الشيخ والغردقة والقرى السياحية وكنت مستني رقم يظهر على الشاشة علشان اتصل واقولوا فووووووووق. في عندك ملايين المناطق السياحية بقت خرابة والسياح بيخافوا يروحوها .... طول مافي مسخرة وقلت ادب وبلطجة وشحاتين. وكل سنة وانتا طيب يابيه مش بس السياح الي هيطفشوا حتى المصريين زات نفسهم. هيخافوا يروحوا اماكن زي كده

دي نقطة نقطة تانية لو فاكر حضرتك انك في مجرد منتدى عربيات وشوية شباب بيدردشوا تبقى غلطان .... ده في جهاز كامل حكومي. ومخابراتي بيراقب نبض الشارع وكلام الشعب ومشاكلهم عن طريق المواقع الي زي كده

في معانا اعضاء زي زيك بس صحفيين كمان بيخشوا مخصوص علشان يقدر يستلقطلوا موضوع يكتب عنوا .... في ناس بتشتغل في الدولة كمان اعضاء زي زيك. وفي المحافظة وفي فوسطنا الززابط وفي العقيد انتا ممكن تكون بتكلم واحد ومش بعيد يكون ابن المحافظ ولا المحافظ ذات نفسوا وعندوا هوايت العربيات

فلا تستهين بالمنتدى .... انتا لو تلاحظ اليومين دول في كزا موضوع عن ارتفاع سعر البانزين والسولار. .... فكرك الموضيع دي محدش بيتابعها ولا بيكتبوا عنها تقارير .... تبقى غلطان لان ده اسموا جس نبض الشارع المصري. واخذ عينة من كافت فئات وطوائف الشعب .... قدامك شرحية. واستقصاء جاهز ومجموعه اراء. بالنسبة لجهاز الدولة. ده نبض الشارع بطريقة جاهزة وميسرة زي الموزة مقشرة .... واعتقد ان الادارة بعتت رسالة قبل كده لجميع الاعضاء تنبهم بعد اللغط الكتير الي حصل في الشارع المصري وقالت انها لوطلب منها كشف بينات اي عضو ستطر بالتعاون مع الجهات المختصة .

المنتدى هنا زي الصحيفة او الجرايد بتقدر تنشر جميع مقالاتك. الي بيقراها بالزبط عدد لابئس به من القراء. ونقدر نسميه السلطة الرابعه. لانك بتمارس هوايتك الصحفية مجاناً ....

عرفت ليه ياباشا ان لو شفنا حاجة غلط بننتقد علشان تتصلح وتتحسن. .... ولا حضرتك عاجبك جنينة الاسماك معلم من معالم مصر مفهوش ولا سمكة وكلها حبيبه وعشاق وقلبوا الجبلاية اوووض نووووم وتبقى بتكلف الدولة شيء وشويات. علشان في النهاية احمد وامثالوا. يخوشوا في الكهف جوا يلعبوا باعراض الناس !

ومعليش كمان ياستاذ ميدو
احب اقول لوزير الصياعه المصري روح شوف دبي .... بدل مابتروحها بيزنيس خد لفه مع المدام والعيال. واعرفوا يعني ايه سياحة الاول مش تقولي قرى سياحيه والي شغالين في القرى السياحية بص كده ياباشا على جنينة الاسماك الي في دبي عاملة ازاي. ومش هقولك بص على جنية الاسماك الي في مصر لاننا كلنا عرفين وقريتوا مقالتي علي بيحصل فيها ان حتى ملقيتش ضفضعه فيها. بتقول واك واك

حديقة اسماك دبي


http://t3.gstatic.com/images?q=tbn:A...R9BUPna217tu5w

http://t2.gstatic.com/images?q=tbn:A...kAHcmNbpQ3c4kg

http://t0.gstatic.com/images?q=tbn:A...4SQwX7XCTMe9cw

http://t3.gstatic.com/images?q=tbn:A...R7TFcGar_E2V_Q


http://t1.gstatic.com/images?q=tbn:A...RGxj3VwIW2XQ4i

اقول كمان. ولا كفاية كده .... ومحدش يقلي الحجة الخيبانة بتاعتنا. هنجيب فلوس منين وتمويل منين .... احنا الجنينة موجودة عندنا فزوايا الجنينة في اربع اركان مهلمش لازمة مجمعين فيها زبالة الجنينة. .... الاربع اماكن دول لو يتاجروا لمطاعم اسماك كبيررررررة ومن ايجار المطاعم ده يقدروا يجيبوا حوووووووت في الجنينه مش شوية سمك.

