انا ان شاء الله يوم الاحد مسافر يومين الاسكندريه ونازل في مدينة فيصل فكنت بسال الاعضاء الكرام بما اني محتار انزل بالعربية ولا مواصلات هل البلد امنه وهل بنزين 80 متوفر ولاهاقضيها لف على البنزين :eee:
شكرا
عرض للطباعة
انا ان شاء الله يوم الاحد مسافر يومين الاسكندريه ونازل في مدينة فيصل فكنت بسال الاعضاء الكرام بما اني محتار انزل بالعربية ولا مواصلات هل البلد امنه وهل بنزين 80 متوفر ولاهاقضيها لف على البنزين :eee:
شكرا
ايه ياجدعان مفيش حد من اسكندرية او راح حتى اسكندرية اليومين دول
بص اسكندرية مش قلق خالص بس انا من اسكندرية ماروحش فيصل دى ابدا بالعربية !!
لو ليك مشوار قشطة روح قضيه بالعربية! لو هتقضى يومين روح مواصلات
المواصلات فى اسكندرية فى الوقت دة مش صعبة اوى
بنزين 80 متوفر مفيش فيه مشكلة والافضل طبعا تيجى بعربيتك
في فيصل واللي حواليها بنزين 80 والسولار عليه ازمه في بعض البنزينات
مدينة فيصل ديه بالقرب من سيدى بشرر والعصافرة ؟
توكل على الله وانزل بعربيتك بس خليك مأمن نفسك فى موضوع البنزين
ياعنى متنزلش الا لما تكون فول تانك
ولو انت رايح على الزراعى حاول تفول فى البنزينات الجديدة اللى فى ابو حمص
بنزينة طاقة أو امارات مصر
ولما التانك يكون تحت النص دور على بنزين
وطبعا أمن عربيتك ضد السرقة بقدر المستطاع
وربنا يسترها
شكرا ياجماعة على اهتمامكم انتوا كده طمنتوني جزاكم الله خيرا
بالنسبة للبنزين يعني ممكن اقلاقي في البنزينات اللي على طريق الكورنيش
هتلاقي بس قليل قوي وزحمه
البنزينات على الكورنيش عمرى ما لاقيت فيها بنزين 80 ابدا
لو قفلت خالص و هتقطع منك حط 90