عرض للطباعة
السلام عليكم و رحمة الله
انا اشتريت برتون بيرسونا ٢٠١٢ زيرو اوتوماتيك و عندي استفسار لما بفتح المكيف صوت المروحة يكون عالي و بعد كدا تفصل و هكذا كل كام دقيقة. هل هو دا طبيعي انه يكون عالي كدا ولا في مشكلة عندي. ياريت الي واجه المشكلة دي يرد عليا.
شكراا
مفيش مشكلة ......... هو كدا عادي .
مبروك عليك العربية
ألف مبروك
التكييف بيبقى ليه ثرموثتات بيخليه يفصل ودا طبيعى والله أعلم
انت ممكن تكون عامل المروحة على وضع أوتو .... اذا كان مكيفك تاتش
انما لو قصدك على المراوح الخارجية فده طبيعي جدا وبيحصل زي ما بيحصل في مكيف البيت
طبيعي .. ومبروك .
مبروك ياباشا وعقبالى يارب
الف مبروك عليك العربية :)
ده طبيعي في اغلب العربيات مش بس بروطون :)
اقتباس:
المشاركة الأصلية كتبت بواسطة eng f3lix
حلوة بروطون دي - :plusone1:
شكرا يا جماعة على مشاركتكم و الاجابة على استفسارى بس انا حاسس ان صوت المروحة عالى بزياده ممكن لما اروح التوكيل صيانة 1000 كم اسال على الموضوع ده ان شاء الله
أنا برضه من ساعة ما جبت العربية وأنا حاسس إن صوت المروحة بتاعة التكييف عالي بزيادة
وبعد البحث اتأكدت إن صوت المروحة بتاعة البيرسونا كدة الطبيعي بتاعه لإني ركبت كذا عربية في التوكيل ولافيت نفس الصوت وبرضه قلتلهم عليه في التوكيل وقالي كدة طبيعي
بس عموما هو الصوت عالي بالنسبة للعربيات التانية وبيكون محسوس قوي لما تكون واقف في إشارة بالذات أو العربية شغالة بدون تحرك
بس طبيعي مع الوقت هاتتعود عليه
طبيعى يااباشا ان شااء الله وتحس بيه لو بره العربيه كمان اعلى :d