تاني حاجة مينفعش جنينة عامة تقفل على الساعه اربعه كانها مصلحة حكومية. المفروض تفضل لغايت الساعه ١٢ بالليل وتنور كده ويبقى فيها كفتريات العاب اطفال. ومنتزه حلو لكل اسرة مصرية

ومش بس جنينة الاسماك حتى جنينة الحيونات الي بقت زبالة يوم ورى يوم ومحدش قادر يتكلم دي ثروة مصرررررر ولا ايه وتحياتي

أطلع على القلعه " جامع صلاح الدين الايوبي"
وان شاء الله هتقضي يوم كويس

اقتباس:

---

المشاركة الأصلية كتبت بواسطة y a r i s

ومعليش كمان ياستاذ ميدو
احب اقول لوزير الصياعه المصري روح شوف دبي .... بدل مابتروحها بيزنيس خد لفه مع المدام والعيال. واعرفوا يعني ايه سياحة الاول مش تقولي قرى سياحيه والي شغالين في القرى السياحية بص كده ياباشا على جنينة الاسماك الي في دبي عاملة ازاي. ومش هقولك بص على جنية الاسماك الي في مصر لاننا كلنا عرفين وقريتوا مقالتي علي بيحصل فيها ان حتى ملقيتش ضفضعه فيها. بتقول واك واك

حديقة اسماك دبي


http://t3.gstatic.com/images?q=tbn:a...r9bupna217tu5w

http://t2.gstatic.com/images?q=tbn:a...kahcmnbpq3c4kg

http://t0.gstatic.com/images?q=tbn:a...4sqwx7xctme9cw

http://t3.gstatic.com/images?q=tbn:a...r7tfcgar_e2v_q


http://t1.gstatic.com/images?q=tbn:a...rgxj3vwiw2xq4i

اقول كمان. ولا كفاية كده .... ومحدش يقلي الحجة الخيبانة بتاعتنا. هنجيب فلوس منين وتمويل منين .... احنا الجنينة موجودة عندنا فزوايا الجنينة في اربع اركان مهلمش لازمة مجمعين فيها زبالة الجنينة. .... الاربع اماكن دول لو يتاجروا لمطاعم اسماك كبيررررررة ومن ايجار المطاعم ده يقدروا يجيبوا حوووووووت في الجنينه مش شوية سمك.

تاني حاجة مينفعش جنينة عامة تقفل على الساعه اربعه كانها مصلحة حكومية. المفروض تفضل لغايت الساعه ١٢ بالليل وتنور كده ويبقى فيها كفتريات العاب اطفال. ومنتزه حلو لكل اسرة مصرية

ومش بس جنينة الاسماك حتى جنينة الحيونات الي بقت زبالة يوم ورى يوم ومحدش قادر يتكلم دي ثروة مصرررررر ولا ايه وتحياتي

---

مش عارف صحيح الوزير ماعملش الحاجات دي كلها ليه في الشهر اللي مسك فيه الوزارة!
ده حتى السياحة بقت زي الفل في كل حته وفاضل بس جنينة الأسماك محتاجة تتظبط والراجل قاعد فاضي

لا ياسيدي الفاضل
انا عارف كويس انو لسه بقالوا شهر بس المشكلة وزير السياحة بيجي من الوزارة ذات نفسها وبتبقى نظرتوا للسياحه انها قرى سياحية وشواطئ. فأنا دوري ودورك اننا نبه الوزير الجديد. ان معالم مصر الي في القاهرة شوف المهازل الي بتحصل فيها ويكون عندوا رؤيا شاملة للسياحة في مصر للاجانب والمصريين

