عرض للطباعة
أنا عايز أعرف من كل زميل محترم ... ابه هي أكتر عربية قعدت معاه يستخدمها و يهري فيها (هو أو الأسرة)؟؟؟ و لمده كام سنه؟؟؟:3gears::3gears:
عربيتنا ال128 مو1979 داخله على السنة ال14 معانا على الحلوة و المرة و يا رب ديم علينا النعمة دايما...:wheelchair:
من خلال المشاركات ممكن نعرف متوسط أعمار أستخدام السيارات في مصر باعتبار أننا عدينا ال14000 عضو ما شاء الله.
عربية تويوتا كورولا من سنة 1989 حتى سنة 2008 يعنى 19 سنة ,واتباعت بحالة ممتازة جدا
انا برضه كان عندى 128 موديل 1979 ولفت على الاسره و بعتها السنه الى فاتت بعد ما قعدت معانا 28 سنه :wheelchair: و قابلت الى اشتراها منى قريب و لسه شغاله معاه تمام :driving:
هاهاهااااااااا أكيد بعتها بالكتالوج :)اقتباس:
المشاركة الأصلية كتبت بواسطة Eng.Ahmed
ال 125 بالتاكيد من 87 الي 2004 يعني 17 سنه
و ال132 من 81(زيرو) الي 2000
و ال505 ما كملتش 4 سنين بس كانت ممتازه
و في العيله عربيه 125 ايطالي موديل 72 معانا من 88 لحد انهارده يعني 20 سنه
و حالتها ما شاء الله قريبه من الزيرو لان خالي محتفظ بيها و بيحافظ عليها اوي
وسع يا باشا ... وسع ..وسع
مازدا 929 من 1977 زيرو الى يومنا هذا ... بسم الله ماشاء الله .. ولسة مع والدي وساعات باسوقها من باب استعادة الذكرايات... ومن باب زويلة برضه ...
وانا كان معايا شاهين من 2001 زيرو الي 2008 شهر مارس 7 سنين وشوية
بالترتيب
128 مو 91 قعدت معايا من 98 ال 99 ...11شهر
لانسر 99 قعدت معيا من 3/2000 الي 11/2000 ..حوالي 7 اشهر ..
الفيليشيا ..حبيبة قلبي ...من 1/2001 الي 2/2004 ..ثلاث سنوات و شهر ..و اكتر عربية ريحتني فيهم ..
جولف 2 من 1989 الي 2007
بعد كده سقطلها موتور 1800
بس والدي اصر اننا نبيعها خوفا عليا لأني الصراحه بقيت بجري بطريقه مفزعه
يعني كنت ساعات بوصل 180 في البلد في الاوتوستراد وكده
بس الصراحه نا مفيش عربيه مكيفاني بعدها
انا ركبت لانوس وبيكانتو وياريس ونيو النترا بس الالماني الماني من زمان
127 موديل 1983 من 9/1999 إلي 10/2006 - 7 سنوات
بولو موديل 1999 من 2/2007 حتي الآن
بالاضافة لبعض السيارات الحديثة التي ذكرت و اللي مافيش غبار عليها لفت نظري بعض الجواهر زي:
505 الشياكة و سيارة السياحة المفضلة بعد المرسيدس حتي وقت قريب
132 العضلات و الكماليات في نفس الوقت علي أيامها
125 نجمة الأسواق في الثمانينات و حتى أول التسعينات... شكرا حازم باشا على التشكيلة الروعة
929 السفينة :) و تحفة مازدا على مر العصور ... كلنا هانوسعلك أحمد بيك :)
الجولف المتألقة دائما و أبدا (ولسه ال TSI) فعلا اللي يركبها يحس بمتعة القيادة بكل المعاني
و طبعا 127 (بحب الساعة الديجيتال بتعتها أوي :)) كان فيها لمحة شياكة خارجية و داخلية
و أخيرا و ليس أخرا 128 حبيبة الجماهير نجمة الأرقام (مبيعا و عمرا و ....) و االي ليها معزة خاصة في قلوب المصريين:smartass:
في انتظار المزيد و المزيد من الجواهر ..........
انت بتقول فيها ، الكتالوج كان لسه معايا و اديتهولهاقتباس:
المشاركة الأصلية كتبت بواسطة Mohamed-Saoud
فى اعتقادي أكتر عربية معمرة هي الفولفو 240.
