الموضوع: بالفيديو مقارنه بين انواع السوست الاسبور و العفشه الاسبور الكامله .ممتازه فعلا .

مع احترامي لكلامك لكن الكلام ده مش هنا لاحظ اني بتكلم بالنسبة لينا هنا :)

المشاركة الأصلية كتبت بواسطة moha4tec

مع احترامى لراى حضرتك
بس انواع العفشه الاسبور او ال after market كتير جدا
يعنى مثلا فى اللى بيدى راحه و نعومه اكتر من الاستوك و بيكون للاستخدام اليومى
و فى الرالى للناس اللى بتمشى فى اماكن وعره او مكسره و بتستحمل كتير و قويه و ثابته .
و فى المخصصه للسباقات بس و منها انواع .و درجات و دى متنفعش تمشى غير فى التراك بتاع السباق فقط
كلام سليم لكن الكلام ده انساه هنا الا لو هتجيب من برة مخصوص اللي بيتباع هنا محدود و غالبا بيكون عشان الجري و السبق لأن ديه العقلية الشبابية هنا يثبت العربية عشان يجري مش عشان الحفاظ ع حياته او راحته
بالاضافة ان الشوارع هنا متنفعش للجري اولا شوارع ضيقة ثانيا زحمة يعني مش محتاجة اساسا ثالثا اغبياء القيادة كمان احب ان اسميهم


و بعدين العفشه بتفرق و الثبات و الفرامل و السرعه القسوى .و تعتبر من عوامل الامان فى الظروف و المواقف المفاجاة لا قدر الله . و دى بتحصل كل يوم .
يعنى لسه واحد صحبى بالنترا 2009 لبس فى اللف بتاع حديقة الازهر ليه بقى جه داخل بسرعه و تاكسى كسر عليه عكس اتجاه الملف فاضطر يفاديه عكس اتجاه الملف و فاداه فعلا و جه يلم العربيه عملت understeer و ملفتش معاه و لبس فى الخرسانه .و جت عربيه من وراه كمان لبست فيه بعد ما لبست فى الخرسانه و العربيه كانت مايله و ضربه من الطرف فالعربيه اتقلبت .و الترقوة اتكسرت و الحمد لله شوية رضوض .
و العربيه باظت و باعها حوادث للاسف .
لو كان بقى مركب عفشه اسبور مثلا كانت ممكن تنفعه فى موقف زى ده . و خلى بالك الطريق و الملف ده معمول غلط و ياما عربيات خيشت فيه و ده داخل المدينه .فمينفعش تحكم على العفشه الاسبور انها متنفعش هنا .

معلش يا باشا حد قاله يجري في الملف ده و ده ملف خطر ؟؟ زي مقولتلك فوق الشوارع بين المدن عندنا ضيقة و زحمة ده غير الغباء الازلي من ناس كتيير في السواقة و خاصة التاكسيات و الميكروباصات
و زي مانت قولت الملف معمول غلط يعني اللي يجي يجري فيه بيبقي بيجازف
و الملف ده حتي لو راكب ايه و داخل ع سرعة و الدريكسيون حاولت تحركة سم غلط خلاص خيشت لو معرفتش تلم صح
بالاضافة ده برده نصيب و حتي لو مركب عفشة سبور العربية برده ممكن ميعرفش يلمها مش مقياس يعني طالما العربية عفشة سبور يبقي مش هتتقلب و لا هيحصلها حاجة هي بس هتساعد لكن الشارع و الظروف المحيطة و السواق عليهم نسبة كبيرة و هو نصيبه برده :)
زي ما كنت لسه بتكلم في موضوع حوادث العربيات و كل حادث و له ظروفه ع سبيل المثال ع طرق الـn\a قدامي شاب كان سايق عربية كيا برايد قديمة و كان ع سرعة تفوق 100 و فجأة لعبت منه و اتقلبت ع كل جنب و باب و بعدها نزلت استقرت في الاخر فوق الرصيف و مع ذلك مفيش حصلت للعربية اكتر من خبطات بسيطة و الاتنين اللي جوة الحمد لله طلعوا سالمين و مكنوش رابطين حزام الامان كمان


عندك مثلا العفشه الرالى تنفع معانا هنا فى مصر جامد جدا جدا .ثابته بس مش بتاعة ال race و بتستحمل المطبات و الحفر و ممكن تتحكم فى ارتفاعها و درجة النعومه او التنشيف و كده .و كمان ممكن تعلى العربيه عن مستواها الطبيعى العادى .و كمان مبتهبطش جامد مع التحميل زى العفشه العاديه .
يعنى لو مسافر البلد او العزبه او طالع سفارى .ممكن تعلى العربيه و تنعمها .و لو ماشى طريق الغردقه او شرم او العين السخنه ممكن توطيها و تنشفها وتستمتع بالعربيه و الثبات و الادرينالين بيجرى فى عروقك .
و لو معاك حموله كبيره و هتعدى على مطبات هتعليها و تعيش عادى .
يعنى حاجه فيها مرونه و اوبشنز كتير و متعتبرش عيب فى العربيه .لا طبعا دى ميزه كبيره و بتعلى سعر العربيه كمان .
و الله اعلم
ديه اسمها هيدروليكي و نادرا لو لقيتها هنا بتتجاب بالطلب برة ناهيك عن سعرها هي ديه المشكلة عندنا سوق الكماليات و ما يخص السيارات تعبان شويتين عشان كده شايف ان الأفضل اللي يجيبها و يدفع اللي طرقه كلها سريعة

و زي مقولت قبل كده طالما وسط المدن مش محتاج عفشة سبور لأن الشوارع لا تؤهل للجري ده غير غباء نوعيات بعض السائقيين الا لو للراحة و عندك استعداد تدفع هنا تنفعك عشان الشوارع المتبهدلة و اشك انها تستحمل برده احنا ناخد المركز الأول في الشوارع المهلكة هههههههههه