ويكون في تنسيق بين المحافظة وبين الوزارة جبل زي جبل المقطم انا لمن رحت سوريا لقيت نسخه منوا هناك بس على شياكة ونظافه حبت كزينوهات معموله ومتنزهات فرري. وتوقف كده تتفرج على جمال سوريا من فوق الجبل

اسمو جيل قاسيون بس المشكلة مش لاقي صور للقعدات الي هناك الحلوة

http://t0.gstatic.com/images?q=tbn:A...bvnU-8ry90tnd8

http://t3.gstatic.com/images?q=tbn:A...uh5kCp0CoXKmzv

فبسئل الوزير هل هناك خطه عندك لتطوير. كورنيش جبل المقطم وانارته ورصفه وزراعته ووضع كراسي وسلالم واماكن لموقف السيارات دون مضايقة اصحاب الفيلل هناك وكافتيريات جيدة باسعار معقول ووضع تيلسكوب مجاناً ليتمتع كل مواطن بمنظر القاهرة الساحرررررررررر. في المساء ولا بنبص لقرى شرم الشيخ والغردقه بس

حديقه زي حديقة الازهر بارك. تعتبر معلم من معالم القاهرة والاولى في الشرق الاوسط من جمالها وروعتها .... السياح والاجانب بيطلبوا يروحوها بالاسم النهرده تعاله روحها تلاقيها لمت اشكال مايعلم بيها غير ربنا .... ونبص نلاقي العيال نازلين يستحموا بلابيص في النوافير بتاعتها ومش فاضل بكرة غير نشوف البحيرة. العيال جايبه مايوهاتها وشورتاتها ونازلة تعوم. .... وبالصور. انا هجيب صور من جوجل لان الصور الي عندي مينفعش تتعرض في المنتدى لان الاطفال عريانيين. خالص مالص. بصوا كده صورة اهي محتشمه شوية.

http://t0.gstatic.com/images?q=tbn:A...BbmvMJ3QZp_aoy

بزمتك ودينك. هيا دي حديقة مصنفه الاولى على مستوى الشرق الاووووووووسط ومعلم سياحي من معالم مصر .... هتقولي طيب مافيها امن عارف الامن بيعملوا ايه دلوقتي بيقولك يا استاذ ممنوع التصوير ..... علشان مش عاوزين يطلعوا الفضايح والبلاوي بره الجنينة ..... شوف حضرتك الصووووووورة. المشرفة لحديقة بيجيها السياح والاسر المحترمة والاجانب من جميع انحاء العالم هتقولي طيب ايه الحل هيمسكوا مين ولا مين انا اقول لحضرتك ايه الحل الحديقة كبيرررة بسم الله مشاء الله ممكن على اطراف الحديقة يعملوا العاب مجانية للاطفال من مرجيح وزحاليق وكده يعني بس على اطراف الحديقة بحيث تبعد الاطفال عن انهم يقصقصوا الزرع والورد او ينزلوا بلابيص في ترعة حديقة الازهر
اقول كمان ولا كفاية لاخلاص كفاية انا تعبت

اقتباس:

---

المشاركة الأصلية كتبت بواسطة Y a r i s

لايا ميدو يا عزيزي. ونزعل منك ليه ياباشا
رايك لازم نحترموا .... وهنزعل من رايك ليه بس تعاله كده نفكر بالعقل والمنطق .... لحد ايمتى هنتقبل وضع البلد زي ماهيا عليه .... اذا احنا تقبلنا وسكتنا ومتكلمناش هتفضل هيا هيا البلد زي ماهيا ومش هتتقدم. نص متر واحد لقدام ... ولو جي اي واحد اتكلم هيقولك مالناس راضيين وساكتين .... لأ الناس مش راضين ولا ساكتيين .... ان مكناش نوضح السلبيات ونحط حوليها خط احمر كده هتفضل البلد هيا هيا. بزبلاتها بوسختها ونقول لنفسنا واحنا مالنا

براحة بس وبالعقل بردة وواحدة واحدة ......!
سلبية اية سعادتك اللى بتقول لازم نوضحها انا مش فاهم اصل بجد الموضوع عجيب جدا وكان حضرتك من كوكب تانى ومتعرفش ان الكورنيش والميريلاند وحديقة الاسماك ومصنع الكراسى وشارع المنتزة فى الزمالك والاهرامات دول متنزهات للكبار فقط وبيحصل فيهم الكلام اللى سعادتك بتقولة دة من ايام ابو الهول لما كانت مناخيرة سليمة :) يا بية بتوضح لمين والموضوع معروف ومهروس فى 30 فيلم قبل كدة واتحدى ان يكون واحد بس عايش فى مصر ميعرفش :) فاولا موضوع ان احنا نوضح السلبيات ونحط حواليها مية خط .الجملة فى المطلق انا تفق عليها تماما ولكن فى الحالة اللى حضرتك عامل عليها الموضوع هى مش محتجاك ولا محتجانى ولا محتاجة حد خالص علشان يوضحها هى واضحة زى الشمس انت بس اللى مش واخد بالك :)

امبارح كانوا جايبين وزير السياحة في قناة cbc اتكلم عن سلبيات كتيرررر لكن ياخسارة. مكنش بيبص غير لشرم الشيخ والغردقة والقرى السياحية وكنت مستني رقم يظهر على الشاشة علشان اتصل واقولوا فووووووووق. في عندك ملايين المناطق السياحية بقت خرابة والسياح بيخافوا يروحوها .... طول مافي مسخرة وقلت ادب وبلطجة وشحاتين. وكل سنة وانتا طيب يابيه مش بس السياح الي هيطفشوا حتى المصريين زات نفسهم. هيخافوا يروحوا اماكن زي كده

دي نقطة نقطة تانية لو فاكر حضرتك انك في مجرد منتدى عربيات وشوية شباب بيدردشوا تبقى غلطان .... ده في جهاز كامل حكومي. ومخابراتي بيراقب نبض الشارع وكلام الشعب ومشاكلهم عن طريق المواقع الي زي كده

مش فاهم اية المشكلة فى كدة ماحنا عارفين ان فى لجان الكترونية وكنا بنجرى وراهم هنا ايام الثورة فى المنتدى وكنا بنرمى عليهم مولوتوف كمان ومنهم اللى اتعكش ومنهم اللى لابد فى الدرة عادى يعنى ... بردة كلامك فى المطلق ومتفق معاك لكن فى الحالة صاحبة الموضوع ولا شايف اى اهمية لكلام حضرتك بخصوص المتابعين لنبض الشارع والكلام دة كلة لانة باختصار شديد الموضوع دة مهروووووس قبل كدة كتير بردة :)

في معانا اعضاء زي زيك بس صحفيين كمان بيخشوا مخصوص علشان يقدر يستلقطلوا موضوع يكتب عنوا .... في ناس بتشتغل في الدولة كمان اعضاء زي زيك. وفي المحافظة وفي فوسطنا الززابط وفي العقيد انتا ممكن تكون بتكلم واحد ومش بعيد يكون ابن المحافظ ولا المحافظ ذات نفسوا وعندوا هوايت العربيات

ههههههههه والله يباشا انت راجل زى العسل بس واضح انك طيب زيادة عن اللزوم اة والله :)
صحفيين اية دول اللى محيصدقوا يلاقوا خبر زى دة يعملوا علية موضوع :)
يباشا والله حيترفدوا
دة مش سبق صحفى ولا يمت للمهنية بصلة اطلاقا
دة جاى من ارشيف سنة 1800 قبل الميلاد
انت مش مصدقنى لية ولا انت اللى مش عايش هنا ولا اية مش فاهم بجد
بص.... هوة لو الكلام لمجرد انى اعمل موضوع علشان الناس تشارك وتقول رائيها .....مااااااااااشى
بس انى ابقى بعمل موضوع وانا مش عارف ان دة الطبيعى اصلا فى الاماكن دى وواخد عيالى كمان وفى الاخر بستهجن ومدايق من العامل اللى طلع بملابسة الداخلية ولا القط والقطة اللى جوة
دة باة اللى مش طبيعى اطلاقا مطلقا ........يعنى انا فى الحالتين ساستفز :))))