مع والدي مازدا 323 موديل 1992 كان شاريها زيروا من السعوديه و لسه معانا لحد دلوقتي
عربيه بسم الله ما شاء الله ناعمه و تابلوها شكله حلو و من أحلي العربيات اللي انا سوقتها و لسه بحب أسوقها (عشان أرخم علي والدي) مشكلتها العربيه نادره جدا(ماشفتش الا 4 في مصر مثلا من ساعة ما جيبناها) و ماعرفش حد معاه أصلا (قطع الغيار بينجيبها من السعوديه عمي عايش هناك حتي الان)
و لسه برضه كاتالوجها موجود و كتيب الصيانه حتي
فولفو 240 موديل 1985.. معانا أول يد والحمد لله ماشية كويس لحد دلوقتى.. صحيح بدأت تفتح بقها بس برده ولا يهمنا.. هى تفتح واحنا نرميلها خروف مشوى :tt2:
فيات 1100 مو 64 من 95 - 98
بدون سيارة - 98 - 2001
فيات 128 مو 74 من 2001 - 2002
فيورا مو 85 من 2002 وحتى 2006 "من أحلى العربيات"
فيرنا 2007 من نهاية 2006 وحتى الان ..
البويك skylark كانت عربية تحفة 2500 سي سي اعدت معانا حوالي 9 سنين و ال132 2000 سي سي كانت برضه عربية حجر تضربها في الحيط تردلك سليمة و اخيرا الابيزا 94 من سنة 1994 حتي يومنا هذا مشتكيناش منها ولا شكوة عربية زي الفل الحمد لله
2300 سيسي و لا 2000؟ استهلاكها للبنزين شكله ايه ؟ بيقولوا الصفيحة مابتعملش غير 100 كم صح الكلام ده؟اقتباس:
المشاركة الأصلية كتبت بواسطة yehia
كامرى 1995 (كنا شارينها زيروو) بعتا السنة الى فاتت بالكتالوج :d
أيام زمان كانت الشيفورلية أحسن من المرسيدس في مصر ...كانت أمريكاني أصلي بجد:superman:اقتباس:
المشاركة الأصلية كتبت بواسطة mohamed ibiza
بالنسبة لحكاية تخبطها في الحيط و ترد ..عيب عليك تقول الكلام ده و الفيات 1100 تم ذكر أسمها في الموضوع :) :)
بالنسبة للفولفو 240 فياريت فعلا معلومات أكتر عن حالتها في السوق دلوقتي.
هان عليك تبيعها ؟؟؟ :)اقتباس:
كامرى 1995 (كنا شارينها زيروو) بعتا السنة الى فاتت بالكتالوج
بس أتضح لي خلال مشاركاتكم أن أحنا فعلا في المتوسط العربيات بتقعد معانا سنين طويلة... و الفيات تكسب حتي الان :):)
اكيد الفيات تكسب يا محمد باشااقتباس:
بس أتضح لي خلال مشاركاتكم أن أحنا فعلا في المتوسط العربيات بتقعد معانا سنين طويلة... و الفيات تكسب حتي الان :):)
مين فينا مكنش عنده او عند قريبه عربيه فيات او اتنين او تلاته
مين فينا ما ركبش التاكسي ال 1300 و ال 124 و ال 131
مين فينا مكنش حلمه يجيب 131 سوبر بعد ما ينزل من ال 128
.........
لما ان شاء الله ربنا يدينا طوله العمر و نعمل الاستفتاء دا تاني كمان عشرين سنه
حتلاقي الياباني مكتسح بس محدش حيقول علي عربيه قعدت معاه اكتر من 5 او 7 سنين!!!!!!
على مستوى الأسرة فيات 132 موديل 1976 انضمت للأسرة سنة 1981 ولاتزال مع اخى حتى الآن بعد وفاه ابى، يعنى 27 سنة وحوالى مليون كليومتر
على المستوى الشخصى شاهين 2003، خمس سنوات ، و100 ألف كيلومتر
سؤال صغير للباشمهندس سبعاوى وياريت يجاوبنى
انا هاشترى عربيه وبقارن بين متسوبيشى لانسر 1600 رياضيه و نيسان صنى 1600 سوبر صالون مع العلم ان المتسوبيشى اغلى حوالى 11000 جنيه
عايز اعرف ال 11000 دول فرق فى السعر ليه؟
مع ان الامكانيات بتاعه العربيتين تبان واحده !!!!!!!!!
وياريت مقارنه بينهم على نمط الدرس الخصوصى :original: