كويس اوي موضوع الحديد ولما مصر كلها تحط حديد وتحب تزور حد وتلاقي مافيش ولا عربية راكنة والحديد منور يبقي اية شعورك
ياجماعة احنا عندنا مشاكل كتير وللاسف حلها مستعصي والحل بتاع الحديد سلبي واناني
المفروض نوعي بعض بانك لو مش لاقي راكنة وحتركن صف تاني سيب العربية ممورة او علي ال نيوترال في الاتوماتيك علشان اللي حضرتك زانقوا يعرف يخرج
وبعدين مش لازم تركن العربية ادام السرير ياخي اتمشي شوية وحاول تركن العربية في منطقة اخري مافيهاش زحام لو الحتة اللي هتركن فيها لقيتها زحمة وبلاش تربسة مخ وانانية
وكلة كوم ولما تلاقي واحد شايف الشارع مابيعديش غير عربية واحدة ويحلالو انة يسيب العربية ويقفلها ويسوجر ويطلع ولا كائن فية بني ادمين بتعدي في الشارع
ياسادة شوارعنا بقت مزدحمة جدا والعربيات كترت وللاسف الشوارع مش مقضييه
اعتقد الحل في التوعية وتنمية الاحساس بالمسؤلية تجاة النفس والغير وان الواحد مايعملش اللي ممكن لو اتعمل فية يكرهه واظن دينا قال كدة ولا اية يارجالة