فلا تستهين بالمنتدى .... انتا لو تلاحظ اليومين دول في كزا موضوع عن ارتفاع سعر البانزين والسولار. .... فكرك الموضيع دي محدش بيتابعها ولا بيكتبوا عنها تقارير .... تبقى غلطان لان ده اسموا جس نبض الشارع المصري. واخذ عينة من كافت فئات وطوائف الشعب .... قدامك شرحية. واستقصاء جاهز ومجموعه اراء. بالنسبة لجهاز الدولة. ده نبض الشارع بطريقة جاهزة وميسرة زي الموزة مقشرة .... واعتقد ان الادارة بعتت رسالة قبل كده لجميع الاعضاء تنبهم بعد اللغط الكتير الي حصل في الشارع المصري وقالت انها لوطلب منها كشف بينات اي عضو ستطر بالتعاون مع الجهات المختصة .

المنتدى هنا زي الصحيفة او الجرايد بتقدر تنشر جميع مقالاتك. الي بيقراها بالزبط عدد لابئس به من القراء. ونقدر نسميه السلطة الرابعه. لانك بتمارس هوايتك الصحفية مجاناً ....

عرفت ليه ياباشا ان لو شفنا حاجة غلط بننتقد علشان تتصلح وتتحسن. .... ولا حضرتك عاجبك جنينة الاسماك معلم من معالم مصر مفهوش ولا سمكة وكلها حبيبه وعشاق وقلبوا الجبلاية اوووض نووووم وتبقى بتكلف الدولة شيء وشويات. علشان في النهاية احمد وامثالوا. يخوشوا في الكهف جوا يلعبوا باعراض الناس !

معلش بس هوة حضرتك قلت جملة فى اخر كومنت دة استوقفتنى .......
حضرتك بتقولى عرفت لية لو شفنا حاجة غلط بننتقد علشان تتصلح وتتحسن ؟؟؟؟!!!!!!!!! ولنا هناااااااااااااا وقفـــــــــــــه على راى محمد صبحى

حضرتك انتقدت دلوقتى تمام ..... انتقدت لمين ......لصاحب النقد ولا لحد تانى ؟؟؟ لحد تانى طبعا اللى هوة احنا ..... واحنا جهة لا بيها ولا عليها يعنى لا فى ايدنا حاجة ولا فى رجلينا حتى :)
يبقى الانتقاد وجه فى غير مكانة وبالتالى النتيجة المرجوة منة لن تتحقق اطلاقاااااااااااااااااااا ااااا
عرفت انت باة لية انا قلتلك فى اول تعليق ليا
انى مش عارف اية المغزى من الموضوع دة واياة بتاع الكورنيش
وان المواضيع اللى زى دى مفيش منها فائدة على الاطلاق
اصلى مخبيش عليك انا واحد من الناس للاسف الشديد جدااااااااااا
مكرهش فى حياتى قد الضحكة الصفرا اللى هى زى مثلا مثلا مثلا
كلمة عمار يا مصر اللى فى اخر موضوعك بالظبط
تحياتى العطرة

---

يستحسن ماحدش يروح الهبابة دي خصوصا مع بداية الدراسة , الجنينة بتبقي مليانه عيال مزوغة من المدارس , خصوصا ان تذكرتها رخيصة ,واكيد مش حتبقي امن فيها ع اهل بيتك

الله يجازيك
ههههههههههههههههههههههههه ههههههههههههههههههههههههه هههه

لا حول لا قوة الا بالله

شر البليه ما يضحك...

عارف
انا دخلت الكليه 7 سنين نص والحمد لله خلصت ولازال قصر علي باشا تحت الصيانه

هههههههههههههههههههه

خليها على الله
ومعاك حق في موضوع الكتابه عن الحاجات دي وفعلا متستبعدش انها بتتقري من ناس لعله نداك يوصل وظاهرة احمد والقطه تختفي...

جمعه مباركه عليك على القراء...

