يا ريت لو حد من ملاك السول يدخل يقلى العربية عامله إيه معاه و يقولى رأيه برده
عرض للطباعة
يا ريت لو حد من ملاك السول يدخل يقلى العربية عامله إيه معاه و يقولى رأيه برده
انا معايا العربيه وماشي بيها 15 الف كيلو خليجي هاي لاين استبترونك 4 سرعات واسمارت كي و esp و2 اير باج و abs
الي خلاني اجيب الخليجي وسائل الحماية لانها في نظري اهم حاجه فالعربية
بس زي مابتقول لانها جنط 18 المطبات صعبه اوي وبتحس باصغر نقره عالطريق
العربية ماشاء الله ثابته جداً في الملفات وعلى سرعات كمان وبتجري بس اخرها 175 مش 180 يمكن علشان بتاعتي موديل 2011 قبل مايعدلوا الموتور
بس وانا جايب ال 175 كانت ثابته جداً والتحكم طبيعي جداً
استهلاك البنزين في متوسط 10 لتر لكل 100 كيلو
الكاميرا الخلفية ممتازة وبتشتغل فالعتمه وشايف انها مهمه في العربيه لان الازاز الي ورا صغير وعالي والعمدان الي في الجمب ورا كبيره اوي والسنسور مش بيجيب حاجات كتير
هي دي اول عربية ليا فمش قادر اقارنهالك بعربية تانيه لو في اي سؤال انا تحت امرك
شوف انا ركبت العربية دي مع المبيعات بتاع التوكيل في كيا واحنا رايحين نشوف الريو بتاعتي في المخزن لانه رفض يجيبها المعرض علشان محدش يدخل عنده يشوفها كل شويه فكان يعني مخبيها لان دلوقتي في اوفر برايس وكلام كتير علي الاسعار في الريو والسبورتاج والله المستعان
عموماً واحنا ماشيين قلت له ممكن اجرب العربية قال لي اتفضل المهم ركبت وصدقني العربية من غير abs و ebd على سرعتها هتلاقي الفرامل مش بالشكل اللي في بالك بس حلو
يعني احنا كان قدامنا الشارع فاضي لان المخزن برا البلد فقررت اجري شويه وحبيت اهدي اخدت وقت عكس ما هيكون عندك abs و ebd اقل فرامل هتأثر على سرعة العربية في اقل من ثانيتين او ثانية
انا عن نفسي مش بحب امشي بسرعة بالعربية انا ببقي براحتي على الاخر ومشغل الايبود والتكيف وماشي براحتي :)
ولكن فعلاً الـabs و ebd مهمين عموماً لانها اصبحت "أ ب" وسائل امان في اي عربية فئة عالية والسول طبعاً من العربيات الفئة العالية هي والسيراتو الريو ... الخ
نصيحتي اذا معاك المبلغ توكل على الله واشتري الهاي لاين توكيل علشان متتعبش نفسك وتدخل في حوارات فلوس كتيره مع التوكيل لو كان في العربية مشكلة لاقدر الله وانت خليجي هتلف حوالين نفسك مليون مره على الشكاوي
وانا اشتريت الهاي لاين بس علشان الـABS و EBD مابالك انت عندك كاميرا وليدات زيادة ؟ انا لو منك من غير تردد اخد الهاي لاين
فعلا الفرامل ضعيفة من غير abs بالمقارنة بالسيراتو ولكن لو اتعودت عليها هتستغنى عن ال12 الف الفرق وفى النقطة دى بالتحديد الراى الاخير ليك
خلينا فى التأمين طبعا معروف ان التأمين فى القسط بيكون اجبارى وفى حالة الكاش بيكون اختيارى وشرعا حرام طبعا
التوكيل متعاقد مع مصر للتامين النسبة تقريبا 3.5 % ، العربية عملت حادثة تروح توديها التوكيل يتصلو بيك تعالى استلم وادفع 10 % نسبة تحمل بالاضافة الى خصم نسبة 25 % فى حالة السرقة لا قدر الله وده معمم على كل شركات التامين وبالمناسبة الموضوع ده هيقررو فى شهر 12 اذا كان هسيتمر ولا لا
كل ما نسبىة الشركة عليا يبقى المميزات اعلى والخدمة ممتازة
محتاجة بحث شوية منك علشان النسب بتتغير كل فترة
أولا شكرا يارجالة على الردود الحلوة ديه و معلش أنا كنت ملخوم فى الشغل جامد اليومين دول و مدخلتش على المنتدى تقريبا
ثانيا كنت عايز أعرف ما علاقة قوة أو ضعف الفرامل بوجود abs أو بعدم و جوده
لأن ال abs فكرته أنه ما يخليش العجل يقفش و يعمل نبضات
لكن مشوار الفرامل و قوتها واحد فى الحالتين
هو ال ebd ممكن اللى يفرق لأنه بيوزع قوة الفرامل على الاربع عجلات فممكن فى الحالة ديه تحس بقوة فرامل مختلفه عن عدم وجوده
يا ريت حد يأكد كلامى و يصححلى معلوماتى لو أنا غلطان
الabs بيطول مسافة الفرامل حاجة بسيطة بس مبيخليش العربية تتزحلق على الرمل أو المية و كمان بيخليك تقدر تحود و انت دايس فرامل و العربية مش هتلف زى الفرامل العادية
أنا معايا العربية و عامل فوق ال 12,000 كيلو توكيل هاى لاين موديل 2011 و العربية زى الفل و نفسى أجيب الشكل الجديد منها
عربيتى فيها abs و الفرامل كويسة جدا( مش ممتازة و لكن جيدة جدا)
أهم حاجة فى أختيار العربية تبقى مقتنع بيها تمام و ربنا يباركلك فيها و يديك خيرها و يكفيك شرها
أنا مش معايا العربيه و ماركبتهاش قبل كده
بس نصيحه,,,,ماتشتريش العربيه من غير abs و ايرباج واحده علي الأقل