[color="black" ] ياه ياعم ميدو .... اتاري الواحد مش عايش في الدنيا وطلع الموضوع قديم قووووي. طيب ياجماعه مش كنتوا تقولولنا. ايام مكنا في الجامعه ههههههههه

يعني يا اخي ميدو الاماكن دي من زمان كده وهو ده الطبيعي من بنك مصر قصدي من مصر .... طيب الراجل الغلبان الي زي حلاتي لمن يجي يحب يفسح عيالوا في مكان جديد وشيك باسعار معقوله يوديهم فين. :!!!!
١- اذا جنينت الاسماك موبوؤة
٢- وجنينة الحيونات زبالة الزبالة
٣- والاورمان مفهاش حاجة
٤- وجنينة الازهر عليه العوض ومنو العوض
٥- والكورنيش ملغم
٦- وحتى الحديقة الدولية عيال ملياه بتلعب كورة وحاجة اخر قرف
ودريم بارك. التذكرة ب ٦٥ وانا شخصياً حفظتها
والفسطاط. احتلوها شوية عيال شمامه
والقلعه. العيال حفظوها
وحتى الهبي لاند زهقزا منو
ده حتى لمن بقوولهم يالله بينا على اسكندرية يوم صد. رد يقولولي يووووووه يابابا اسكندرية تاني خلينا قاعديين في البيت احسن هو مفيش مكان جديد ونضيف باسعار معقوله لاي اسرة مصرية متوسطة ممكن الواحد ياخود اسرتوا عليه بما ان البلد كده وهتفضل كده .... وكويس انك نبهتني. ياباشا اني مخودهمش على جنينة المريلاند حاكم كنت ناوي اوديهم النهرده. لاني مرحتهاش قبل كده. واسمها جميل. ميريلاند اسم رنان كده ولزيز .... [/color]

ده التميز انك تروح جنينة الاسماك ومتلقيش سمك
ولذلك حكمة
انك لو روحت حديقة الحيوان هتلاقي هناك السمك والملوحة مفروشة علي الارض
دي الحكمة ان فجنينة الاسماك تلاقي ققط وطيورر ..

اقتباس:

---

المشاركة الأصلية كتبت بواسطة hm414

الله يجازيك
ههههههههههههههههههههههههه ههههههههههههههههههههههههه هههه

لا حول لا قوة الا بالله

شر البليه ما يضحك...

عارف
انا دخلت الكليه 7 سنين نص والحمد لله خلصت ولازال قصر علي باشا تحت الصيانه

هههههههههههههههههههه

خليها على الله
ومعاك حق في موضوع الكتابه عن الحاجات دي وفعلا متستبعدش انها بتتقري من ناس لعله نداك يوصل وظاهرة احمد والقطه تختفي...

جمعه مباركه عليك على القراء...

---

هههههههههه اده معقوله هيا من زمان قوي كده وهيا مقفولة .... انا اسمع ان في ناس دخلوها وشكروا فيها
http://t2.gstatic.com/images?q=tbn:A...y7iFt-UrVJDu0Q

طيب هو دلوقتي مش البيت الابيض في امريكا بيعملولوا رحلات. زيارة ويخلوا الناس تتفرج عليه مينفعش الكلام ده يتعمل في مصر .... ده حتى قصر البارون كل ما اروحلوا الاقيه قافل

اقتباس:

---

المشاركة الأصلية كتبت بواسطة S O P H O S

ده التميز انك تروح جنينة الاسماك ومتلقيش سمك
ولذلك حكمة
انك لو روحت حديقة الحيوان هتلاقي هناك السمك والملوحة مفروشة علي الارض
دي الحكمة ان فجنينة الاسماك تلاقي ققط وطيورر ..

---

هههههههههه يابوحميد اه واللهِ
مش ناقص غير تخش جنينة الحيونات وتبص على الاحواض تلاقيهم كاتبين ورقه مكتوب عليها عليك واااااحد دحكنا عليك. بس ايه رايك في الجنينة والنظام هههههههه

زي نكتت. الي راح يشتري فرخه فلقى محل طويل عريض كزا دور دخل المحل قال عاوز فرخه قالولوا الفراخ في الدور الي فوق طلع فوق قلولوا عاوزها بيضه ولا حمره قال لابيضة قالوا في الدور الي فوقينا طلع فوق قالولوا عاوزها مقطعه ولا كاملة قالهم لا كاملة قالولوا اطلع فوق. طلع فوق قالولا مفيش فراخ بس ايه رايك في النظام ههههههههههه

اهو احنا نفس الحكاية لبسنا وطلعنا وحضرنا السندويتشات وتورمس الشاي لا وخدنا فتافيت عيش معانا علشان يوكلوا السمك وفي النهاية ملقيتش سمكه وحده ولقيت احمد هناك وحارس الحديقة الي قاعد بيتمشى بالاندر وير .... الا ممكن انزل صورتوا هنا على المنتدى ولا ده يبقى تشهير باندر وير الحارس او نوع من الدعاية لكوتنيل ههههههههه

اقتباس:

---

المشاركة الأصلية كتبت بواسطة mido_soliman

هوه ايه المغزي من المواضيع اللي زي دي نفسي اعرف
هل تعميق كرهنا وقرفنا من البلد
هل تعميق كرهنا وقرفنا لتفكيرنا الغير سوي فان كل واحد فينا اكيد صح والباقي اكيد غلط طالما مش زيوا
موضوع الكورنيش برده مفهتش الغرض منه ايه
البلد دي حتمشي عدل في حاله واحده
لو كل واحد خلي نفسه في حاله
لو كل واحد مبصش علي حاجه في ايد حد تاني
لو كل واحد منتقدش تصرف حد تاني
واخيرا
لو كل واحد فينا رضي بالحال زي ما هوه كده ومقعدناش كل شويه نعيب في البلد واحوالها اللي احنا كلنا اساسا السبب في حالها دلوقتي ده
متزعلوش مني بس المواضيع اللي زي دي ملهاش اي فائده تذكر

---

مش متفق معاك فى ولا كلمه قولتها ..........

البلد حالها يتصلح لو كل واحد فينا اشتغل بضمير لصالح البلد وابتدى بنفسه

والنقد البناء هو الطريق الى الصلاح والتقدم

مفيش حاجه اسمها كل واحد يخليها فى نافسه احنا فى وطن واحد وكل بيرجع لينا

اقتباس:

---

المشاركة الأصلية كتبت بواسطة y a r i s

ومعليش كمان ياستاذ ميدو
احب اقول لوزير الصياعه المصري روح شوف دبي .... بدل مابتروحها بيزنيس خد لفه مع المدام والعيال. واعرفوا يعني ايه سياحة الاول مش تقولي قرى سياحيه والي شغالين في القرى السياحية بص كده ياباشا على جنينة الاسماك الي في دبي عاملة ازاي. ومش هقولك بص على جنية الاسماك الي في مصر لاننا كلنا عرفين وقريتوا مقالتي علي بيحصل فيها ان حتى ملقيتش ضفضعه فيها. بتقول واك واك

حديقة اسماك دبي


http://t3.gstatic.com/images?q=tbn:a...r9bupna217tu5w

http://t2.gstatic.com/images?q=tbn:a...kahcmnbpq3c4kg

http://t0.gstatic.com/images?q=tbn:a...4sqwx7xctme9cw

http://t3.gstatic.com/images?q=tbn:a...r7tfcgar_e2v_q


http://t1.gstatic.com/images?q=tbn:a...rgxj3vwiw2xq4i

اقول كمان. ولا كفاية كده .... ومحدش يقلي الحجة الخيبانة بتاعتنا. هنجيب فلوس منين وتمويل منين .... احنا الجنينة موجودة عندنا فزوايا الجنينة في اربع اركان مهلمش لازمة مجمعين فيها زبالة الجنينة. .... الاربع اماكن دول لو يتاجروا لمطاعم اسماك كبيررررررة ومن ايجار المطاعم ده يقدروا يجيبوا حوووووووت في الجنينه مش شوية سمك.

تاني حاجة مينفعش جنينة عامة تقفل على الساعه اربعه كانها مصلحة حكومية. المفروض تفضل لغايت الساعه ١٢ بالليل وتنور كده ويبقى فيها كفتريات العاب اطفال. ومنتزه حلو لكل اسرة مصرية

ومش بس جنينة الاسماك حتى جنينة الحيونات الي بقت زبالة يوم ورى يوم ومحدش قادر يتكلم دي ثروة مصرررررر ولا ايه وتحياتي

---

احييك على الفكره والرؤيه ,, تحياتى